Akts 12:3 - Vengo (Babungo)

³ Faŋ ŋwə nə ye laa ŋkə bàw tɨ́ vɨɨ Jus, ŋwə shɔɔ vɨsɨ, baa jìa Pita. Nə luu maa yighee yitianə yimɔ́ꞌ faŋ vɨɨ Jus yaa kɨ zɨ bee faŋ vɨ kee kwàŋ fənsɨŋ taa tey yi me.

Akts 12:3 ပူးပေါင်းရင်းမြစ်များ

Matiu 26:17

Kɨ lùu maa mfɔŋ shi fɨ maa vəshi mbɨə faŋ vɨɨ Jus yaa kɨ zɨ bee faŋ vɨ kee kwàŋ fənsɨŋ taa tey yi me, vɨɨ məzwetə nu Yeso jwi yɨ ŋwə, bìtə tɨ́ ŋwə laa, «A taa kaw laa yia gə lòotə yitianə Pasa tɨ́ ghɔ fə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:43

Vəŋ nə kàw maa məmwa yikəꞌ vɨɨ, shɔ̀ɔ maa məmwa yikəꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:18

Zɔ mɔɔ! Mə naysə tɨ́ ghɔ yinsəŋ laa, yighee njyə faŋ a nəə kɨ bii weembwa, a nəə shuŋ kɔtə kə ŋgɨɨ-ghɔ, ndɔ gə shəŋ ŋkɨə faŋ a kàw. Luu nə, yighee njyə faŋ a ndɔ dwaŋ, a ndɔ nesə kwiŋ ghə, vɨ kɨ shuŋ kɔtə kə, ndi ghɔ, gə nə ghɔ shəŋ ŋkɨə faŋ a kee kaw gə̀ shɔ me.»

Akts 12:4

Faŋ vɨ nə jìa Pita nɨniŋ nə, kwàŋ ŋwə mfiŋ, kɔ̀ ŋwə tɨ́ vəsogeꞌ faŋ vəŋ lùu təley yishwe, wə yishwe maa yiley, laa vəŋ kɨ shii ŋwə. Fwàŋ Herod nəə bɨꞌtə laa, yighee məzɨ Pasa ndɔ mè, yi taa shia nsɔꞌ tɔ Pita, vɨɨ vənshə ye.

Akts 2:14

Pita tɨŋnə yizɔ ghɔ vɨ vɨɨ ntɔŋ Yeso njɔ-yimuꞌ, gì nə gɨ yishaꞌsə laa, «Vɨɨ Jus, nə vɨɨ vənshə faŋ viŋ shì ntɨꞌ Jerusalem, viŋ ŋaꞌ tuulə ghiŋ, kɨ zɔ nu ŋkɨə faŋ mə taa naysə tɨ́ viŋ.

Akts 20:6

Pɔɔl shi Filipi maa vəshi mbɨə faŋ vɨɨ Jus yaa kɨ zɨ bee faŋ fənsɨŋ kee lùu taa tey yi me. Vəshi vɔ́ kɨ mè, ŋwə ndɔ fɨ Filipi, ghɔ wə ntɨə faŋ ŋwə nyɔꞌ ŋwaꞌlə ŋwə̀, ŋìi taa bay kwalə, tɔ̀ŋ gə Troas nɨzi. Yitoꞌ yɔ́ nə ndi vəshi tee. Faŋ yia nə ziꞌ Troas nɨniŋ nə, baa kii faynə yia vɨ vɨɨ vɔ́, faŋ vəŋ nə shɔɔ gə vɨsɨ nə, ghɔ vɨ vəŋ baa kɨ shi Troas vəshi kwatia.

Akts 24:27

Ŋuꞌsə kɨ shɔɔ səbɔɔ, vɨ kwiinə Feliks, jìa Pɔrsiəs Festɔs tɔ ŋwə. Faŋ Feliks nə ndɔ nɨniŋ, ŋwə nə kəə yɨ̀ nu ŋkɨə faŋ ŋkə bàw tɨ́ vɨɨ Jus, mèꞌtə Pɔɔl taa ŋii mfiŋ.

Akts 25:9

Goməna Festɔs nəə kəə laa yi kii yizii yijəənə fɨ ghɔ vɨɨ Jus, bìtə tɨ́ Pɔɔl laa ŋwə bìŋ laa ghɔ ŋwə gə Jerusalem, yi sɔꞌ nsɔꞌ yi maa vənu vɔ́ ntɨꞌ Jerusalem mu?

Akts 4:13

Shuu vəŋ yɔŋ maa Pita ghɔ Jɔn buꞌ faŋ vəŋ nəə gisə nə wutə, kee fee wə me. Shuu vəŋ yɔŋ buꞌ laa vəŋ nə kɨɨ laa Pita ghɔ Jɔn nə kee lùu vɨɨ məkɨɨ nə ŋwaꞌlə yaŋ me. Vəŋ nə luu sheꞌ vɨɨ dayday. Luu nə, vəŋ kɨɨ nɨzi laa vəŋ nəə toꞌ ghɔ vɨ Yeso mɔ́ꞌ.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.