Akts 12:17 - Vengo (Babungo)

¹⁷ Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 12:17 ပူးပေါင်းရင်းမြစ်များ

Matiu 10:23

Vɨ ndɔ kɨ shoꞌ ghuu ghiŋ fɨ taa ntɨꞌ yimɔ́ꞌ, viŋ nyɨŋ gə shəŋ day. Mə naysə nu yinsəŋ tɨ́ viŋ laa viŋ kee ndɔ kia shɨ Isirayl, mètə ntɨꞌsə sənshə me, buu Wuu yinsəŋ Nwi ndɔ bəŋ jwì me.

Mark 6:3

Maa lùu wuu məfianə ndɔꞌ wì nə, wee Meri, weenshu Jeyms nə Josef nə Judas nə Saymon. Maa nsiŋ vɨ vaŋ-nshwi vi vəki lùu feenə mɔ́ꞌ.» Nɨniŋ, njyoꞌ vəŋ lia buꞌ ŋwə.

Lukas 1:22

Ŋwə ghaŋ kɨ nii fuu fu, kee gì tɨ́ vɨɨ vɔ́ me, də̀ vəshwenə tɨ́ vəŋ, kɨ nii lùu bɨbɨ. Faŋ vəŋ nə yè nɨniŋ nə, vəŋ kɨɨ laa Nwi nii də̀ nu tɨ́ ŋwə taa ŋii Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:40

Yeso kɨ nii bəŋ gə̀ tɔ̀ŋ muu mə Jordan, gə̀ zìꞌ maa shəŋ ŋkɨə faŋ Jɔn nə fɔŋ duꞌ shɔ, kɨ kɔ muu mə Nwi tɨ́ vɨɨ. Yeso gòꞌ yifi, shi shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:54

Yeso kee baa kɨ toꞌ ntee fɨ taa shɨ Judia me, ŋwə ndɔ fɨ yifi gə maa kwiŋ mɔ́ꞌ, faŋ luu yɨ tɔɔ waꞌsə, maa ntɨꞌ yimɔ́ꞌ faŋ vɨ tii nə Efrem. Yeso gə kɨ shi shɔ ghɔ vɨ vɨɨ məzwetə nu ki.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:24

Saymon Pita katə ŋwə, gì tɨ́ ŋwə laa ŋwə bitə wə ghɔ́ tɨ́ Yeso, faŋ Yeso gisə kɔ̀ŋ ŋwə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:1

Yiŋkii kɨ shɔɔ, Yeso nə toꞌ fɨ shɨ Galilii. Ŋwə nə kee baa kaw kɨ toꞌ fɨ shɨ Judia me, buꞌ laa vɨɨ kwalə vɨɨ Jus nəə kəə zwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:59

Yeso nə gi nɨniŋ, vəŋ bwilə ŋoꞌsə fɨ nsi maa mətumə ŋwə shɔ laa ŋwə ku. Luu nə, Yeso buꞌsə fɨ yɨ vəŋ, fùu fɨ taa ŋii Nwi.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 12:16

Pita baa mètə kɨ bɨbuꞌtə shuufɔ, vəŋ ŋaꞌsə, ye ŋwə, shuu vəŋ yɔŋ.

Akts 12:18

Fu kɨ lee, tɔ vəsogeꞌ shii dɨdɨꞌ, vəŋ kee kɨ̀ɨ nə nu ŋkɨə faŋ ŋkə gày maa Pita me.

Akts 13:16

Pɔɔl ndɔ yizɔ, mɔ̀ꞌ ghɔ ghi, gì laa, «Vɨɨ Isirayl, nə viŋ vɨɨ faŋ viŋ fee Nwi, viŋ zɔ!

Akts 15:13

Faŋ Barnabas ghɔ Pɔɔl metə yigisə vəŋ yɔ́, Jeyms gi laa, «Vaŋ-nshwi vaŋ, viŋ zɔ nu ŋkɨə faŋ mə gisə!

Akts 16:40

Pɔɔl ghɔ Silas fùu fɨ taa ŋii mfiŋ yɔ́, gə̀ taa ŋii Lidia, yè vɨɨ məbiŋ nu Kristo, zwìsə fwisə vəŋ, kɨ nii yigə nə ŋwaa vəŋ.

Akts 19:33

Nɨniŋ, vɨɨ mɔ́ꞌ fɨ taa ŋwaa vəŋ gi nu kɔ́ tɨ́ Alesanda faŋ vɨɨ Jus nə shəŋ, ŋwə kɔ vɨsɨ. Alesanda ghɔ́ shàꞌsə ghɔ ghi, kɨ kəə gi, fì tɔ ki fɨ ghɔ vɨɨ vɔ́.

Akts 21:18

Fu kɨ lee, Pɔɔl ndi yia laa yia vɨ vəŋ gə yè Jeyms. Yia ziꞌ shɔ, tɨ́ vɨɨ taa vənshə fɨ taa məshəŋtə vɨɨ Kristo baytə fu Jeyms.

Akts 21:40

Tɨɨ vəsogeꞌ ghɔ́ biŋ. Pɔɔl tɨŋnə maa shəŋ shaꞌsə, shìtə vɨɨ nə ghɔ ghi, vəŋ shia. Pɔɔl gi tɨ́ vəŋ maa ghaŋ Hibru, gì laa lee,

Akts 28:15

Vɨɨ məbiŋ nu Kristo fɨ shɨ Rom kɨ zɔ laa yia jɨjwi, vɨɨ mɔ́ꞌ ndɔ jwì ndì yia ŋkee fɨ maa shəŋ yiwiŋ Apiu, nə vəmɔ́ꞌ maa shəŋ kəmɔ́ꞌ faŋ vɨ tii nə Ndɔꞌ-məzɨ-fazɨ-tia. Vəshəŋ vɔ́ nəə kɨ bii ntaŋ fɨ shɨ Rom. Nə luu yitoꞌ vəshi vəbɔɔ. Faŋ Pɔɔl nə yè vɨɨ vɔ́, faŋ vəŋ jwi ndì ŋwə ŋkee fɨ ntaŋ nə, ŋwə bwaŋ Nwi, fwi yi shəŋtə.

1 Kɔrintian 15:7

Baa lùu maa yighee mɔ́ꞌ, Yeso fuu yikəꞌ Jeyms, baa kɨ nii fùu yikəꞌ vɨɨ ntɔŋ vi vənshə.

Galatia 1:19

Mə nə kee yè wuu ntɔŋ Kristo mɔ́ꞌ me, tɨ̀ lɨꞌ sheꞌ Jeyms, weenshu tɨta Yeso.

Galatia 2:12

Nə luu maa yighee yɔ́, Pita nəə zɨ ghɔ vɨ vɨɨ Kristo mbɨə faŋ vəŋ kee lùu vɨɨ Jus me. Nɨniŋ, vɨɨ mɔ́ꞌ faŋ Jeyms nə tɔŋ vəŋ, jwi yifi, Pita kɨ nii sùꞌtə fɨ yɨ vɨɨ vɔ́, kee baa kɨ zɨ ghɔ vɨ vəŋ me, buꞌ laa ŋwə nəə fee vɨɨ Jus vɔ́, faŋ vəŋ nə ndɔ̀ fɨ yɨ Jeyms nə.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.