Akts 13:10 - Vengo (Babungo)

¹⁰ «A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Akts 13:10 ပူးပေါင်းရင်းမြစ်များ

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Matiu 15:19

Lùu nɨniŋ buꞌ laa vənu vəbwəvə vənshə fuu fɨ taa fwi wə. Mbɨꞌtə yibwə nə nu məzwi wə, nə nu mətii vəki və vɨɨ, nə nu wəzwi sakə, nə nu vəndɔꞌ, nə nu məsɨɨ ba tɔ wə, nə nu məndasə Nwi; vənu vɔ́ vənshə fuu fɨ taa fwi wə,

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Lukas 11:39

Tɨta Yeso gi tɨ́ ŋwə laa, «Aŋ viŋ, vɨɨ Farisii, viŋ sɔ ndawsə fɨ mbɨɨ yi nə vəkay, luu nə, fwi siŋ lwaŋ nə vənu vəbwəvə, nə mbeenə.

Lukas 11:52

Ndwaŋ tɔ viŋ, vɨɨ mədeesə ŋwaꞌlə Nwi! Viŋ fəŋ vɨɨ fɨ maa nu məkɨɨ nə nu yinsəŋ Nwi nə mədeesə wiŋ. Nshɨ-tɔ wiŋ kee toꞌ maa jɨɨ yinsəŋ Nwi yɔ́ me, baa fəŋ vɨɨ mbɨə faŋ vəŋ nəə kəə kɨ toꞌ fuu jɨɨ yɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:23

Jɔn bəŋsə tɨ́ vəŋ laa, «Mə lùu gɨ wə faŋ nyə luꞌ fɨ tɔɔ waꞌsə laa, vɨ bɔŋsə jɨɨ Nwi, nyə neꞌtə.» Ŋwə nə gi yigi yɔ́ sheꞌ faŋ ŋkə lùu taa ŋwaꞌlə Aysaya, nshiiŋii-sɔghɔ wì.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

2 Pita 2:15

Vəŋ mèꞌtə jɨɨ yiloomə, kɨ beꞌsə jɨɨ nshiiŋii-sɔghɔ Balaam, wee Bio, faŋ ŋwə nə kàw maa məsey ka fɨ maa nu bwə.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.