Akts 15:23 - Vengo (Babungo)

²³ Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:23 ပူးပေါင်းရင်းမြစ်များ

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:2

Nɨniŋ, vəŋ buulə nshəŋtə vɨɨ məbiŋ nu Kristo. Pɔɔl ghɔ Barnabas tay ŋkee jəə ghɔ vɨ vəŋ maa nu kɔ́. Nɨniŋ, vɨ gi laa Pɔɔl ghɔ Barnabas nə vɨɨ mɔ́ꞌ fɨ ntɨꞌ Antiɔk gə Jerusalem, gə̀ yè vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo maa nu ntay kɔ́.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:4

Nɨniŋ, vəŋ gə ziꞌ Jerusalem. Məshəŋtə vɨɨ Kristo fɨ ntɨꞌ Jerusalem ndi vəŋ nə məŋaytə. Vɨɨ ntɔŋ Kristo nə vɨɨ taa fɨ taa məshəŋtə ghɔ́ jia vəŋ jəə. Vəŋ naysə vənu vənshə faŋ Nwi nə gàŋtə vəŋ, vəŋ yɨsə.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 18:18

Nu kɔ́ kɨ me, Pɔɔl baa shi yifi tày, baa kɨ nii kɔ̀ bwey-jəə tɨ́ vɨɨ məbiŋ nu Kristo, siꞌ gə̀ ntɨꞌ Keŋkria, kɔ̀ŋ tɔ ki, buꞌ laa ŋwə nə kɔ̀ꞌnə nu tɨ́ Nwi, ghɔ vɨ Prisila nə Akwila, kɨ nii ŋìi taa bay kwalə, tɔŋ gə njɨɨ Siria.

Akts 21:25

Gə fɨ maa vɨɨ mbɨə faŋ vəŋ kee lùu vɨɨ Jus me, faŋ vəŋ biŋ nu Kristo nə, yia duꞌtə yia shia, baa nyɔ̀ꞌ taa ŋwaꞌlə, tɔ̀ŋ tɨ́ vəŋ, laa kɨ vəŋ baa zɨ fazɨ faŋ vɨ feꞌ mənyia shɔ me, tɨꞌnə me faŋ mənshi lùu taa tey yi me, baa nə laa kɨ vəŋ kwə mbasə nyaa faŋ vɨ tɨtwiŋ me wi nyə ku me, baa nə laa vəŋ meꞌtə nu mətii vəki.

Akts 21:3

kɨ gə nɨniŋ, yè shɨ Sayprɔs fɨ maa kwiŋ ŋkwii, shɔ̀ɔ tɔŋ gə̀ fɨ yiba shɨ Siria, kɨ nii fùu Tayra, buꞌ laa nə luu shəŋ ŋkɨə faŋ vɨ nə fùusə vətɔ fɨ taa bay kɔ́.

Akts 23:26

«Mə Klɔɔdiɔs Lisias, shɔꞌtə ghɔ, tɨta fwaŋwe, goməna Feliks.

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Galatia 1:21

Maa yighee yɔ́, faŋ mə nə ndɔ̀ fɨ Jerusalem, gə kwiŋ Siria, baa nə Saylisia.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

2 Jɔn 1:10

Kɨ luu wə jwi yɨ viŋ, kee jwì nə nu kɔ́ me, kɨ viŋ biŋ ŋwə ŋii taa ŋii viŋ me, kee shɔ̀ꞌtə ŋwə me,

2 Jɔn 1:13

Vaŋ weenshu wə (nshəŋtə vɨɨ Kristo fɨ feenə), faŋ Nwi shòꞌ vəŋ nɨzi, shɔꞌtə viŋ.

2 Jɔn 1:3

Tɨta Nwi ghɔ ŋwiŋ wi Yeso Kristo, kee gəŋ saŋ-nsiŋ, kɔ nsiŋ nə mənɔŋ-bwaŋnə nə məduꞌ-nyɔŋ. Mbə luu mbaŋ-nsiŋ fɨ taa yinsəŋ baa nə ŋkawnə.

3 Jɔn 1:14

Mbɨꞌtə nyaa lùu laa, fɨkɨꞌ mə taa jwi ye ghɔ, sɨ gi vənu vɔ́ nə shuu.