Akts 11:3 - Vengo (Babungo)

³ gì tɨ́ ŋwə laa, «Sii yɨ̀ kə a yaa ŋii taa ŋii tənswia, kɨ zɨ viŋ vɨ vəŋ?»

Akts 11:3 ပူးပေါင်းရင်းမြစ်များ

Matiu 9:11

Vɨɨ Farisii ye, bìtə tɨ́ vɨɨ məzwetə nu Yeso laa, «Sii yɨ̀ kə buu tɨta wiŋ kɨ zɨ ghɔ vɨ vɨɨ məsa vətɔ nə vəyɨ-kəbwə?»

Lukas 15:2

Vɨɨ Farisii ghɔ vɨ vɨɨ mədeesə ŋwaꞌlə Nwi ye, lùlə, kɨ gisə laa, «Ebee, wə ŋwə̀ ndì vɨɨ məyɨ vənu vəbwəvə, ghɔ vɨ vəŋ nə zɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28

Kɨ luu ŋkee taa wee-leefu, vɨ fuusə Yeso fɨ fu Kayafas, gə̀ nə ŋwə fu goməna. Luu nə, vɨɨ Jus vɔ́ kee ŋìi taa ŋii nsɔꞌsə me, buꞌ laa goməna nə kee lùu wuu Jus me. Nuŋsə vəŋ nə luu laa wə kɨ luu ŋìi taa ŋii wə faŋ kee luu wuu Jus me, buu ŋwə kee baa lùu wuu ley me. Kaꞌ ŋwə kee baa zɨ fazɨ Pasa me.

Akts 10:23

Pita zɔ nɨniŋ, ŋìisə vɨɨ vɔ́ taa ŋii, ndì vəŋ maa vəndɔ vi. Fu kɨ lee ŋwə ndɔ, fùu, ghɔ vɨ vəŋ gə. Vɨɨ məbiŋ nu Yeso vəmɔ́ꞌ fɨ Jɔpa beꞌsə ŋwə.

Akts 10:28

Ŋwə gi tɨ́ vəŋ laa, «Maa viŋ kɨɨ laa vɨ twèy tɨ́ vɨɨ Jus ŋkee nəŋay, laa kɨ vəŋ kɨ zɨnə, tɨꞌnə me, kɨ shɔɔnə ghɔ vɨ vɨɨ faŋ lùu vɨɨ tɔmə day me. Luu nə, Nwi də̀ shee laa, kɨ mə tii wə laa ŋwə lùu wuu bwə, tɨꞌnə me laa ŋwə kee lùu ley vɨsɨ Nwi me.

Akts 10:32

Nɨniŋ, tɔŋ ntɔŋ ntɨꞌ Jɔpa, tìi Saymon faŋ vɨ tii ŋwə nə Pita nə, laa ŋwə jwi. Ŋwə shi taa ŋii Saymon, wuu məbaysə gɔsə fɨ yɨ mamuu.»

Akts 10:48

Nɨniŋ, Pita gi laa vɨ kɔ muu mə Nwi tɨ́ vəŋ maa yizii Yeso Kristo. Vəŋ kɨ nii bùꞌ ghɔ tɨ́ ŋwə laa ghɔ vɨ vəŋ shi vəshi vəmɔ́ꞌvə.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

Galatia 2:12

Nə luu maa yighee yɔ́, Pita nəə zɨ ghɔ vɨ vɨɨ Kristo mbɨə faŋ vəŋ kee lùu vɨɨ Jus me. Nɨniŋ, vɨɨ mɔ́ꞌ faŋ Jeyms nə tɔŋ vəŋ, jwi yifi, Pita kɨ nii sùꞌtə fɨ yɨ vɨɨ vɔ́, kee baa kɨ zɨ ghɔ vɨ vəŋ me, buꞌ laa ŋwə nəə fee vɨɨ Jus vɔ́, faŋ vəŋ nə ndɔ̀ fɨ yɨ Jeyms nə.

2 Jɔn 1:10

Kɨ luu wə jwi yɨ viŋ, kee jwì nə nu kɔ́ me, kɨ viŋ biŋ ŋwə ŋii taa ŋii viŋ me, kee shɔ̀ꞌtə ŋwə me,