Akts 13:3 - Vengo (Babungo)

³ Vəŋ baa kɨ baŋ fazɨ, shɔ̀ꞌtə Nwi, mɔ̀ꞌ ghɔ vəŋ tɔ vəŋ, twey vəŋ, vəŋ gə.

Akts 13:3 ပူးပေါင်းရင်းမြစ်များ

Lukas 2:37

Ŋwə kɨ nii shì yaa zu ŋku ziꞌ ŋuꞌ njɔsə-yishwe muu-yimfɔŋ. Ŋwə nə shì sheꞌ taa ŋii Nwi yikwalə, kee baa fùu fɨ fuŋ me, zwisə nə jɨŋ, shɔꞌtə Nwi vətuꞌ nə shɨshwi. Nə luu faꞌ wi tɨ́ Nwi nɨniŋ.

Akts 1:24

shɔꞌtə Nwi, gì laa, «Tɨta Nwi, faŋ a kɨ̀ɨ nə fwisə vɨɨ, də wə ntɨə faŋ a shoꞌ fɨ taa ŋwaa vɨɨ və̀ vəbɔɔ tɨ́ yia,

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 13:4

Faŋ Zwitə Ley Nwi nə tɔ̀ŋ vəŋ nɨniŋ nə, vəŋ siꞌ gə ntɨꞌ Selusia, ŋìi taa bay kwalə, tɔ̀ŋ mamuu taa bay, tɔŋ gə̀ shɨ Sayprɔs.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 14:26

Vəŋ baa ndɔ̀ fɨ yifi, ŋìi taa bay kwalə, tɔ̀ŋ mamuu, bə̀ŋ gə̀ Antiɔk, faŋ lùu shəŋ ŋkɨə faŋ vəŋ nə bɨ ndɔ̀ fɨ fuŋ nə, faŋ vaŋ-nshwi vəŋ maa yizii Kristo nə shɔꞌtə Nwi, tɔŋ vəŋ maa faꞌ Nwi, ŋgwə faŋ vəŋ bə̀ŋ fɨ fuŋ ndwə nə.

Akts 15:40

Pɔɔl shoꞌ Silas. Nshəŋtə vɨɨ Kristo shɔꞌtə Nwi tɔ Pɔɔl ghɔ Silas laa Nwi gaŋtə vəŋ. Vəŋ ndɔ, tòꞌ fɨ nsi,

Akts 6:6

Vɨ nuŋsə vɨɨ vɔ́ vɨsɨ vɨɨ ntɔŋ Yeso. Vɨɨ ntɔŋ Yeso shɔꞌtə Nwi, mɔ̀ꞌ ghɔ vəŋ tɔ vɨɨ vɔ́ kwatia nə.

Akts 9:17

Ananias ndɔ gə̀ taa ŋii yɔ́, mɔ̀ꞌ ghɔ ghi maa Sɔɔl, gì tɨ́ ŋwə laa, «Weenshu ŋwaa Sɔɔl, tɨta Yeso, faŋ viŋ ŋwə yaa faynə jɨɨ njyə faŋ a nəə jwi fɨ fuŋ nə, tɔ̀ŋ mə laa a baa kɨ yenə vədɨꞌ, baa nə laa Zwitə Ley Nwi lwaŋ taa fwi ghɔ.»

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.

1 Timoti 5:22

Kɨ mɔꞌ ghɔ ghə tɔ wə titi me, kɨ shiinə ŋwaa wə laa a kee jɔmə vɨɨ taa vənu vəbwəvə vəŋ me. Bàw a kɨ shiŋnə ŋwaa wə laa vənu və ley.

2 Timoti 1:6

Nɨniŋ, mə kəə lumə tɨ́ ghɔ laa, a kɨ ndeynə laa vəkɔ mbɨə faŋ Nwi nə kɔ̀ tɨ́ ghɔ maa yighee njyə faŋ mə nə mɔ̀ꞌ ghɔ ŋaa tɔ ghɔ nə, kɨ faꞌ taa ŋwaa ghɔ,

2 Timoti 2:2

Fi yigi njyə faŋ a nə zɔ̀ fɨ ghɔ mə, faŋ mə nəə fɨꞌtə nu Kristo vɨsɨ vɨɨ vəyaŋ nə, ndì nùŋsə tɨ́ vɨɨ yinsəŋ, faŋ vəŋ kùꞌnə tɨ́ kaꞌ vəŋ ndɔ baa kɨ deesə tɨ́ vɨɨ mɔ́ꞌ.

3 Jɔn 1:6

Vəŋ nàysə tɨ́ nshəŋtə yia ntee laa a lùu wuu məkaw vɨɨ. A taa kɨ gaŋtə vəŋ maa nu yitoꞌ vəŋ, yuu ŋkə kuꞌnə tɨ́ Nwi, buu a yɨ̀ luu nu jəə,

3 Jɔn 1:8

Nɨniŋ, ŋkaŋ-nsiŋ lùu laa nsiŋ kɨ nuŋ kəŋ vɨɨ vɔ́ taa ndɔꞌ nsiŋ, laa nsiŋ luu vaŋ-nshwi vəŋ fɨ taa faꞌ ŋgwə faŋ lùu nu Nwi yinsəŋ.