Akts 13:27 - Vengo (Babungo)

²⁷ Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 13:27 ပူးပေါင်းရင်းမြစ်များ

Matiu 22:29

Yeso bəŋsə tɨ́ vəŋ laa, «Viŋ gù, buꞌ laa viŋ kee kɨ̀ɨ nə ŋwaꞌlə Nwi me, tɨꞌnə me wutə Nwi me.

Lukas 22:34

Yeso gi tɨ́ ŋwə laa, «Pita, mə naysə tɨ́ ghɔ laa, ŋkɨꞌ kee taa taw ndee me, a twey ghee tia laa a kee kɨ̀ɨ nə mə me.»

Lukas 23:13

Goməna Pilate tii vɨɨ kwalə məfeꞌ Nwi nə vəshɨꞌ nə vɨɨ fɨ taa shɨ, vəŋ baytə shəŋ muꞌ.

Lukas 24:20

Vɨɨ kwalə məfeꞌ Nwi nə vəshɨꞌ via jia ŋwə, kwaŋ taa nsɔꞌ. Vɨ sɔꞌ nu ki, shìa laa vɨ zwi ŋwə, buu vɨ kɨ nii bèy ŋwə fuu fəŋkɔꞌ fə ŋkɨꞌsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:3

Vəŋ taa yɨ̀sə vənu vɔ́, buꞌ laa vəŋ kee kɨɨ nə Tii ŋwaa me, kee kɨɨ nə mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:28

Nɨniŋ, Yeso gi laa, «Viŋ ndɔ bɨŋsə Wuu yinsəŋ Nwi (fuu fəŋkɔꞌ fə ŋkɨꞌsə), buu kɨ̀ɨ nə wə ntɨə faŋ mə lùu, baa kɨɨ laa mə kee yɨ vənu sheꞌ maa yizii nyaa me, laa mə gisə vənu faŋ də Tii ŋwaa shee.

Akts 15:21

Bàw nsiŋ yɨ nɨniŋ, buꞌ laa vɨ tii ntɨsə Mose taa ndɔꞌ məshəŋtə Nwi maa vəshəŋ vənshə, shù ŋkee fɨshi maa vəshi və zwisə vənshə.»

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 3:17

Vaŋ-nshwi vaŋ, mə kɔꞌ kɨɨ laa viŋ nə vəshɨꞌ viŋ nə yɨ̀ nu kə̀ mbuꞌ.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

2 Kɔrintian 3:14

Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.