Akts 13:29 - Vengo (Babungo)

²⁹ Nɨniŋ, vəŋ yɨ vənu vənshə faŋ vɨ nə ŋwàꞌlə buꞌ ŋwə taa ŋwaꞌlə Nwi. Vɨ kɨ nii sùꞌsə ŋwə fɨ mbɨɨ tɨ ŋkɨꞌsə, nùŋ ŋwə taa swi.

Akts 13:29 ပူးပေါင်းရင်းမြစ်များ

Mark 15:42

Kɨ lùu laynəfu shi kɔ́, faŋ nə luu shi məlootə ŋii. Shi kɔ́ nə luu shi faŋ fu taa lee kɨ nii lùu shi zwisə Nwi.

Lukas 23:50

Wə mɔ́ꞌ nə luu shɔ, yizii yi lùu Josef. Ŋwə nə luu shɨꞌ fɨ shɨ, baa lùu wuu jəə, vənu vi lùu vəloomə.

Lukas 23:53

Goməna biŋ. Ŋwə gə suꞌsə ŋku Yeso, ndìŋ ŋwə taa njwisə fusə, kwàŋ ŋwə taa swi mɔ́ꞌ faŋ vɨ nə tàw fɨ taa ŋoꞌ, kee ta kwàŋ ŋku wə tey yi me.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:28

Yiŋkii kɨ mè, tɨ́ Yeso kɨɨ laa yi mètə vənu vi vənshə, kɨ nii gì laa, «Fwi nyaa yɔŋ.» Nɨniŋ, ŋkə fàynə nə nu faŋ ŋkə lùu taa ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:30

Yeso swiŋ məluꞌ mbɔ́, ndɔ̀ gì laa, «Ŋkə mè,» mɔ̀ꞌ me wi way muꞌ, kɨ nii yiku.

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 26:22

Jwi kɔ tɔ və-ndee, gaŋtə Nwi gaŋtə mə, laa mə kɨ tɨtɨŋnə, fɨꞌtə nu Nwi tɨ́ vɨɨ kwalə nə tɨ́ vɨɨ tɨtiꞌ, fɨꞌtə sheꞌ nu ŋkɨə faŋ nshiisə-ŋii sɔghɔ nə Mose nə fɨ̀ꞌtə laa ŋkə ndɔ gay nə.

Akts 4:28

Vəŋ yɨ̀sə vənu vənshə faŋ a nə nùŋsə maa wutə kə nə ŋkɨɨ yə laa ŋkə ndɔ gay.

Akts 5:30

Nwi faŋ lùu Nwi vətɨɨ vaŋ-nsiŋ, ywèysə Yeso fɨ shɨ yiku, ŋkee Yeso ŋgwə faŋ viŋ nə bèy ŋwə fuu fəŋkɔꞌ, ŋwə ku.

1 Kɔrintian 15:4

Ŋwə nə ku, vɨ təə ŋwə. Kɨ luu vəshi vətia, Nwi yweysə ŋwə fɨ shɨ yiku, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ luu nɨniŋ.