Akts 1:3 - Vengo (Babungo)

³ Yighee njyə faŋ Yeso nə dùꞌtə ŋwə shɔɔ fɨ shɨ yiku, ŋwə fuu, fàynə ghɔ vɨɨ ntɔŋsə vi, də̀ vəshwenə vəyaŋ tɨ́ vəŋ, tɨ́ kaꞌ vəŋ kɔꞌ kɨɨ laa ŋwə ywèy, ndɔ bwèy. Maa vəshi muu-yinshwe, ŋwə nə də̀ ŋwaa wi tɨ́ vəŋ ghee yaŋ, gì tɨ́ vəŋ kɔ̀ŋ nu yifwàŋ Nwi.

Akts 1:3 ပူးပေါင်းရင်းမြစ်များ

Matiu 21:43

Nɨniŋ, mə naysə tɨ́ viŋ laa, vɨ ndɔ fi nu yifwàŋ Nwi fɨ ghɔ viŋ, kɔ̀ tɨ́ vətɔŋ faŋ vəŋ ndɔ yɨ nu ŋkɨə faŋ Nwi kəə. [

Matiu 28:9

Vəŋ gə nɨniŋ, ghɔ vɨ Yeso faynə. Ŋwə shɔꞌtə vəŋ laa, «Viŋ kɨ ŋaytə mɔɔ!» Vəŋ shəŋtə gə̀ yɨ ŋwə, gu ghuu ŋwə, jìa ghuu ghi, bə̀ŋsə ŋwə.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:2

Ŋwə nə luu yifi, baŋ fazɨ maa vəshi muu-yinshwe, baŋ fazɨ vətuꞌ nə shɨshwi. Jɨŋ kɨ nii zasə ŋwə.

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:26

Vəshi shɔɔ yifɔŋ, vɨɨ məzwetə nu Yeso baa bàytə taa ŋii, Tɔmas luu shɔ ghɔ vɨ vəŋ mɔ́ꞌ. Faŋ vəŋ nə kɔlə fə̀ŋ shuu ŋii, Yeso fuu taa ŋwaa vəŋ, shɔꞌtə vəŋ, gì laa, «Mənɔŋ-bwaŋnə tɔ viŋ,»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:1

Kɨ luu fɨ yiba, Yeso baa fùu yikəꞌ vɨɨ məzwetə nu ki, maa yighee njyə faŋ vəŋ nə luu mbɨɨ maghia Tiberiɔs. Nu kɔ́ nə gày tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:14

Nɨniŋ, Yeso nə fùu sɨ vɨɨ məzwetə nu ki lwesə ghee tia, shù fɨ maa yighee njyə faŋ ŋwə nə ywèy fɨ shɨ yiku nə.

Akts 13:31

Ŋwə fuu yikəꞌ vɨɨ mbɨə faŋ ghɔ vɨ vəŋ yaa ndɔ fɨ shɨ Galilii, koꞌ gə̀ Jerusalem nə. Ŋwə nə fùu yikəꞌ vəŋ maa vəshi vəyaŋ. Vəŋ kɨ nii lùu vɨɨ faŋ vəŋ nə yè ŋwə nə sɨ, ndɔ fɨꞌtə nu ki tɨ́ vɨɨ Isirayl ndwə.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 28:31

fɨꞌtə nu yifwàŋ Nwi tɨ́ vəŋ, baa deesə vəŋ nə vənu və tɨta Yeso Kristo, gi nə fwi yiweꞌ, wə kee fə̀ŋ ŋwə me.

Akts 8:12

Luu nə, yighee njyə faŋ Filip nə jwì, vəŋ biŋ Filip faŋ ŋwə nə nàysə ntɔŋ yijəə kɔ̀ŋ nu yifwàŋ Nwi, baa kɔ̀ŋ yizii Yeso Kristo tɨ́ vəŋ. Vəŋ fi muu mə Nwi, vəndɔŋ ghɔ vəki.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

1 Jɔn 1:1

Ŋwaꞌlə ŋwə̀ luu buꞌ wə ntɨə faŋ ŋwə yaa luu shɔ vɨsɨ. Yia nə zɔ̀ faŋ ŋwə gisə, yè ŋwə nə sɨ ghia, baa kɔ̀ŋ ŋwə nə ghɔ ghia. Vɨ tii ŋwə laa, «Yigi Nwi faŋ nyə kɔ məbwey vəlwaŋ tɨ́ vɨɨ.»