Akts 15:13 - Vengo (Babungo)

¹³ Faŋ Barnabas ghɔ Pɔɔl metə yigisə vəŋ yɔ́, Jeyms gi laa, «Vaŋ-nshwi vaŋ, viŋ zɔ nu ŋkɨə faŋ mə gisə!

Akts 15:13 ပူးပေါင်းရင်းမြစ်များ

Mark 15:40

Vəki vəmɔ́ꞌ nə luu shɔ nɨzi, tɨ̀ŋ ntaŋ, kɨ ye. Vəki vəmɔ́ꞌ fɨ taa ŋwaa vəŋ nə luu Meri Madalin, nə Salomi, nə Meri nshu Jeyms bwa ghɔ Josef.

Akts 12:17

Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Akts 2:14

Pita tɨŋnə yizɔ ghɔ vɨ vɨɨ ntɔŋ Yeso njɔ-yimuꞌ, gì nə gɨ yishaꞌsə laa, «Vɨɨ Jus, nə vɨɨ vənshə faŋ viŋ shì ntɨꞌ Jerusalem, viŋ ŋaꞌ tuulə ghiŋ, kɨ zɔ nu ŋkɨə faŋ mə taa naysə tɨ́ viŋ.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Akts 2:29

Vaŋ-nshwi vaŋ, kaꞌ mə gì tɨ́ viŋ ntee kɔ̀ŋ tɨta ŋwaa-nsiŋ kwalə Deyvid ghɔ́. Maa ŋwə nə ku, vɨ təə ŋwə taa swi, swi wi kɨ bii kɔ tɔ və-ndee yɨ nsiŋ.

Akts 21:18

Fu kɨ lee, Pɔɔl ndi yia laa yia vɨ vəŋ gə yè Jeyms. Yia ziꞌ shɔ, tɨ́ vɨɨ taa vənshə fɨ taa məshəŋtə vɨɨ Kristo baytə fu Jeyms.

Akts 22:1

«Vaŋ-nshwi vaŋ nə vətɨɨ vaŋ, viŋ zɔ nu ŋkɨə faŋ mə taa gi, fi tɔ kaŋ shɔ fɨ ghɔ viŋ ndwə.»

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

Galatia 1:19

Mə nə kee yè wuu ntɔŋ Kristo mɔ́ꞌ me, tɨ̀ lɨꞌ sheꞌ Jeyms, weenshu tɨta Yeso.

Galatia 2:12

Nə luu maa yighee yɔ́, Pita nəə zɨ ghɔ vɨ vɨɨ Kristo mbɨə faŋ vəŋ kee lùu vɨɨ Jus me. Nɨniŋ, vɨɨ mɔ́ꞌ faŋ Jeyms nə tɔŋ vəŋ, jwi yifi, Pita kɨ nii sùꞌtə fɨ yɨ vɨɨ vɔ́, kee baa kɨ zɨ ghɔ vɨ vəŋ me, buꞌ laa ŋwə nəə fee vɨɨ Jus vɔ́, faŋ vəŋ nə ndɔ̀ fɨ yɨ Jeyms nə.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.