Akts 15:25 - Vengo (Babungo)

²⁵ Nɨniŋ, yia faynə yigisə yia, shìa laa yia shoꞌ vɨɨ, tɔ̀ŋ tɨ́ viŋ, ghɔ vɨ Barnabas nə Pɔɔl faŋ yia kaw vəŋ ŋkee dɨdɨꞌ.

Akts 15:25 ပူးပေါင်းရင်းမြစ်များ

Matiu 11:26

Ɔŋ mɔɔ, Tɨta, lùu faŋ ŋkə nə bàw sɨ ghɔ.»

Lukas 1:3

Nɨniŋ, mə nə bɨ̀ꞌtə laa ŋkə bàw laa mə gə nɨzi, shoꞌmə vənu vɔ́ vənshə fɨ maa vənzi ŋkee vəley, buu nyɔ̀ꞌ maa yiley yineꞌtə, kɔ̀ tɨ́ ghɔ, tɨta fwaŋwe Teofilɔs,

Akts 1:14

Vəŋ nə luu shɔ, fwi vəŋ luu yimuꞌ, vəŋ shɔꞌtə Nwi ghee nshə. Vəki vəmɔ́ꞌ nə Meri, nshu Yeso, nə vaŋ-nshwi Yeso nə luu taa ŋwaa vəŋ nɨzi.

Akts 15:2

Nɨniŋ, vəŋ buulə nshəŋtə vɨɨ məbiŋ nu Kristo. Pɔɔl ghɔ Barnabas tay ŋkee jəə ghɔ vɨ vəŋ maa nu kɔ́. Nɨniŋ, vɨ gi laa Pɔɔl ghɔ Barnabas nə vɨɨ mɔ́ꞌ fɨ ntɨꞌ Antiɔk gə Jerusalem, gə̀ yè vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo maa nu ntay kɔ́.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:35

Pɔɔl ghɔ Barnabas goꞌ Antiɔk nɨzi, kɨ deesə, ndɔ fɨꞌtə nu Nwi ghɔ vɨ vɨɨ mɔ́ꞌ vəyaŋ.

Akts 15:6

Vɨɨ ntɔŋ Kristo nə vɨɨ taa fɨ taa nshəŋtə yɔ́ baytə, duꞌnə kɨ kwaꞌtə tɔ vəŋ maa nu kɔ́.

Akts 2:1

Shi zwisə Pentekos kuꞌ, vɨɨ Yeso vɔ́ vənshə baa baytə shəŋ muꞌ.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Roma 16:12

Shɔꞌtə Trifayna nə Trifosa faŋ vəŋ sàŋ ŋwaa vəŋ maa məfaꞌ faꞌ tɨta Kristo. Shɔꞌtə Persis nɨzi, faŋ mə kàw ŋwə; ŋwə nə fàꞌ faꞌ Mɔꞌmbi dɨdɨꞌ.

1 Kɔrintian 1:10

Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Efesɔs 6:21

Mə kəə laa viŋ kɨɨ nə nu kaŋ faŋ mə lùu nə, nə ŋkɨə faŋ mə yɨsə. Nɨniŋ, mə tɔ̀ŋ Tikikɔs, weenshu ŋwaa-nsiŋ faŋ mə kàw ŋwə nə, tɨ́ viŋ. Ŋwə lùu wuu faꞌ Nwi bi. Ŋwə ndɔ jwi yɨ viŋ, yɨsə viŋ kɨɨ nə vənu vɔ́ vənshə.

Kɔlɔsii 4:7

Mə tɔŋ Tikikɔs tɨ́ viŋ, ŋwə taa naysə vənu vaŋ tɨ́ viŋ vənshə. Tikikɔs lùu weenshu ŋwaa-nsiŋ fɨ taa ŋii Nwi, faŋ mə kàw. Ŋwə faꞌ tɨ́ Nwi nə fwi yi yimuꞌ, baa lùu wuu faꞌ Yeso Kristo sheꞌ yaa mə.

Kɔlɔsii 4:9

Ŋwə jwi ghɔ Onesimɔs mɔ́ꞌ, faŋ lùu wuu wiŋ nə. Ŋwə baa lùu weenshu ŋwaa-nsiŋ faŋ mə kàw ŋwə. Ŋwə beꞌsə Kristo nə fwi yimuꞌ. Vɨɨ və̀ vəbɔɔ taa naysə vənu vənshə tɨ́ viŋ, faŋ mbə gay feenə maa yia.

Filemon 1:16

Nɨniŋ, ŋwə kee baa luu sheꞌ buꞌ wə me; ŋwə gù fa faŋ ŋkə shɔ̀ɔ buꞌ, gù lùu weenshu wə, faŋ a kàw ŋwə. Maa ŋwə luu ŋkee weenshu ŋwaa faŋ mə kàw ŋwə. Nɨniŋ, ŋwə ndɔ baa luu weenshu wə shɔ̀ɔ nɨniŋ, fɔnə a kìi ŋwə fɨ taa mənshi yaa buꞌ wə, baa kìi ŋwə yaa weenshu wə fɨ yiba Kristo nə.

2 Pita 3:15

Viŋ lumə laa, nu ŋkɨə faŋ Yeso tày shɔ nə, lùu laa viŋ kii jɨɨ, tɨ́ kaꞌ viŋ ndɔ bwey. Weenshu ŋwaa-nsiŋ Pɔɔl, faŋ nsiŋ kàw ŋwə nə, nə nyɔ̀ꞌ tɨ́ viŋ sheꞌ nɨniŋ fɨ maa tɔ ley ki, faŋ ŋkə ndɔ̀ fɨ ghɔ Nwi.