Akts 13:15 - Vengo (Babungo)

¹⁵ Vɨ tii vənu fɨ taa ŋwaꞌlə ntɨsə Nwi, nə fɨ taa ŋwaꞌlə nshiisə-ŋii sɔghɔ, mètə, vɨɨ kwalə fɨ taa ŋii məshɔꞌtə Nwi tɔŋ ntɔŋ maa Pɔɔl ghɔ Barnabas, gì tɨ́ vəŋ laa yigi yimɔ́ꞌ lùu shɔ ghɔ vəŋ maa mətɨsə vɨɨ, bàw vəŋ gi.

Akts 13:15 ပူးပေါင်းရင်းမြစ်များ

Mark 5:22

Wə mɔ́ꞌ kɨ nii jwì faŋ nə luu wə fɨ taa ŋwaa vɨɨ kwalə fɨ taa ŋii məshɔꞌtə Nwi. Yizii wə ghɔ́ luu Jayrəs. Ŋwə jwi yè Yeso, gu ghuu ŋwə,

Lukas 16:16

Yighee ntɨsə Nwi nə nshiisə-ŋii sɔghɔ nə gə zìꞌ maa nu Jɔn. Zi fɨ maa yighee yɔ́, vɨ kɨ nii fɨ̀ꞌtə ntɔŋ yijəə kɔ̀ŋ nu yifwàŋ Nwi tɨ́ vɨɨ. Vɨɨ vənshə faŋ vəŋ ŋii taa nu yifwàŋ Nwi kɔ́, ŋii nə wutə.

Akts 1:16

Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 15:21

Bàw nsiŋ yɨ nɨniŋ, buꞌ laa vɨ tii ntɨsə Mose taa ndɔꞌ məshəŋtə Nwi maa vəshəŋ vənshə, shù ŋkee fɨshi maa vəshi və zwisə vənshə.»

Akts 15:7

Faŋ ntay nə yaŋ, Pita ndɔ yizɔ, gì tɨ́ vəŋ laa, «Vaŋ-nshwi vaŋ, viŋ kɔꞌ kɨɨ laa Nwi nə shòꞌ mə fɨ taa ŋwaa viŋ fɨshi, laa vɨɨ tətɔŋ fu zɔ ntɔŋ yijəə fɨ shuu mə, nùŋ fwisə vəŋ maa Kristo.

Akts 18:17

Vɨɨ vənshə kɨ nii jìa Sɔsteniis, faŋ nə luu tɨɨ ŋii məshɔꞌtə Nwi vɨɨ Jus, sàŋ ŋwə shuu ŋii nsɔꞌsə. Luu nə, goməna Galio kee kwìa me.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Akts 2:29

Vaŋ-nshwi vaŋ, kaꞌ mə gì tɨ́ viŋ ntee kɔ̀ŋ tɨta ŋwaa-nsiŋ kwalə Deyvid ghɔ́. Maa ŋwə nə ku, vɨ təə ŋwə taa swi, swi wi kɨ bii kɔ tɔ və-ndee yɨ nsiŋ.

Akts 2:37

Vɨɨ vɔ́ zɔ nɨniŋ, ŋkə sɔ fwi vəŋ. Vəŋ bitə tɨ́ Pita nə vɨɨ ntɔŋ Yeso vəmɔ́ꞌ laa, «Bàw yia yɨ kə ndwə, vaŋ-nshwi via?»

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Akts 20:2

shɔ̀ɔ fɨ kwiŋ yɔ́, toꞌ tɨ vɨɨ nə vənu vəyaŋ, gə̀ zìꞌ shɨ Griis,

Akts 22:1

«Vaŋ-nshwi vaŋ nə vətɨɨ vaŋ, viŋ zɔ nu ŋkɨə faŋ mə taa gi, fi tɔ kaŋ shɔ fɨ ghɔ viŋ ndwə.»

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

1 Kɔrintian 14:3

Luu nə, wə faŋ ŋwə fɨꞌtə yigisə shuu Nwi, ŋwə gisə yigi yɔ́ tɨ́ vɨɨ, yigi yi yɔ́ ndɔ gaŋtə vɨɨ, kwàŋ wutə taa ŋwaa vɨɨ, yɨsə vəŋ weꞌ maa nu Nwi.

2 Kɔrintian 3:14

Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

1 Tesalonika 2:3

Yia nə kee tɨsə viŋ nə nu faŋ ŋkə kee yikuꞌnə me, kee gì tɨ́ viŋ nə fwi yibwə me, kee mɔ̀ŋ maa məbweꞌsə viŋ me.

Hibru 13:22

Vaŋ-nshwi vaŋ, mə buꞌ ghɔ tɨ́ viŋ laa, viŋ jia fwi siŋ, zɔ̀ yigisə nyaa. Ŋwaꞌlə ŋwə̀ faŋ mə nyɔ̀ꞌ tɨ́ viŋ nə, kee lùu də me.