Akts 15:22 - Vengo (Babungo)

²² Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:22 ပူးပေါင်းရင်းမြစ်များ

Akts 1:23

Nɨniŋ, vəŋ bɨꞌtə vɨɨ vəbɔɔ, wə muꞌ luu Josef faŋ vɨ nəə tii ŋwə nə Barsabas, bi-shuu wi lùu Justɔs. Wuu mɔ́ꞌ luu Matias. Vəŋ nùŋ vɨɨ vɔ́ vəbɔɔ,

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 11:22

Sɔꞌkə buꞌ nu kɔ́ ziꞌ maa vɨɨ Kristo fɨ ntɨꞌ Jerusalem. Vəŋ zɔ nu kɔ́, tɔ̀ŋ Barnabas ntɨꞌ Antiɔk (fɨ shɨ Siria).

Akts 11:27

Sheꞌ maa yighee yɔ́ nshiisə-ŋii sɔghɔ vəmɔ́ꞌ ndɔ fɨ ntɨꞌ Jerusalem, gə Antiɔk.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:25

Nɨniŋ, yia faynə yigisə yia, shìa laa yia shoꞌ vɨɨ, tɔ̀ŋ tɨ́ viŋ, ghɔ vɨ Barnabas nə Pɔɔl faŋ yia kaw vəŋ ŋkee dɨdɨꞌ.

Akts 15:27

Nɨniŋ, yia tɔ̀ŋ Silas ghɔ Judas, vəŋ taa naysə ŋkee nu ŋkɨə faŋ yia nyɔ̀ꞌ taa ŋwaꞌlə ŋwə̀ tɨ́ viŋ, nə shuu vəŋ nɨzi.

Akts 15:3

Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 15:30

Vəŋ kɔ ŋwaꞌlə ghɔ́ tɨ́ vɨɨ ntɔŋsə vɔ́, kɔ̀ bwey-jəə tɨ́ vəŋ. Vəŋ ndɔ fɨ nsi, siꞌ gə̀ ntɨꞌ Antiɔk (fɨ shɨ Siria), bàytə vɨɨ məbiŋ nu Kristo, kɔ̀ ŋwaꞌlə ntɔŋ ghɔ́ tɨ́ vəŋ.

Akts 15:32

Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 15:40

Pɔɔl shoꞌ Silas. Nshəŋtə vɨɨ Kristo shɔꞌtə Nwi tɔ Pɔɔl ghɔ Silas laa Nwi gaŋtə vəŋ. Vəŋ ndɔ, tòꞌ fɨ nsi,

Akts 16:19

Yighee njyə faŋ vɨɨ vɔ́ faŋ vəŋ nə kìi wəzwi ghɔ́, nə ye laa jɨɨ ŋkəə vəŋ kee baa lùu shɔ me, vəŋ jia Pɔɔl ghɔ Silas, gə̀ nə vəŋ vɨsɨ vɨɨ kwalə taa yiwiŋ,

Akts 16:25

Kɨ luu nɨndɨɨ mbi, Pɔɔl ghɔ Silas shɔꞌtə Nwi taa ŋii mfiŋ, ndɔ zwaa nyaysə. Vɨɨ ŋii mfiŋ nə ywiitə, zɔ fɨ ghɔ vəŋ.

Akts 16:29

Wuu məndeynə ŋii mfiŋ, bitə kiꞌ, nyɨŋ ŋìi taa ŋii mfiŋ, ŋwaa wi nə laꞌ, ŋwə shɔɔ gə̀ gù vɨsɨ Pɔɔl ghɔ Silas,

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:14

Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 8:14

Vɨɨ ntɔŋ Kristo mbɨə faŋ vəŋ nə luu ntɨꞌ Jerusalem nə, zɔ laa vɨɨ Samaria bìŋ yigisə Nwi. Vəŋ tɔŋ Pita ghɔ Jɔn tɨ́ vɨɨ Samaria.

2 Kɔrintian 1:19

Nshɨ-tɔ Yeso Kristo, wee Nwi, faŋ mə nə fɨ̀ꞌtə kɔ̀ŋ ŋwə taa ŋwaa viŋ, yia Silas nə Timoti, ŋwə nɨzi kee lùu ɔŋ nə bey me. Ŋkee yinsəŋ, Nwi nə gì laa ɔŋ tɨ́ nsiŋ ŋkee maa nu kwalə buꞌ ŋwə.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.