Akts 15:11 - Vengo (Babungo)

¹¹ Maa nsiŋ nùŋ fwi saŋ-nsiŋ maa tɨta Yeso, laa nsiŋ ndɔ kii məbwey vəlwaŋ buꞌ gəŋ si. Maa vɨɨ vɔ́ yɨ sheꞌ nɨniŋ.»

Akts 15:11 ပူးပေါင်းရင်းမြစ်များ

Roma 3:24

Nɨniŋ, nu vəŋ kiasə lòomə sheꞌ buꞌ gəŋsə Nwi. Vəŋ kee bee kɔ fa tɨ́ Nwi me, buu ŋwə kiasə nu vəŋ, ŋkə loomə me. Ŋwə kiasə nu vəŋ buꞌ Yeso Kristo faŋ ŋwə bwèysə vəŋ fɨ taa nsɔꞌ nə.

Roma 5:15

Luu nə, nu gəŋsə Nwi faŋ Nwi kee gəŋsə vɨɨ nə, kee lùu yaa nu Adam me, faŋ ŋwə nə gù nu nə me. Wə muꞌ, faŋ lùu Adam, nə gù nu, buu vɨɨ vənshə kukə shɔ. Gə fɨ maa gəŋsə Nwi, nyə kwàlə shɔ̀ɔ nu kɔ́ tɨ́ vɨɨ vəyaŋ, faŋ vəŋ ndɔ zɨ məbwey vəlwaŋ buꞌ wə muꞌ nɨzi, faŋ lùu Yeso Kristo.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

1 Kɔrintian 16:23

Tɨta Yeso Kristo tu mənɔŋ-bwaŋnə tɔ viŋ.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Galatia 1:6

Shuu ŋwaa yɔŋ, nu ghɔꞌ mə, laa viŋ duꞌtə viŋ baa kiasə ŋwaa fɨ maa nu Kristo, kee baa kɨ nuŋ fwi siŋ maa ŋwə me, faŋ ŋwə nə kèe gəŋ siŋ, tìi viŋ nə. Viŋ kìasə ŋwaa, kɨ gə fɨ maa jɨɨ yiday lee?

Galatia 2:16

Luu nə, faŋ nsiŋ kɔlə luu vɨɨ Jus binə nə, nsiŋ kɔꞌ kɨɨ laa, nu wə kee yaa kɨ kwiinə, lùu kəloomə sɨ Nwi buꞌ vənu mbɨə faŋ ŋwə yɨsə, faŋ gì nuŋsə me. Vənu və wə yaa kɨ kwiinə sheꞌ faŋ ŋwə nùŋsə fwi yi maa Yeso Kristo. Nɨniŋ, nsiŋ nùŋ fwi saŋ-nsiŋ maa Yeso Kristo sheꞌ yaa vɨɨ vɔ́ faŋ vəŋ kee lùu vɨɨ Jus me. Vənu vaŋ-nsiŋ lùu vəloomə vɨsɨ Nwi sheꞌ buꞌ faŋ nsiŋ nùŋ fwi saŋ-nsiŋ maa Yeso Kristo, kee luu buꞌ yitoꞌ nyaa-nsiŋ faŋ nsiŋ jia nuŋsə vɨɨ Jus nə wutə me. Ŋkə luu ŋkee faŋ vɨ nə nyɔ̀ꞌ taa ŋwaꞌlə Nwi fɨshi laa, «Wə kee lùu shɔ faŋ vənu vi ndɔ ley vɨsɨ Nwi, buꞌ laa ŋwə nuŋsə ntɨsə nə wutə me.»

Taytəs 2:11

Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.