Akts 13:36 - Vengo (Babungo)

³⁶ Ŋkə nə kee lùu yigi kɔ̀ŋ fwàŋ Deyvid me. Fwàŋ Deyvid nə fàꞌ tɨ́ Nwi maa njiinə yighee, baa kɨ nii yiku, vɨ təə ŋwə yɨ vətɨɨ vi, ŋwə shuu ndì.

Akts 13:36 ပူးပေါင်းရင်းမြစ်များ

Matiu 25:16

Wə ntɨə faŋ ŋwə nə fì vəmalia tee nə, ndɔ yighee muꞌ, ndɔ̀ gə̀ maa məbeꞌlə ka ghɔ́, sèy vəmalia tɔ yi tee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:39

Yeso gi tɨ́ vəŋ laa vəŋ baꞌsə ŋoꞌ yɔ́ fɨ shuu swi. Marta, weenshu Lasarɔs faŋ ŋwə nə kù nə, gi tɨ́ Yeso laa, «Tɨta, ŋku wə kɔ́ taa kɨ luŋ, buꞌ laa ndwə lùu vəshi yishwe faŋ ŋwə nə kù nə.»

Akts 13:22

Nwi kɨ nii sùꞌsə ŋwə fɨ maa fwàŋ, kòꞌsə Deyvid laa luu fwàŋ vəŋ. Maa yighee yɔ́ Nwi nə gi kɔ̀ŋ fwàŋ Deyvid laa, «Mə ye Deyvid, wee Jesse, laa lùu wə faŋ ŋwə kùꞌnə taa fwi mə, ŋwə taa kɨ yɨsə vənu vənshə faŋ mə gì.»

Akts 2:29

Vaŋ-nshwi vaŋ, kaꞌ mə gì tɨ́ viŋ ntee kɔ̀ŋ tɨta ŋwaa-nsiŋ kwalə Deyvid ghɔ́. Maa ŋwə nə ku, vɨ təə ŋwə taa swi, swi wi kɨ bii kɔ tɔ və-ndee yɨ nsiŋ.

Akts 20:27

buꞌ laa mə nə nàysə nu Nwi tɨ́ viŋ kənshə, kee mèꞌtə tuu nu faŋ ŋkə lùu taa ŋkɨɨ Nwi me.

Akts 7:60

kɨ nii tùŋ vətɔ vəyəə vi nsi, yùmə ŋkee nəŋay laa, «Tɨta Nwi, ndenə nu bwə vəŋ kə̀,» kɨ nii yiku nɨniŋ.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

1 Kɔrintian 15:18

Ŋkə kɨ nii baa də̀ laa vɨɨ mbɨə faŋ vəŋ nə nùŋ fwisə vəŋ maa Kristo, faŋ vəŋ nə kùkə nə, vəŋ kùkə nə nu bwə maa vəŋ, ndì.

1 Kɔrintian 15:6

Yiŋkii kɨ shɔɔ, ŋwə fuu yikəꞌ vaŋ-nshwi vaŋ-nsiŋ vəmɔ́ꞌ faŋ vəŋ nə bàytə shəŋ muꞌ vəyaŋ, shɔ̀ɔ yiwa tee. Vəŋ vənshə nə yè ŋwə nə sɨ. Vɨɨ vəyaŋ kɨ bii fɨ taa ŋwaa vɨɨ vɔ́ faŋ vəŋ nə yè ŋwə nə. Nə kukə sheꞌ vaŋ-mbusə vɨɨ fɨ taa ŋwaa vəŋ.

1 Tesalonika 4:13

Vaŋ-nshwi via, yia kee kaw laa viŋ duꞌ nshi buꞌ nu vaŋ-nshwi vaŋ-nsiŋ mbɨə faŋ vəŋ kukə̀ me. Yia kəə twelə tɨ́ viŋ laa kɨ viŋ luŋ yaa vɨɨ mɔ́ꞌ faŋ vəŋ kee kɨ̀ꞌ məbwey vəlwaŋ me.