Akts 11:12 - Vengo (Babungo)

¹² Zwitə Ley Nwi naysə shee laa yia vɨ vəŋ gə mɔ́ꞌ, kɨ mə betə me. Vaŋ-nshwi vaŋ-nsiŋ və̀ ntɔfə, yia vəŋ gə mɔ́ꞌ, gə̀ ŋìi taa ŋii wə ghɔ́.

Akts 11:12 ပူးပေါင်းရင်းမြစ်များ

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:13

Nɨniŋ, Zwitə yinsəŋ kɔ́ ndɔ kɨ jwi, də jɨɨ tɨ́ viŋ, viŋ kɨɨ nə vənu vənshə faŋ mbə lùu vəbi. Zwitə kɔ́ kee gisə maa nshɨ-tɔ wi me, kɨ gisə sheꞌ nu ŋkɨə faŋ ŋkə zɔ̀ fɨ ghɔ Nwi, baa naysə vənu faŋ mbə ndɔ gay fɨ yiba.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 10:23

Pita zɔ nɨniŋ, ŋìisə vɨɨ vɔ́ taa ŋii, ndì vəŋ maa vəndɔ vi. Fu kɨ lee ŋwə ndɔ, fùu, ghɔ vɨ vəŋ gə. Vɨɨ məbiŋ nu Yeso vəmɔ́ꞌ fɨ Jɔpa beꞌsə ŋwə.

Akts 10:45

Nu kɔ́ ghɔꞌ vɨɨ məbiŋ Kristo fɨ taa ŋwaa vɨɨ Jus, faŋ vəŋ nə jwì ghɔ vɨ Pita nə. Shuu vəŋ yɔŋ laa Nwi tù Zwitə Ley ki maa vɨɨ faŋ vəŋ nə kee lùu vɨɨ Jus me, faŋ vɨ nə kee sɨ̀ɨtə vəŋ me. Nwi nə key vəŋ nə Zwitə Ley ki,

Akts 11:13

Wə ghɔ́ naysə tɨ́ yia faŋ ŋwə nə yè nshiiŋii Nwi, faŋ ŋwə nə tɨ̀ŋnə taa ŋii yi, gì tɨ́ yi laa, yi tɔŋ ntɔŋ Jɔpa maa mətii mə Saymon Pita,

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 13:4

Faŋ Zwitə Ley Nwi nə tɔ̀ŋ vəŋ nɨniŋ nə, vəŋ siꞌ gə ntɨꞌ Selusia, ŋìi taa bay kwalə, tɔ̀ŋ mamuu taa bay, tɔŋ gə̀ shɨ Sayprɔs.

Akts 15:7

Faŋ ntay nə yaŋ, Pita ndɔ yizɔ, gì tɨ́ vəŋ laa, «Vaŋ-nshwi vaŋ, viŋ kɔꞌ kɨɨ laa Nwi nə shòꞌ mə fɨ taa ŋwaa viŋ fɨshi, laa vɨɨ tətɔŋ fu zɔ ntɔŋ yijəə fɨ shuu mə, nùŋ fwisə vəŋ maa Kristo.

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Akts 28:15

Vɨɨ məbiŋ nu Kristo fɨ shɨ Rom kɨ zɔ laa yia jɨjwi, vɨɨ mɔ́ꞌ ndɔ jwì ndì yia ŋkee fɨ maa shəŋ yiwiŋ Apiu, nə vəmɔ́ꞌ maa shəŋ kəmɔ́ꞌ faŋ vɨ tii nə Ndɔꞌ-məzɨ-fazɨ-tia. Vəshəŋ vɔ́ nəə kɨ bii ntaŋ fɨ shɨ Rom. Nə luu yitoꞌ vəshi vəbɔɔ. Faŋ Pɔɔl nə yè vɨɨ vɔ́, faŋ vəŋ jwi ndì ŋwə ŋkee fɨ ntaŋ nə, ŋwə bwaŋ Nwi, fwi yi shəŋtə.

Akts 8:29

Zwitə Ley Nwi gi tɨ́ Filip laa ŋwə shəŋtə gə kɨ toꞌ fɨ yɨ kaalə kɔ́.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

2 Tesalonika 2:2

viŋ kɨ duꞌ, wə kee bùulə fwi siŋ me. Kɨ fwi siŋ ghaysə viŋ me! Shi kɔ́ faŋ tɨta Yeso ndɔ baa bəŋ jwi nə, kee ta yikuꞌnə me. Wə kɔlə jwi gi tɨ́ viŋ laa Zwitə Nwi twèlə nu kɔ́ tɨ́ yi, tɨꞌnə me laa gì yia tɨ́ yi, tɨꞌnə me laa nyɔ̀ꞌ yia nɨniŋ, laa shi kɔ́ kùꞌnə, kɨ fwi siŋ ghaysə viŋ shɔ me!

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.