Akts 1:2 - Vengo (Babungo)

² ziꞌ maa shi ŋkɨə faŋ Nwi nə ndi ŋwə, kòꞌsə ŋwə yizɔ, tɨ́ ŋwə yaa tɨ vɨɨ ntɔŋsə vi faŋ ŋwə nə shoꞌ nə, fɨ taa Zwitə Ley Nwi.

Akts 1:2 ပူးပေါင်းရင်းမြစ်များ

Matiu 12:28

Luu nə, mə kɨ luu fùusə vəzwitə vəbwəvə nə wutə Nwi, buu nu yifwàŋ Nwi zìꞌ taa ŋwaa viŋ.

Matiu 3:16

Yeso fi muu mə Nwi, fùu fɨ taa muu, sheꞌ yighee yɔ́ shuu yizɔ ŋaꞌnə, ŋwə ye Zwitə Ley Nwi siꞌ jwì yaa bɔŋsə, tɨ̀ŋnə tɔ ŋwə.

Mark 6:30

Vɨɨ ntɔŋsə Yeso bəŋ fàynə yɨ ŋwə, nàysə vənu vənshə faŋ vəŋ nə yɨ̀ tɨ́ ŋwə, nə mbɨə faŋ vəŋ nə dèesə.

Lukas 24:51

Faŋ ŋwə nə tù mənɔŋ-bwaŋnə tɔ vəŋ nə, kɨ nii yindɔ fɨ yɨ vəŋ. Nwi koꞌsə ŋwə yizɔ.

Lukas 9:51

Yighee njyə faŋ Nwi nəə kəə ndì Yeso, koꞌsə ŋwə yizɔ, nə luu nshənə, Yeso tə sɨ maa məgə ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:16

Ŋwə nəə kee gəŋ saŋ-nsiŋ ghee ghee, buꞌ laa gəŋsə lwàŋ taa fwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:1

Shi zwisə Pasa nəə kəə kuꞌ, Yeso kɨɨ laa yighee yi maa məndɔ fɨ shɨ nsi, gə̀ yɨ Tii wi kùꞌnə. Ŋwə nə kàw vɨɨ vi faŋ vəŋ nə lùu taa mbi. Ŋwə nə kàw vəŋ mètə, də̀ ŋkawnə yi tɨ́ vəŋ tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:3

Yeso kɨɨ nɨzi laa, tɨta Nwi nə nùŋsə vənu vənshə ghɔ ŋwə, baa nə laa ŋwə nə ndɔ̀ fɨ yɨ Nwi, baa bəŋ gə̀ yɨ Nwi,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:28

Mə nə ndɔ̀ fɨ yɨ Tii ŋwaa, jwi mbi nyə̀. Nɨniŋ, mə baa mèꞌtə mbi nyə̀ ndwə, bə̀ŋ gə̀ yɨ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:13

Mə jɨjwi yɨ ghɔ ndwə, kɨ naysə nu kɔ́ taa mbi nyə̀, laa nu ŋkɨə faŋ mə ŋaytə shɔ, ŋii taa fwisə vəŋ, vəŋ kɨ ŋaytə nɨzi nə fwi vəŋ yinshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:21

Yeso baa gì tɨ́ vəŋ laa, «Mənɔŋ-bwaŋnə tɔ viŋ. Tɨta Nwi nə tɔ̀ŋ mə nə ntɔŋ. Nɨniŋ, mə tɔŋ viŋ ndwə nə ntɔŋ Nwi yɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:62

Viŋ sii taa gì laa kə, faŋ viŋ ye Wuu yinsəŋ Nwi ndɔ bəŋ koꞌ gə̀ shəŋ ŋkɨə faŋ ŋwə nə ndɔ̀ fɨ fuŋ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»

Akts 1:11

Viŋ zɔ! Yeso ŋwə̀, faŋ Nwi nii ndì ŋwə fɨ ghɔ viŋ, ŋwə koꞌ gə̀ yizɔ nə, ŋwə ndɔ baa bəŋ siꞌ jwi sheꞌ faŋ viŋ nii yè ŋwə nə koꞌ yizɔ nə.»

Akts 1:13

Vəŋ ziꞌ ntɨꞌ Jerusalem, koꞌ gə̀ taa njɨɨ ŋii njyə faŋ vəŋ yaa kɨ baytə shɔ nə. Vɨɨ vɔ́ nə luu Pita nə Jɔn nə Jeyms nə Andru nə Filip nə Tɔmas nə Bartolomi nə Matiu, nə Jeyms wee Alfeɔs, nə Saymon ŋgwə faŋ vɨ tii ŋwə nə wuu məsɨŋsə maa nu, baa nə Judas wee Jeyms.

Akts 1:22

shù fɨ faŋ Yeso nə fì muu fɨ ghɔ Jɔn, gə kɔ̀ tɨ́ yighee njyə faŋ ŋwə nə kòꞌ yizɔ nə. Bàw vɨ shoꞌ wə faŋ ŋwə nə yè vənu vɔ́ nə yisɨ.

Akts 1:9

Yeso gi nɨniŋ, Nwi kɨ nii ndì ŋwə, ŋwə koꞌ taa yizɔ, vəŋ nə ye. Mbɔꞌ kɨ nii ndì ŋwə, vəŋ kee baa ye ŋwə me.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Galatia 1:1

Tɔ̀ŋ mə, Pɔɔl, tɔ̀ŋ ŋwaꞌlə ŋwə̀ tɨ́ nshəŋtə vɨɨ məbiŋ Kristo fɨ shɨ Galatia. Mə lùu wuu ntɔŋ Yeso Kristo. Kee tɔ̀ŋ vɨɨ tɔ̀ŋ mə maa məfaꞌ faꞌ ŋwaa ŋwə̀ me. Kee shòꞌ vɨɨ shòꞌ mə me. Nə shoꞌ ŋkee nshɨ-tɔ Yeso shòꞌ mə, tɔ̀ŋ mə, ghɔ Nwi faŋ lùu Tii ŋwaa-nsiŋ, faŋ ŋwə nə ywèysə Yeso fɨ shɨ yiku nə.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 2:11

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Wə ntɨə faŋ ŋwə jìa fwi yi taa ŋɨꞌ, kee kɨ twey Kristo me, buu ŋwə ndɔ ku, baa ywey, kaꞌ yiku lwesə ghee bɔɔ kee ndɔ kɔŋ ŋwə me.»

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 2:29

Wə faŋ ŋwə kìi tuulə ghi zɔ, ŋwə zɔ nu ŋkɨə faŋ Zwitə Ley Nwi gì tɨ́ vəməshəŋtə və vɨɨ Nwi!»

Reveleyshən 2:7

Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.

Reveleyshən 3:13

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi!»

Reveleyshən 3:16

Nɨniŋ, faŋ a luu nɨntəŋ nə, kee nɨndɔŋ me, kee yɨyoonə me, mə taa tu ghɔ fɨ shuu mə.

Reveleyshən 3:22

Wə ntɨə faŋ ŋwə kìi tuulə ghi zɔ, ŋwə zɔ nu ŋkɨə faŋ Zwitə Nwi gi tɨ́ vəməshəŋtə və vɨɨ Nwi!»