Akts 13:16 - Vengo (Babungo)

¹⁶ Pɔɔl ndɔ yizɔ, mɔ̀ꞌ ghɔ ghi, gì laa, «Vɨɨ Isirayl, nə viŋ vɨɨ faŋ viŋ fee Nwi, viŋ zɔ!

Akts 13:16 ပူးပေါင်းရင်းမြစ်များ

Matiu 11:15

Wə faŋ ŋwə kiì tuulə ghi zɔ, ŋwə zɔ!»

Lukas 1:22

Ŋwə ghaŋ kɨ nii fuu fu, kee gì tɨ́ vɨɨ vɔ́ me, də̀ vəshwenə tɨ́ vəŋ, kɨ nii lùu bɨbɨ. Faŋ vəŋ nə yè nɨniŋ nə, vəŋ kɨɨ laa Nwi nii də̀ nu tɨ́ ŋwə taa ŋii Nwi.

Lukas 1:50

Ŋwə kee gəŋsə vɨɨ mbɨə faŋ vəŋ fee ŋwə maa shiŋ tɨ̀ me shiŋ.

Lukas 23:40

Liŋ wi shə tɨ́ ŋwə, gì laa, «A kee fee Nwi, faŋ a lùu sheꞌ taa kəŋ nsɔꞌ yimuꞌ nə yimu?

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:35

Kɔlə kɨ luu tɔmə kə, wə faŋ ŋwə fee Nwi, baa yɨsə nu ŋkɨə faŋ ŋkə lùu kəloomə, Nwi kaw ŋwə.

Akts 12:17

Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 19:33

Nɨniŋ, vɨɨ mɔ́ꞌ fɨ taa ŋwaa vəŋ gi nu kɔ́ tɨ́ Alesanda faŋ vɨɨ Jus nə shəŋ, ŋwə kɔ vɨsɨ. Alesanda ghɔ́ shàꞌsə ghɔ ghi, kɨ kəə gi, fì tɔ ki fɨ ghɔ vɨɨ vɔ́.

Akts 2:14

Pita tɨŋnə yizɔ ghɔ vɨ vɨɨ ntɔŋ Yeso njɔ-yimuꞌ, gì nə gɨ yishaꞌsə laa, «Vɨɨ Jus, nə vɨɨ vənshə faŋ viŋ shì ntɨꞌ Jerusalem, viŋ ŋaꞌ tuulə ghiŋ, kɨ zɔ nu ŋkɨə faŋ mə taa naysə tɨ́ viŋ.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Akts 21:40

Tɨɨ vəsogeꞌ ghɔ́ biŋ. Pɔɔl tɨŋnə maa shəŋ shaꞌsə, shìtə vɨɨ nə ghɔ ghi, vəŋ shia. Pɔɔl gi tɨ́ vəŋ maa ghaŋ Hibru, gì laa lee,

Akts 22:22

Vɨɨ vɔ́ kɨ yɨywiitə faŋ Pɔɔl nəə gisə yigi yi yɔ́, zìꞌ maa shəŋ ŋkɨə faŋ ŋwə gì laa Nwi tɔ̀ŋ yi tɨ́ vɨɨ tɔmə day, vəŋ baa kii yumə ŋkee nəŋay laa vɨ ndisə ŋwə, zwì ŋwə, kee lùu wə baa kɨ shi mbi me.

Akts 3:12

Faŋ Pita nə ye vɨɨ vɔ́, gì tɨ́ vəŋ laa, «Vɨɨ Isirayl, sii yɨ̀ kə laa shuu wiŋ yɔŋ maa nu kə̀? Yɨ̀ kə viŋ ndeynə yia? Viŋ bɨꞌtə laa luu ŋkia wutə laa yia yɨ wə ŋwə̀ toꞌ mu? Viŋ bɨꞌtə laa yɨ̀ yia buꞌ faŋ yia bəŋsə Nwi dɨdɨꞌ mu?

Reveleyshən 2:11

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Wə ntɨə faŋ ŋwə jìa fwi yi taa ŋɨꞌ, kee kɨ twey Kristo me, buu ŋwə ndɔ ku, baa ywey, kaꞌ yiku lwesə ghee bɔɔ kee ndɔ kɔŋ ŋwə me.»

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 2:29

Wə faŋ ŋwə kìi tuulə ghi zɔ, ŋwə zɔ nu ŋkɨə faŋ Zwitə Ley Nwi gì tɨ́ vəməshəŋtə və vɨɨ Nwi!»

Reveleyshən 2:7

Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»