Akts 14:1 - Vengo (Babungo)

¹ Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 14:1 ပူးပေါင်းရင်းမြစ်များ

Mark 7:26

Wəzwi ghɔ́ nə luu wuu Griik, faŋ vɨ nə bi ŋwə ntɨꞌ Fənishia fɨ shɨ Siria. Ŋwə jwi bùꞌ ghɔ tɨ́ Yeso laa ŋwə fuusə zwitə bwə fɨ maa ŋwiŋ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:20

Fɨ taa ŋwaa vɨɨ mbɨə faŋ vəŋ nə gə̀ ntɨꞌ Jerusalem maa məbəŋsə Nwi maa shi zwisə nə, vɨɨ shɨ Griis mɔ́ꞌ nə luu shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:35

Vɨɨ Jus gi sheꞌ vəŋ vəŋ laa, «Wə ŋwə̀ sii gì laa yi ndɔ gə fə, tɨ́ kaꞌ nsiŋ kee ndɔ ye ŋwə me? Ŋwə ndɔ gə ye vɨɨ Jus mbɨə faŋ vəŋ sàynə taa ŋwaa vɨɨ Griik, kɔꞌ kɨ nii deesə nu ki tɨ́ vɨɨ Griik mu?

Akts 11:21

Wutə Nwi nə luu taa ŋwaa vəŋ, yɨsə laa vɨɨ vəyaŋ kwìinə fwisə vəŋ, nùŋ fwisə vəŋ maa tɨta Yeso.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 13:5

Faŋ vəŋ nə gə ziꞌ ntɨꞌ Salamis fɨ shɨ Sayprɔs, gə̀ fɨ̀ꞌtə yigisə Nwi taa ndɔꞌ Nwi vɨɨ Jus. Jɔn Mark nə luu taa ŋwaa vəŋ maa məgaŋtə vəŋ.

Akts 13:51

Pɔɔl ghɔ Barnabas kwətə butə fɨ ghuu vəŋ, faŋ lùu shwenə ŋgaasə tɨ́ vɨɨ vɔ́, ndɔ gə Ikoniɔn fɨ shɨ Laykonia.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 14:21

Fu lee Pɔɔl ndɔ, ghɔ Barnabas gə Derbi, fɨꞌtə nu Nwi taa ntɨꞌ yɔ́, yɨ̀sə vɨɨ vəyaŋ luu vɨɨ məbiŋ nu Kristo. Vəŋ baa ndɔ̀ fɨ yifi, bə̀ŋ gə Listra nə Ikoniɔn, baa nə Antiɔk.

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Akts 16:2

Vɨɨ məbiŋ nu Kristo fɨ Listra nə fɨ Ikoniɔn nə bìŋ Timoti ghɔ́, laa lùu wuu yinsəŋ.

Akts 17:12

Nɨniŋ, vɨɨ vəyaŋ nuŋ fwisə vəŋ maa nu Kristo. Vɨɨ Griik vəyaŋ, vəndɔŋ nə vəki, nə luu taa ŋwaa vɨɨ məbiŋ nu Kristo nɨzi. Vəki vəkwalə nə luu taa ŋwaa vəŋ nɨzi.

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 18:4

Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 19:17

Vɨɨ vənshə faŋ vəŋ nə luu shɨ Efesɔs, vɨɨ Jus nə vɨɨ Griik zɔ nu kɔ́, vəŋ vənshə fee, kɨ bəŋsə yizii tɨta Yeso.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 21:28

yùmə laa, «Vɨɨ Isirayl, viŋ jwi gàŋtə! Ye wə ntɨə faŋ ŋwə toꞌ deesə vɨɨ vənshə nə bwə buꞌ vɨɨ Isirayl, nə buꞌ nuŋsə nyaa-nsiŋ, nə ŋii Nwi nyə̀. Ŋkə nə kee ta yikuꞌnə tɨ́ ŋwə me, ŋwə ndi vɨɨ Griik, jwì ŋìisə taa ŋii Nwi nyə̀, faŋ ŋkə kee yikuꞌnə laa vɨɨ tɔmə day ŋii shɔ me. Ŋwə bɨsə shəŋ ley Nwi kə̀.»

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Roma 10:12

Nu wuu Jus nə nu wuu Griik kee lùu nɨŋkwiŋ nɨŋkwiŋ me, buꞌ laa wə ntɨə faŋ ŋwə kìi vəŋ, luu sheꞌ muꞌ, luu Nwi. Ŋwə kɔ̀ vətɔ vəjəəvə tɨ́ vɨɨ vənshə faŋ vəŋ tii yizii yi.

Galatia 2:3

Nɨniŋ, faŋ Titɔs nə kɔlə luu wuu Griik nə, vəŋ nə kee dɔ̀ɔ laa vɨ sɨɨtə ŋwə me, tɨ́ kaꞌ ŋwə lùu yaa wuu Jus me.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.