Akts 11:19 - Vengo (Babungo)

¹⁹ Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 11:19 ပူးပေါင်းရင်းမြစ်များ

Matiu 10:6

Viŋ gə luu fɨ yiba jɨŋ vɨɨ Isirayl, faŋ vəŋ lùu yaa nwaa bisə-njɨɨ faŋ nsə ndì.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:35

Vɨɨ Jus gi sheꞌ vəŋ vəŋ laa, «Wə ŋwə̀ sii gì laa yi ndɔ gə fə, tɨ́ kaꞌ nsiŋ kee ndɔ ye ŋwə me? Ŋwə ndɔ gə ye vɨɨ Jus mbɨə faŋ vəŋ sàynə taa ŋwaa vɨɨ Griik, kɔꞌ kɨ nii deesə nu ki tɨ́ vɨɨ Griik mu?

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 11:22

Sɔꞌkə buꞌ nu kɔ́ ziꞌ maa vɨɨ Kristo fɨ ntɨꞌ Jerusalem. Vəŋ zɔ nu kɔ́, tɔ̀ŋ Barnabas ntɨꞌ Antiɔk (fɨ shɨ Siria).

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 13:4

Faŋ Zwitə Ley Nwi nə tɔ̀ŋ vəŋ nɨniŋ nə, vəŋ siꞌ gə ntɨꞌ Selusia, ŋìi taa bay kwalə, tɔ̀ŋ mamuu taa bay, tɔŋ gə̀ shɨ Sayprɔs.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 14:26

Vəŋ baa ndɔ̀ fɨ yifi, ŋìi taa bay kwalə, tɔ̀ŋ mamuu, bə̀ŋ gə̀ Antiɔk, faŋ lùu shəŋ ŋkɨə faŋ vəŋ nə bɨ ndɔ̀ fɨ fuŋ nə, faŋ vaŋ-nshwi vəŋ maa yizii Kristo nə shɔꞌtə Nwi, tɔŋ vəŋ maa faꞌ Nwi, ŋgwə faŋ vəŋ bə̀ŋ fɨ fuŋ ndwə nə.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:3

Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 15:30

Vəŋ kɔ ŋwaꞌlə ghɔ́ tɨ́ vɨɨ ntɔŋsə vɔ́, kɔ̀ bwey-jəə tɨ́ vəŋ. Vəŋ ndɔ fɨ nsi, siꞌ gə̀ ntɨꞌ Antiɔk (fɨ shɨ Siria), bàytə vɨɨ məbiŋ nu Kristo, kɔ̀ ŋwaꞌlə ntɔŋ ghɔ́ tɨ́ vəŋ.

Akts 15:35

Pɔɔl ghɔ Barnabas goꞌ Antiɔk nɨzi, kɨ deesə, ndɔ fɨꞌtə nu Nwi ghɔ vɨ vɨɨ mɔ́ꞌ vəyaŋ.

Akts 15:39

Nɨniŋ, vəŋ nə kii ntay taa ŋwaa vəŋ, tày dɨdɨꞌ, buu gàasə. Barnabas kɨ nii ndì Jɔn Mark, ghɔ ŋwə ŋii taa bay kwalə, tɔŋ gə̀ shɨ Sayprɔs.

Akts 18:22

gə̀ ŋii ntɨꞌ Sisaria, fùu fɨ taa bay, toꞌ gə̀ ziꞌ ntɨꞌ Jerusalem, gə̀ shɔ̀ꞌtə məshəŋtə vɨɨ məbiŋ nu Kristo, baa kɨ nii bə̀ŋ gə̀ ntɨꞌ Antiɔk (fɨ shɨ Siria).

Akts 21:16

Yia vɨ vɨɨ məbiŋ nu Kristo vəmɔ́ꞌ fɨ ntɨꞌ Sisaria gə mɔ́ꞌ. Vəŋ gə twèy yia taa ŋii wə mɔ́ꞌ faŋ yizii yi lùu Mənasɔn, wuu Sayprɔs, faŋ nə luu wuu məbiŋ nu Kristo shù fɨshi, laa yia shi fu ŋwə.

Akts 21:2

Faŋ yia nə ziꞌ Patara, yè bay kəmɔ́ꞌ faŋ ŋkə gə Fənishia. Yia ŋii shɔ gə̀,

Akts 3:26

Viŋ lùu vɨɨ vɨsɨ faŋ Nwi nə ywèysə wuu faꞌ wi, tɔ̀ŋ ŋwə tɨ́ viŋ laa ŋwə tu mənɔŋ-bwaŋnə tɔ viŋ, faŋ viŋ kìasə fwi siŋ, wə nə muꞌ nə muꞌ, meꞌtə vənu vəbwəvə viŋ.»

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Akts 6:5

Nwaa vɨɨ vɔ́ vənshə nə kàw nu ŋkɨə faŋ vɨɨ ntɔŋ Yeso nə gì nə. Vəŋ kɨ nii shòꞌ Stefen, wə faŋ ŋwə nə bìŋ Kristo nə fwi yimuꞌ, Zwitə Ley Nwi lwàŋ taa fwi ŋwə. Vɨ baa shòꞌ Filip, nə Prokorɔs nə Nikanor nə Timon nə Parminas nə Nikolaws, wuu Antiɔk faŋ ŋwə nə ŋìi nu Nwi vɨɨ Jus.

Galatia 2:11

Shi mɔ́ꞌ Pita nə jwì shɨ Antiɔk, yia ŋwə tay, buꞌ faŋ ŋwə nə gù nu.