Akts 11:22 - Vengo (Babungo)

²² Sɔꞌkə buꞌ nu kɔ́ ziꞌ maa vɨɨ Kristo fɨ ntɨꞌ Jerusalem. Vəŋ zɔ nu kɔ́, tɔ̀ŋ Barnabas ntɨꞌ Antiɔk (fɨ shɨ Siria).

Akts 11:22 ပူးပေါင်းရင်းမြစ်များ

Akts 11:1

Vɨɨ ntɔŋ Yeso ghɔ vɨ vɨɨ məbiŋ nu Yeso fɨ shɨ Judia, zɔ laa vɨɨ tɔmə day bìŋ nu Nwi nɨzi.

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 11:26

Ŋwə kəə Sɔɔl, yè ŋwə, ndì ŋwə, ghɔ ŋwə bəŋ gə Antiɔk. Vəŋ vəbɔɔ duꞌ tày ghɔ vɨ vɨɨ məbiŋ Kristo fɨ Antiɔk yaa ŋuꞌ ŋkwəŋ, deesə nu Nwi tɨ́ vɨɨ vəyaŋ. Nə luu ntɨꞌ Antiɔk faŋ vɨ nə fɔŋ tey kɨ tii vɨɨ məbiŋ nu Kristo laa vɨɨ Kristo.

Akts 11:27

Sheꞌ maa yighee yɔ́ nshiisə-ŋii sɔghɔ vəmɔ́ꞌ ndɔ fɨ ntɨꞌ Jerusalem, gə Antiɔk.

Akts 15:2

Nɨniŋ, vəŋ buulə nshəŋtə vɨɨ məbiŋ nu Kristo. Pɔɔl ghɔ Barnabas tay ŋkee jəə ghɔ vɨ vəŋ maa nu kɔ́. Nɨniŋ, vɨ gi laa Pɔɔl ghɔ Barnabas nə vɨɨ mɔ́ꞌ fɨ ntɨꞌ Antiɔk gə Jerusalem, gə̀ yè vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo maa nu ntay kɔ́.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 18:22

gə̀ ŋii ntɨꞌ Sisaria, fùu fɨ taa bay, toꞌ gə̀ ziꞌ ntɨꞌ Jerusalem, gə̀ shɔ̀ꞌtə məshəŋtə vɨɨ məbiŋ nu Kristo, baa kɨ nii bə̀ŋ gə̀ ntɨꞌ Antiɔk (fɨ shɨ Siria).

Akts 6:5

Nwaa vɨɨ vɔ́ vənshə nə kàw nu ŋkɨə faŋ vɨɨ ntɔŋ Yeso nə gì nə. Vəŋ kɨ nii shòꞌ Stefen, wə faŋ ŋwə nə bìŋ Kristo nə fwi yimuꞌ, Zwitə Ley Nwi lwàŋ taa fwi ŋwə. Vɨ baa shòꞌ Filip, nə Prokorɔs nə Nikanor nə Timon nə Parminas nə Nikolaws, wuu Antiɔk faŋ ŋwə nə ŋìi nu Nwi vɨɨ Jus.

Akts 8:14

Vɨɨ ntɔŋ Kristo mbɨə faŋ vəŋ nə luu ntɨꞌ Jerusalem nə, zɔ laa vɨɨ Samaria bìŋ yigisə Nwi. Vəŋ tɔŋ Pita ghɔ Jɔn tɨ́ vɨɨ Samaria.

Akts 9:27

Barnabas ndi ŋwə, gə̀ nə ŋwə vɨsɨ vɨɨ ntɔŋ Yeso, nàysə tɨ́ vəŋ faŋ Sɔɔl yaa faynə jɨɨ ghɔ Yeso, Yeso gi tɨ́ ŋwə nə, baa nə faŋ ŋwə nə fɨ̀ꞌtə nu Nwi ntɨꞌ Damaskɔs buꞌ yizii Yeso ntee.

Galatia 2:11

Shi mɔ́ꞌ Pita nə jwì shɨ Antiɔk, yia ŋwə tay, buꞌ faŋ ŋwə nə gù nu.

1 Tesalonika 3:6

Lùu ndwə, Timoti bə̀ŋ jwì fɨ yɨ viŋ, jwì yɨ yia, nàysə ntɔŋ yijəə tɨ́ yia, laa viŋ gòꞌsə viŋ vɨ Kristo, kawnə viŋ viŋ, ndɔ lumə yia jəə ghee nshə, baa nə laa jɨŋ məye yia zasə viŋ nɨzi, sheꞌ faŋ jɨŋ yiŋ zasə yia nɨzi.