Akts 13:26 - Vengo (Babungo)

²⁶ Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 13:26 ပူးပေါင်းရင်းမြစ်များ

Matiu 10:6

Viŋ gə luu fɨ yiba jɨŋ vɨɨ Isirayl, faŋ vəŋ lùu yaa nwaa bisə-njɨɨ faŋ nsə ndì.

Matiu 3:9

Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Lukas 1:69

Ŋwə kɔ̀ wuu ŋgaŋtə kwalə tɨ́ nsiŋ, faŋ lùu wuu ŋiꞌ ŋii fwàŋ Deyvid, wuu faꞌ Nwi.

Lukas 1:77

A taa kɨ yɨsə vɨɨ vi kɨ kɨɨ nə jɨɨ njyə faŋ Nwi ndɔ bweysə vəŋ, ndenə yibɨsə vəŋ.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:68

Saymon Pita bəŋsə tɨ́ ŋwə laa, «Tɨta, yia sii nyɨŋ ghɔ, yia baa bèꞌsə ndə? A kìi yigi faŋ nyə kɔ yia nə məbwey vəlwaŋ.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:35

Kɔlə kɨ luu tɔmə kə, wə faŋ ŋwə fee Nwi, baa yɨsə nu ŋkɨə faŋ ŋkə lùu kəloomə, Nwi kaw ŋwə.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 28:28

Nɨniŋ, bàw laa viŋ kɨɨ laa Nwi tɔ̀ŋ nu məbweysə vɨɨ kɔ́, kɔ̀ tɨ́ vɨɨ faŋ kee lùu vɨɨ Jus me, vəŋ zɔ.» [

Akts 3:26

Viŋ lùu vɨɨ vɨsɨ faŋ Nwi nə ywèysə wuu faꞌ wi, tɔ̀ŋ ŋwə tɨ́ viŋ laa ŋwə tu mənɔŋ-bwaŋnə tɔ viŋ, faŋ viŋ kìasə fwi siŋ, wə nə muꞌ nə muꞌ, meꞌtə vənu vəbwəvə viŋ.»

Akts 4:12

Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»

Akts 5:20

«Viŋ gə tɨŋnə taa ŋii Nwi yikwalə, kɨ naysə vənu və məbwey vənshə tɨ́ vɨɨ.»

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.