Akts 13:1 - Vengo (Babungo)

¹ Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 13:1 ပူးပေါင်းရင်းမြစ်များ

Matiu 27:32

Faŋ vəŋ nəə koꞌ gə, fàynə ghɔ vɨ wə mɔ́ꞌ fɨ shɨ Kirene, yizii yi luu Saymon. Vəŋ dɔɔ wə ghɔ́ laa ŋwə shaꞌ fəŋkɔꞌ fə ŋkɨꞌsə fə Yeso.

Lukas 3:1

Nə luu maa yighee njyə faŋ fwàŋ Tiberiɔs nə dùꞌ fuu ŋkaw yifwàŋ, gə ziꞌ ŋuꞌsə njɔsə-tee, Nwi tii Jɔn, wee Zakaraya fɨ tɔɔ waꞌsə, tɔ̀ŋ ŋwə nə ntɔŋ tɨ́ vɨɨ Isirayl. Nə luu maa yighee njyə faŋ Pɔntiɔs Pilate nə luu goməna fɨ shɨ Judia, Herod nə luu fwàŋ fɨ shɨ Galilii, weenshu wi Filip nə luu fwàŋ fɨ Ituria nə Trakonitis, Lisanias nə luu fwàŋ fɨ Abilene.

Akts 11:30

Vəŋ yɨsə nɨniŋ, kɔ̀ vətɔ vɔ́ tɨ́ Barnabas ghɔ Sɔɔl, tɔŋ vəŋ, vəŋ gə kɔ̀ tɨ́ vɨɨ taa fɨ taa nshəŋtə vɨɨ Kristo ntɨꞌ Jerusalem.

Akts 12:25

Barnabas ghɔ Sɔɔl bəŋ fɨ ntɨꞌ Jerusalem, tɨ́ vəŋ faꞌ faꞌ vəŋ shɔ ŋwə kùꞌnə, kii jwi, jwì ghɔ vɨ Jɔn faŋ yizii yi yimɔ́ꞌ nə luu Mark. Vəŋ bəŋ gə̀ ntɨꞌ Antiɔk (fɨ shɨ Siria).

Akts 13:9

Sɔɔl faŋ vɨ nəə tii ŋwə nə Pɔɔl, faŋ Zwitə Ley Nwi lwàŋ taa fwi ŋwə, ndeynə wuu ŋay ghɔ́ nə wutə, gì tɨ́ ŋwə laa,

Akts 15:32

Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 15:35

Pɔɔl ghɔ Barnabas goꞌ Antiɔk nɨzi, kɨ deesə, ndɔ fɨꞌtə nu Nwi ghɔ vɨ vɨɨ mɔ́ꞌ vəyaŋ.

Akts 19:6

Pɔɔl mɔꞌ ghɔ ghi tɔ vəŋ, Zwitə Ley Nwi ŋii maa vəŋ, vəŋ gi təghaŋ nɨŋkwiŋ nɨŋkwiŋ, gisə vənu faŋ Nwi nə kwàŋ shuu vəŋ.

Akts 21:9

Vaŋ-vəki və Filip nə luu shɔ yishwe, kee ta ndaa me, fɨꞌtə yigisə shuu Nwi.

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Akts 9:1

Maa yighee yɔ́, Sɔɔl kɨ tɨtoꞌ shoꞌ ghuu vɨɨ tɨta Yeso, kɔꞌnə vəŋ,

Roma 16:21

Timoti, faŋ yia ŋwə faꞌ mɔ́ꞌ nə, nə Lusiɔs, nə Jason, nə Sosipata, faŋ lùu vɨɨ shɨ vaŋ nə, shɔꞌtə viŋ.

1 Kɔrintian 11:4

Wəndɔŋ faŋ ŋwə shɔꞌtə Nwi, baa nə faŋ ŋwə gi yigi faŋ nyə ndɔ̀ fɨ ghɔ Nwi, kɨ ŋwə shitə tɔ ki me, buꞌ ŋwə kee kɨ kɔ feenə tɨ́ Kristo faŋ lùu tɔ ki nə me.

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

1 Kɔrintian 13:8

Ŋkawnə kee yaa kɨ me me. Yighee jɨjwi faŋ vɨɨ kee taa baa twelə yigisə shuu Nwi me. Yighee jɨjwi faŋ vɨɨ taa kee baa kɨ gisə təghaŋ nɨŋkwiŋ nɨŋkwiŋ me. Yitɔfə vɨɨ taa mè nɨzi.

1 Kɔrintian 14:29

Gə fɨ maa vɨɨ mbɨə faŋ vəŋ fɨꞌtə yigisə shuu Nwi, bàw vɨɨ vəbɔɔ gi yigi yɔ́, tɨꞌnə me vɨɨ vətia. Bàw vɨɨ vənshə kɨ nii ywìitə vənu mbɨə faŋ vɨɨ vɔ́ gisə nə, laa lùu yigisə Nwi yinsəŋ mu.

1 Kɔrintian 14:32

Vɨɨ mbɨə faŋ vəŋ kìi wutə maa məfɨꞌtə yigisə shuu Nwi, kìi wutə maa məgi laa Zwitə Nwi kɔ́ kɨꞌ.

1 Kɔrintian 9:6

Luu sheꞌ yia Barnabas faŋ kaꞌ yia kee fì fazɨ fɨ ghɔ vɨɨ yimu? Luu sheꞌ yia maa məfaꞌ nə ghɔ ghia buu taa kii fazɨ zɨ mu?

Galatia 2:13

Vɨɨ məbiŋ Kristo vəmɔ́ꞌ faŋ vəŋ nə luu vɨɨ Jus, beꞌsə Pita taa nshinə yi yɔ́, faŋ nə luu nshinə mənay. Ŋkee Barnabas nə bèꞌsə vəŋ taa kəŋ nshinə vəŋ yɔ́, faŋ lùu nshinə yibwə.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Efesɔs 4:11

Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

Filipi 4:22

Vɨɨ ley Nwi vənshə fɨ feenə shɔꞌtə viŋ. Ŋkee vɨɨ mbɨə faŋ vəŋ shi ntoꞌ fwàŋ Kaysa, faŋ lùu vɨɨ Kristo, shɔꞌtə viŋ nɨzi.

1 Tesalonika 5:20

kee mànə nu ŋkɨə faŋ Nwi kwàŋ shuu vɨɨ, vəŋ gisə me.