Akts 13:23 - Vengo (Babungo)

²³ Nɨniŋ, Nwi yɨsə wə fuu fɨ ŋiꞌ ŋii fwàŋ Deyvid. Wə ghɔ́ luu Yeso. Nwi kɔ ŋwə tɨ́ vɨɨ Isirayl laa lùu wuu məbweysə vəŋ, faŋ Nwi nə kɔ̀ꞌnə tɨ́ vəŋ fɨshi.

Akts 13:23 ပူးပေါင်းရင်းမြစ်များ

Matiu 1:1

Lùu ŋwaꞌlə kɔ̀ŋ ŋiꞌ ŋii Yeso Kristo, wee Deyvid, wee Abraham.

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Matiu 21:9

Vɨɨ mbɨə faŋ vəŋ nə shɔɔ vɨsɨ, baa nə vɨɨ mbɨə faŋ vəŋ nəə jwi fɨ yiba jɨŋ Yeso, luꞌ laa, «Məbəŋsə tɨ́ wee wee fwàŋ Deyvid! Mənɔŋ-bwaŋnə tɨ́ wə ntɨə faŋ ŋwə jwi maa yizii tɨta Nwi! Məbəŋsə lùu yizɔ!»

Matiu 22:42

«Viŋ sii bɨꞌtə ŋkiŋ buꞌ Kristo laa kə? Ŋwə lùu wee ndə?» Vəŋ gi tɨ́ ŋwə laa lùu wee wee fwàŋ Deyvid.

Lukas 1:69

Ŋwə kɔ̀ wuu ŋgaŋtə kwalə tɨ́ nsiŋ, faŋ lùu wuu ŋiꞌ ŋii fwàŋ Deyvid, wuu faꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42

Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:42

Maa vɨ nə nyɔ̀ꞌ taa ŋwaꞌlə Nwi laa wuu məbweysə ghɔ́ ndɔ fuu fɨ ŋiꞌ ŋii Deyvid, baa nə laa vɨ ndɔ bi ŋwə ntɨꞌ Betelehem, faŋ luu ntɨꞌ njyə faŋ fwàŋ Deyvid nəə shi shɔ ŋkee fɨshi.

Akts 13:32

Gə fɨ maa yia, yia baa luu jwi nə ntɔŋ yijəə yɔ́ tɨ́ viŋ, naysə tɨ́ viŋ laa Nwi yɨ̀ nu ŋkɨə faŋ ŋwə nə kɔ̀ꞌnə tɨ́ vətɨɨ vaŋ-nsiŋ nə.

Akts 2:30

Ŋwə nə lùu nshiiŋii-sɔghɔ, ndɔ kɨɨ laa, Nwi nə lɨ̀ꞌtə tɨ́ ŋwə laa ŋkee wee wee ŋwiŋ wi bi ndɔ duꞌ fuu ŋkaw yifwàŋ ki.

Akts 3:26

Viŋ lùu vɨɨ vɨsɨ faŋ Nwi nə ywèysə wuu faꞌ wi, tɔ̀ŋ ŋwə tɨ́ viŋ laa ŋwə tu mənɔŋ-bwaŋnə tɔ viŋ, faŋ viŋ kìasə fwi siŋ, wə nə muꞌ nə muꞌ, meꞌtə vənu vəbwəvə viŋ.»

Akts 4:12

Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»

Roma 1:3

Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

Roma 11:26

buu Nwi ndɔ bweysə vɨɨ Isirayl vənshə nɨzi. Luu sheꞌ faŋ ŋkə lùu taa ŋwaꞌlə Nwi laa, «Wuu məbweysə ndɔ fuu fɨ shɨ Zayon, jwì bàꞌsə nu mətwey Nwi fɨ ŋiꞌ ŋii Jeykob.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.

Reveleyshən 22:16

«Lùu mə, Yeso, faŋ mə tɔ̀ŋ wuu ntɔŋ ŋwaa maa mənaysə vənu vɔ́ tɨ́ vɨɨ fɨ taa vəməshəŋtə və vɨɨ Nwi. Mə lùu wuu ŋiꞌ ŋiinə fwàŋ Deyvid, baa lùu fəjwiŋ fɨ taa nshia-ndoo-mbisɨ.»