Akts 10:19 - Vengo (Babungo)

¹⁹ Pita nəə kɨ bii kəə maa məkɨɨ nə ŋiꞌ njyəə yɔ́, Zwitə Ley Nwi gi tɨ́ ŋwə laa, «Ye vɨɨ vətia faŋ vəŋ kəə ghɔ.

Akts 10:19 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:13

Nɨniŋ, Zwitə yinsəŋ kɔ́ ndɔ kɨ jwi, də jɨɨ tɨ́ viŋ, viŋ kɨɨ nə vənu vənshə faŋ mbə lùu vəbi. Zwitə kɔ́ kee gisə maa nshɨ-tɔ wi me, kɨ gisə sheꞌ nu ŋkɨə faŋ ŋkə zɔ̀ fɨ ghɔ Nwi, baa naysə vənu faŋ mbə ndɔ gay fɨ yiba.

Akts 10:18

Vəŋ tɨŋnə, kɨ tii, bitə laa, «Saymon faŋ vɨ tii ŋwə nə Pita, shi feenə mu?»

Akts 10:3

Shi mɔ́ꞌ bwafu nshiiŋii Nwi fuu yikəꞌ ŋwə, tii ŋwə laa, «Kɔrniliɔs.»

Akts 11:12

Zwitə Ley Nwi naysə shee laa yia vɨ vəŋ gə mɔ́ꞌ, kɨ mə betə me. Vaŋ-nshwi vaŋ-nsiŋ və̀ ntɔfə, yia vəŋ gə mɔ́ꞌ, gə̀ ŋìi taa ŋii wə ghɔ́.

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 15:7

Faŋ ntay nə yaŋ, Pita ndɔ yizɔ, gì tɨ́ vəŋ laa, «Vaŋ-nshwi vaŋ, viŋ kɔꞌ kɨɨ laa Nwi nə shòꞌ mə fɨ taa ŋwaa viŋ fɨshi, laa vɨɨ tətɔŋ fu zɔ ntɔŋ yijəə fɨ shuu mə, nùŋ fwisə vəŋ maa Kristo.

Akts 21:4

Faŋ yia nə zìꞌ Tayra nɨniŋ nə, gə̀ yè vɨɨ məbiŋ nu Kristo faŋ vəŋ nə luu yifi, yia vɨ vəŋ shi vəshi kwatia. Vɨɨ vɔ́ twey tɨ́ Pɔɔl laa, kɨ ŋwə gə Jerusalem me, buꞌ laa Zwitə Nwi nə də̀ nu Pɔɔl tɨ́ vəŋ.

Akts 8:29

Zwitə Ley Nwi gi tɨ́ Filip laa ŋwə shəŋtə gə kɨ toꞌ fɨ yɨ kaalə kɔ́.

1 Kɔrintian 12:11

Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

1 Timoti 4:1

Zwitə Ley Nwi gì maa yigisə yileynə laa, ndɔ luu maa yighee shə, vɨɨ mɔ́ꞌ meꞌ nu Kristo faŋ nsiŋ nùŋ fwi saŋ-nsiŋ shɔ nə, nùŋsə fwisə vəŋ maa nu vəzwitə mbɨə faŋ mbə bweꞌsə vɨɨ, baa nə maa vənu faŋ vəzwitə vəbwəvə deesə tɨ́ vɨɨ.