Akts 13:43 - Vengo (Babungo)

⁴³ Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:43 ပူးပေါင်းရင်းမြစ်များ

Matiu 23:15

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ toꞌ gə̀ maa vəshəŋ vənshə, shɔɔ fɨ fuu mamuu nə fɨ fuu nsi yinshə laa viŋ kiasə wə muꞌ, ŋwə gu wuu məbiŋ Nwi wiŋ. Luu nə, yighee njyə faŋ ŋwə kìasə nɨniŋ, viŋ yɨ̀sə ŋwə gù wuu bwə, shɔ̀ɔ viŋ taa nu bwə ghee bɔɔ, ndɔ ŋii taa shəŋ vəŋku və nsisə vəbwəvə taa wi.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 17:34

Luu nə, vɨɨ mɔ́ꞌ beꞌsə Pɔɔl, nùŋ fwisə vəŋ maa Kristo. Wə muꞌ fɨ taa ŋwaa vəŋ nə luu Dionisiɔs, faŋ nə luu wuu ŋii njɔŋ ntoꞌ. Wə mɔ́ꞌ nə luu wəzwi faŋ yizii yi lùu Damaris. Vɨɨ vəmɔ́ꞌ nə luu shɔ nɨzi.

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 18:7

Ŋwə meꞌtə vəŋ, ndɔ̀ gə̀ taa ŋii wə mɔ́ꞌ faŋ ŋwə nəə bəŋsə Nwi, kee lùu wuu Jus me. Yizii wə ghɔ́ luu Titiɔs Justɔs. Ŋii yi nə luu sheꞌ yɨ ŋii məshɔꞌtə Nwi vɨɨ Jus nee.

Akts 2:10

nə fɨ Frigia, nə fɨ Pamfilia, nə fɨ Ijip, nə fɨ nsi Libia yɨ Kirene, nə vɨɨ Rom faŋ vəŋ shi shɨ nyə̀.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 6:5

Nwaa vɨɨ vɔ́ vənshə nə kàw nu ŋkɨə faŋ vɨɨ ntɔŋ Yeso nə gì nə. Vəŋ kɨ nii shòꞌ Stefen, wə faŋ ŋwə nə bìŋ Kristo nə fwi yimuꞌ, Zwitə Ley Nwi lwàŋ taa fwi ŋwə. Vɨ baa shòꞌ Filip, nə Prokorɔs nə Nikanor nə Timon nə Parminas nə Nikolaws, wuu Antiɔk faŋ ŋwə nə ŋìi nu Nwi vɨɨ Jus.

Roma 11:6

Faŋ ŋwə nə shòꞌ vəŋ nɨniŋ, buꞌ faŋ ŋwə nə kèe gəŋsə vəŋ nə, ŋwə nə kee shòꞌ vəŋ buꞌ vənu vəvəŋ faŋ vəŋ nə yɨ̀sə nə me. Ŋwə nəə toꞌ shòꞌ vəŋ buꞌ vənu vəvəŋ, buu nu ŋkɨə faŋ ŋwə nə gàŋtə vəŋ nə, kee baa lùu nu gəŋsə si me.

Roma 3:24

Nɨniŋ, nu vəŋ kiasə lòomə sheꞌ buꞌ gəŋsə Nwi. Vəŋ kee bee kɔ fa tɨ́ Nwi me, buu ŋwə kiasə nu vəŋ, ŋkə loomə me. Ŋwə kiasə nu vəŋ buꞌ Yeso Kristo faŋ ŋwə bwèysə vəŋ fɨ taa nsɔꞌ nə.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

Roma 5:21

Nɨniŋ, sheꞌ faŋ nu bwə nəə sɔꞌ mbi nə wutə yiku nə, nu mənɔŋ-bwaŋnə Nwi ndɔ sɔꞌ mbi sheꞌ nɨniŋ nɨzi, kìasə vənu və vɨɨ, mbə loomə, vəŋ zɨ məbwey vəlwaŋ buꞌ tɨta ŋwaa-nsiŋ Yeso Kristo.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 5:4

Viŋ kɨ luu kɨ bɨꞌtə laa, Nwi taa ndi viŋ yaa vɨɨ loomə vɨsɨ ŋwə, buꞌ faŋ viŋ nuŋ ntɨsə sɔ́, buu viŋ gàasə ŋwaa wiŋ fɨ maa Kristo. Gəŋsə Nwi, faŋ Nwi kèe gəŋsə vɨɨ buꞌ Kristo nə, kee baa lùu shɔ tɨ́ viŋ me. Kaꞌ ŋkə kee baa gàŋtə viŋ me.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Filipi 3:16

Luu nə, kɨ nsiŋ bəŋ yiba me; nsiŋ kɨ beꞌsə vənu mbɨə faŋ nsiŋ nə teꞌsə beꞌsə nə.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

Taytəs 2:11

Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.