Akts 1:8 - Vengo (Babungo)

⁸ Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 1:8 ပူးပေါင်းရင်းမြစ်များ

Matiu 24:14

Nu mɔ́ꞌ lùu laa vɨ ndɔ fɨꞌtə ntɔŋ yijəə buꞌ nu yifwàŋ yizɔ taa mbi yinshə. Vɨɨ fɨ taa məshɨ mənshə ndɔ zɔ ntee, buu vəndwə və mbi ndɔ kuꞌnə.

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 10:19

Viŋ zɔ! Mə nə kɔ̀ wutə tɨ́ viŋ tɨ́ kɨ kaꞌ viŋ jeꞌtə zɔsə, nə vəŋaa vəbwəvə, nu kee gay maa viŋ me. Mə kɔ̀ wutə tɨ́ viŋ maa məghɔꞌ vətɔ və tɨɨ vəzwitə vəbwəvə vənshə.

Lukas 24:29

Vəŋ buꞌ ghɔ tɨ́ ŋwə dɨdɨꞌ laa ghɔ vɨ vəŋ shi, buꞌ laa yighee duꞌtə nyə shɔ̀ɔ, fu kɨ nii fɨfəŋ. Nɨniŋ, ŋwə gə laa ghɔ vɨ vəŋ shi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:27

Gə̀ fɨ maa viŋ, viŋ kɨ gisə tɨ́ vɨɨ kɔ̀ŋ mə nɨzi, buꞌ laa nsiŋ yaa luu mɔ́ꞌ shù fɨ maa vənzi.

Akts 1:22

shù fɨ faŋ Yeso nə fì muu fɨ ghɔ Jɔn, gə kɔ̀ tɨ́ yighee njyə faŋ ŋwə nə kòꞌ yizɔ nə. Bàw vɨ shoꞌ wə faŋ ŋwə nə yè vənu vɔ́ nə yisɨ.

Akts 1:5

Ŋwə nə baa gì laa lee, «Vɨɨ nəə fi muu mə Nwi fɨ ghɔ Jɔn taa muu. Gə fɨ maa viŋ, viŋ taa kɨ fi luu Zwitə Ley Nwi. Ŋkə kee baa luu ntaŋ me.»

Akts 13:31

Ŋwə fuu yikəꞌ vɨɨ mbɨə faŋ ghɔ vɨ vəŋ yaa ndɔ fɨ shɨ Galilii, koꞌ gə̀ Jerusalem nə. Ŋwə nə fùu yikəꞌ vəŋ maa vəshi vəyaŋ. Vəŋ kɨ nii lùu vɨɨ faŋ vəŋ nə yè ŋwə nə sɨ, ndɔ fɨꞌtə nu ki tɨ́ vɨɨ Isirayl ndwə.

Akts 2:32

Nɨniŋ, Nwi nə ywèysə Yeso fɨ shɨ yiku, yia vənshə ye ŋwə nə sɨ ghia.

Akts 22:15

Ŋkə lùu nɨniŋ laa a ndɔ fɨꞌtə nu ki tɨ́ vɨɨ vənshə, kɨ naysə nu ŋkɨə faŋ a nə yè, nə nu ŋkɨə faŋ a nə zɔ̀ tɨ́ vəŋ.»

Akts 3:15

baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Akts 4:33

Vɨɨ ntɔŋ tɨta Yeso fɨꞌtə nu Yeso ŋkee nə wutə Nwi, gisə ntee laa Yeso nə ywèy fɨ shɨ yiku. Vɨɨ nə kaw vəŋ vənshə dɨdɨꞌ.

Akts 5:32

Yia nə yè vənu vɔ́ nə sɨ, yia vɨ Zwitə Ley Nwi, faŋ Nwi kɔ tɨ́ vɨɨ mbɨə faŋ vəŋ zɔnə ŋwə.»

Akts 6:8

Stefen nə luu wə faŋ Nwi nə tù mənɔŋ-bwaŋnə tɔ ŋwə, wutə Nwi nə luu yiba jɨŋ ŋwə. Ŋwə yɨ vənu vəkwalə nə vənu və shuu yɔŋvə taa ŋwaa vɨɨ.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

Roma 10:18

Luu nə, mə bìtə laa vəŋ nə kee yizɔ yimu? - Ɔŋ, vəŋ nə zɔ̀! Maa ŋkə lùu taa ŋwaꞌlə Nwi laa, «Gɨ vəŋ nə fùu, fì nsi yinshə, yigisə vəŋ ziꞌ maa vəndwəsə və shɨ nsi.»

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.