Akts 13:51 - Vengo (Babungo)

⁵¹ Pɔɔl ghɔ Barnabas kwətə butə fɨ ghuu vəŋ, faŋ lùu shwenə ŋgaasə tɨ́ vɨɨ vɔ́, ndɔ gə Ikoniɔn fɨ shɨ Laykonia.

Akts 13:51 ပူးပေါင်းရင်းမြစ်များ

Matiu 10:14

Kɨ luu vɨɨ kee biŋ nu kiŋ me, kee kɨ zɔ yigisə yiŋ me, viŋ fuu fɨ taa ŋii yɔ́, tɨꞌnə me fɨ taa ntɨꞌ yɔ́, tɔ̀ŋsə ghuu ghiŋ nsi maa shwenə tɨ́ vəŋ.

Mark 6:11

Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Lukas 10:11

«Ŋkee shɔꞌ ŋkɨə faŋ ŋkə ghaytə ghuu yia fɨ nsi viŋ, yia jìasə maa viŋ. Luu nə, bàw viŋ kɔꞌ kɨɨ laa nu yifwàŋ Nwi luu nshənə.»

Lukas 9:5

Viŋ kɨ luu zìꞌ maa shəŋ kəmɔ́ꞌ, vɨɨ kee jìa viŋ jəə me, viŋ fùu fɨ taa ntɨꞌ yinjii, tɔ̀ŋsə shɔꞌ fɨ ghuu viŋ nsi, kɨ nii lùu shwenə nsɔꞌ tɔ vɨɨ vɔ́.»

Akts 14:1

Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:21

Fu lee Pɔɔl ndɔ, ghɔ Barnabas gə Derbi, fɨꞌtə nu Nwi taa ntɨꞌ yɔ́, yɨ̀sə vɨɨ vəyaŋ luu vɨɨ məbiŋ nu Kristo. Vəŋ baa ndɔ̀ fɨ yifi, bə̀ŋ gə Listra nə Ikoniɔn, baa nə Antiɔk.

Akts 16:2

Vɨɨ məbiŋ nu Kristo fɨ Listra nə fɨ Ikoniɔn nə bìŋ Timoti ghɔ́, laa lùu wuu yinsəŋ.

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.