Akts 10:22 - Vengo (Babungo)

²² Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 10:22 ပူးပေါင်းရင်းမြစ်များ

Matiu 1:19

Ndəə wi Josef nə luu wuu njyoꞌ yijəə, kee kaw kwaŋ tɔ dɨɨ maa Meri me, kəə sheꞌ laa yi tɨꞌ ŋwə fɨ taa bwaŋnə.

Matiu 2:12

Faŋ vəŋ nə luu yifi, njyəə shi vəŋ. Nwi tɨ vəŋ taa njyəə laa kɨ vəŋ baa bəŋ gə yɨ fwàŋ Herod me. Nɨniŋ, vəŋ shɔɔ fɨ maa jɨɨ yiday, gə̀ shɨ vəŋ.

Mark 6:20

buꞌ laa fwàŋ Herod nəə fee Jɔn, tɨ́ ŋwə nə kɨɨ laa Jɔn nə luu ŋkee wuu ley vɨsɨ Nwi, faŋ vənu vi lùu vəloomə. Nɨniŋ, fwàŋ Herod nəə shiinə ŋwə, zɔnə yigisə yi yighee mɔ́ꞌ, zɔ nu ki nə məŋaytə.

Mark 8:38

Kɨ ghaŋ tɔ wə dɨɨ maa Wuu yinsəŋ Nwi nə mədeesə wi taa mbi yibwə nyə̀, buu tɔ ki ndɔ dɨɨ maa wə ghɔ́ nɨzi maa yighee njyə faŋ ghɔ vɨ nshiisə-ŋiisə Nwi ndɔ jwi mɔ́ꞌ taa nu yifwàŋ Nwi.»

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 23:50

Wə mɔ́ꞌ nə luu shɔ, yizii yi lùu Josef. Ŋwə nə luu shɨꞌ fɨ shɨ, baa lùu wuu jəə, vənu vi lùu vəloomə.

Lukas 9:26

Viŋ zɔ! Wə ntɨə faŋ tɔ ki dɨɨ buꞌ mə, baa nə yigisə nyaa, buu tɔ kaŋ ndɔ dɨɨ maa ŋwə nɨzi, maa yighee njyə faŋ mə ndɔ jwi nə yikwalə nyaa nə njyə Tii ŋwaa, baa nə njyə nshiisə-ŋiisə Nwi səleysə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:20

Viŋ zɔ! Mə naysə tɨ́ viŋ yinsəŋ laa wə ntɨə faŋ ŋwə ndì wuu ntɔŋ ŋwaa taa ŋii ŋwə, ndì luu nshɨ-tɔ ŋwaa. Wə ntɨə faŋ ŋwə ndì mə, ndì luu wə ntɨə faŋ ŋwə nə tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:20

Mə kee buꞌ ghɔ sheꞌ tɔ vɨɨ mbɨə faŋ vəŋ lùu vɨɨ vaŋ ndwə me. Mə buꞌ ghɔ nɨzi tɔ vɨɨ mbɨə faŋ vəŋ ndɔ zɔ nu kaŋ fɨ ghɔ vəŋ, nùŋ fwisə vəŋ maa mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:8

Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:68

Saymon Pita bəŋsə tɨ́ ŋwə laa, «Tɨta, yia sii nyɨŋ ghɔ, yia baa bèꞌsə ndə? A kìi yigi faŋ nyə kɔ yia nə məbwey vəlwaŋ.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:21

Pita siꞌ, gə̀ gì tɨ́ vɨɨ vɔ́ laa, «Mə lùu wə ntɨə faŋ viŋ kəə. Viŋ jwi kəə kə?»

Akts 10:30

Kɔrniliɔs gi tɨ́ ŋwə laa, «Shɔ̀ɔ vəshi yishwe ndwə, sheꞌ faŋ ndwə nee, maa vəshɨshwi vətia, mə duꞌ taa ŋii mə, kɨ shɔꞌtə Nwi. Wə mɔ́ꞌ gwəkə tɨ̀ŋnə vɨsɨ mə nə njwi si səndwaꞌlə,

Akts 10:33

Nɨniŋ, mə tɔ̀ŋ ntɔŋ tɨ́ ghɔ yighee muꞌ. A yɨsə jəə faŋ a jwì nə. Yia vənshə baytə feenə ndwə vɨsɨ Nwi, kɨꞌ maa məzɔ nu ŋkɨə faŋ Mɔꞌmbi tɔ̀ŋ ghɔ nə ŋkə.»

Akts 10:6

Ŋwə shi shɔ taa ŋii Saymon mɔ́ꞌ, faŋ luu wuu məbaysə gɔsə, ŋii yi lùu mbɨɨ mamuu.»

Akts 11:14

laa mə taa naysə ntɔŋ yijəə tɨ́ yi faŋ yi taa bwey shɔ, nə ŋii yi yinshə.

Akts 22:12

Wə mɔ́ꞌ nə luu shɔ ntɨꞌ Damaskɔs, yizii yi luu Ananias. Ŋwə nə luu wuu weꞌ maa ntɨsə Nwi, vɨɨ Jus vənshə fɨ ntɨꞌ Damaskɔs biŋ ŋwə yaa wuu jəə.

Akts 24:15

Mə kìi məbiŋ maa Nwi sheꞌ yaa vəŋ kìi, laa vɨɨ vənshə, vɨɨ bwənə nə vɨɨ jəənə ndɔ ywey fɨ shɨ yiku.

Akts 6:3

Nɨniŋ, vaŋ-nshwi, viŋ shoꞌ vɨɨ fɨ taa ŋwaa viŋ kwatia, faŋ vɨ kɨɨ laa Zwitə Ley Nwi lwàŋ taa fwisə vəŋ, baa nə yitɔfə; yia taa kɔ nu məgaasə vətɔ tɨ́ vəŋ.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

2 Kɔrintian 5:18

Nu kɔ́ kənshə nə ndɔ̀ fɨ ghɔ Nwi, faŋ ŋwə mètə nsɔꞌ nyaa-nsiŋ ghɔ vɨ Nwi yiley, buꞌ Yeso Kristo. Ŋwə baa nùŋsə yia maa faꞌ wi, laa yia kɨ fɨꞌtə tɨ́ vɨɨ faŋ Nwi mètə nsɔꞌsə vɨɨ nə.

1 Timoti 3:7

Baw sheꞌ wə faŋ vɨɨ taa shɨ, faŋ vəŋ kee lùu vɨɨ Nwi me, biŋ ŋwə nɨzi, laa lùu wuu jəə. Nɨniŋ laa kɨ vɨɨ ndɔ kɨ gisə bwə tɔ ŋwə, tɨ́ kaꞌ ŋwə ŋii taa mbɨə Satan me.

Hibru 10:38

baa nə laa, «Wuu loomə ŋwaa ndɔ zɨ məbwey vəlwaŋ, buꞌ laa ŋwə nùŋ fwi yi maa mə,» baa nə laa, «Wə kɨ luu kɨ bəŋ yiba, buu fwi Nwi kee taa ley maa ŋwə me.»

Hibru 11:2

Bàw nsiŋ zwetə fɨ ghɔ vɨɨ ywaŋ-vɨsɨ, faŋ vəŋ nə nùŋ fwisə vəŋ maa Nwi, buu Nwi biŋ vəŋ.

Hibru 12:23

Viŋ lùu fɨ maa mfɔŋsə vaŋ Nwi taa mfaynə yɔ́, faŋ Nwi nə nyɔ̀ꞌ təzii təvəŋ taa ŋwaꞌlə yizɔ. Viŋ ndɔ tɨŋ vɨsɨ Nwi faŋ ŋwə sɔꞌ vɨɨ vənshə. Viŋ ndɔ faynə viŋ vɨ vɨɨ vɔ́ fɨ ywaŋ-vɨsɨ, faŋ Nwi nə ndì vəŋ yaa vɨɨ loomə nə.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

3 Jɔn 1:12

Gə fɨ maa Dimitriɔs, vɨɨ vənshə biŋ ŋwə ntee laa ŋwə lùu wuu jəə. Vənu vəjəəvə vi baa də̀ laa ŋwə lùu wuu jəə maa vənu mbɨə faŋ ŋwə yɨsə. Nshɨ-tɔ wia bìŋ ŋwə nɨzi. A kɔꞌ kɨɨ laa yigisə yia lùu yinsəŋ.

Reveleyshən 14:10

buu ŋwə taa kɨ nu fwi yishəsə Nwi yaa məluꞌ, faŋ Nwi kwàŋ taa ndaw məluꞌ, kee wasə me. Kəŋ wə ghɔ́ ndɔ kɨ ye ŋɨꞌ taa wi nə wisə baynə faŋ luŋ ki zwilə vɨɨ yikəꞌ nshiisə-ŋiisə Nwi, baa nə yikəꞌ wee-bi-njɨɨ ghɔ́.