Akts 1:16 - Vengo (Babungo)

¹⁶ Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Akts 1:16 ပူးပေါင်းရင်းမြစ်များ

Matiu 26:14

Wə muꞌ fɨ taa ŋwaa vɨɨ Yeso njɔsə-bɔɔ nə, faŋ vɨ nəə tii ŋwə nə Judas Iskariot, gə yè vɨɨ kwalə məfeꞌ Nwi,

Matiu 26:47

Faŋ Yeso nəə kɨ bii gisə, Judas faŋ nə luu fɨ maa vɨɨ Yeso njɔsə-bɔɔ nə, jwi, ghɔ vɨ nwaa vɨɨ vəyaŋ nə vəbaꞌ nə mbaysə, faŋ vəŋ nə ndɔ̀ fɨ ghɔ vɨɨ kwalə məfeꞌ Nwi nə vəshɨꞌ fɨ taa shɨ.

Matiu 26:54

Luu nə, mə kɨ luu yɨ̀ nɨniŋ, buu kaꞌ nu ŋkɨə faŋ ŋkə lùu taa ŋwaꞌlə Nwi, kee baa fàynə me.»

Matiu 26:56

Luu nə, vənu vənshə gay nɨniŋ laa yigisə Nwi faŋ nshiisə-ŋii sɔghɔ nə nyɔ̀ꞌ nə, faynə.» Ŋwə nə gì nɨniŋ, vɨɨ məzwetə nu ki vənshə meꞌtə ŋwə, nyɨ̀ŋkə.

Mark 12:36

Maa Zwitə Nwi nə yɨ̀sə nshɨ-tɔ fwàŋ Deyvid gi laa, «Tɨta Nwi nə gì tɨ́ tɨta ŋwaa laa, duꞌnə nsi maa kwiŋ maꞌnə ŋwaa, zìꞌ maa yighee njyə faŋ mə taa mɔꞌ vɨɨ mbeenə və vɨsɨ ghɔ, a tə ghuu ghə tɔ vəŋ.»

Mark 14:43

Sheꞌ faŋ Yeso nəə kɨ bii gisə, Judas, faŋ nə luu wə fɨ taa ŋwaa vɨɨ məzwetə nu Yeso njɔsə-bɔɔ nə, jwi ghɔ vɨ nwaa vɨɨ nə vəbaꞌ nə mbaysə. Vəŋ nə ndɔ̀ fɨ ghɔ vɨɨ kwalə məfeꞌ Nwi nə vɨɨ mədeesə ŋwaꞌlə Nwi nə vɨɨ taa fɨ taa ŋii Nwi,

Lukas 22:47

Faŋ Yeso nəə kɨ bii gisə, nwaa vɨɨ gwəkə jwi. Judas faŋ nə luu fɨ taa nwaa vɨɨ Yeso njɔsə-bɔɔ nə, nə toꞌ fɨ vɨsɨ taa ŋwaa vɨɨ vɔ́, shə̀ŋtə jwi yɨ Yeso, nyɔ̀ŋ fəə ghi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:35

Viŋ kɔꞌ kɨɨ laa yigi fɨ taa ŋwaꞌlə Nwi lùu yigisə yinsəŋ faŋ nyə gòꞌsə yighee muꞌ. Nɨniŋ, ŋwaꞌlə Nwi tii vɨɨ mbɨə faŋ vəŋ nə nùŋsə yigisə Nwi yɔ́, nə vənwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:12

Yighee njyə faŋ mə yaa luu yia vɨ vəŋ, mə nəə shiinə vəŋ, vəŋ goꞌsə maa yizii yə, faŋ a nə kɔ̀ shee nə. Mə nəə ndeynə vəŋ, tuu wə fɨ vəŋ muꞌ kee ndì me, tɨ̀ lɨꞌ sheꞌ wuu ndwaŋ wì, faŋ nə luu wuu ndi fɨ maa vənzi. Nɨniŋ laa nu ŋkɨə faŋ ŋkə lùu taa ŋwaꞌlə Nwi faynə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:36

Nu kɔ́ nə gày maa məfaynə maa nu ŋkɨə faŋ vɨ nə nyɔ̀ꞌ taa ŋwaꞌlə Nwi ŋkee fɨshi laa, «Vɨ ndɔ kee bɨꞌ tuu wutə ŋwaa ki me.»

Akts 1:20

Ŋkə gay nɨniŋ sheꞌ faŋ vɨ nə nyɔ̀ꞌ taa ŋwaꞌlə Sam laa, «Ŋii yi ndɔ goꞌ day, wə kee ndɔ shi shɔ me.» Vɨ baa ŋwàꞌlə laa, «Wə dɨday ndɔ tɨŋ maa shuu faꞌ wi.

Akts 13:15

Vɨ tii vənu fɨ taa ŋwaꞌlə ntɨsə Nwi, nə fɨ taa ŋwaꞌlə nshiisə-ŋii sɔghɔ, mètə, vɨɨ kwalə fɨ taa ŋii məshɔꞌtə Nwi tɔŋ ntɔŋ maa Pɔɔl ghɔ Barnabas, gì tɨ́ vəŋ laa yigi yimɔ́ꞌ lùu shɔ ghɔ vəŋ maa mətɨsə vɨɨ, bàw vəŋ gi.

Akts 13:38

Nɨniŋ, vaŋ-nshwi vaŋ, bàw viŋ kɨɨ laa Nwi kəə mèꞌ nu bwə kiŋ buꞌ wə ghɔ́, faŋ lùu Yeso nə. Viŋ kɨ luu shɔ̀ɔ fɨ yiba ntɨsə Mose, kaꞌ nsə kee yɨ̀sə laa Nwi ndenə vənu vəbwəvə viŋ vənshə me.

Akts 15:13

Faŋ Barnabas ghɔ Pɔɔl metə yigisə vəŋ yɔ́, Jeyms gi laa, «Vaŋ-nshwi vaŋ, viŋ zɔ nu ŋkɨə faŋ mə gisə!

Akts 15:7

Faŋ ntay nə yaŋ, Pita ndɔ yizɔ, gì tɨ́ vəŋ laa, «Vaŋ-nshwi vaŋ, viŋ kɔꞌ kɨɨ laa Nwi nə shòꞌ mə fɨ taa ŋwaa viŋ fɨshi, laa vɨɨ tətɔŋ fu zɔ ntɔŋ yijəə fɨ shuu mə, nùŋ fwisə vəŋ maa Kristo.

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 2:37

Vɨɨ vɔ́ zɔ nɨniŋ, ŋkə sɔ fwi vəŋ. Vəŋ bitə tɨ́ Pita nə vɨɨ ntɔŋ Yeso vəmɔ́ꞌ laa, «Bàw yia yɨ kə ndwə, vaŋ-nshwi via?»

Akts 22:1

«Vaŋ-nshwi vaŋ nə vətɨɨ vaŋ, viŋ zɔ nu ŋkɨə faŋ mə taa gi, fi tɔ kaŋ shɔ fɨ ghɔ viŋ ndwə.»

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 28:17

Vəshi kɨ shɔ̀ɔ vətia, Pɔɔl tii vəshɨꞌ və vɨɨ Jus, faŋ vəŋ nəə shi shɨ Rom, laa vəŋ jwi faynə taa ŋii ŋwə. Vəŋ jwi, ŋwə gi tɨ́ vəŋ laa, «Vaŋ-nshwi vaŋ, mə nə kee yɨ̀ tuu nu bwə maa vɨɨ shɨ kaŋ-nsiŋ me, tɨꞌnə me maa nuŋsə vətɨɨ vaŋ-nsiŋ me. Luu nə, vɨɨ jia mə ntɨꞌ Jerusalem, kɔ̀ tɨ́ vɨɨ Rom, mə gu wuu ŋii mfiŋ.

Akts 28:25

Faŋ vəŋ nə kee kɨɨ faynə yigisə vəŋ yimuꞌ nə me, kɨ nii yiwaꞌkə, tɨ́ Pɔɔl gi yigi yimɔ́ꞌ laa, «Zwitə Ley Nwi nə kwàŋ yigi yijəənə shuu nshiiŋii-sɔghɔ Aysaya, ŋwə nə gi tɨ́ vətɨɨ vaŋ-nsiŋ, faŋ Nwi nə gì tɨ́ ŋwə nə laa,

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

1 Pita 1:11

Zwitə ley Kristo faŋ ŋkə nə luu taa fwisə vəŋ, nə tey kɨ fɨꞌtə nu ŋɨꞌ, faŋ Kristo ndɔ ye, nə feenə wi faŋ Nwi ndɔ kɔ yighee yiba. Vəŋ nəə kəə laa nu kɔ́ ndɔ gay yighee kə, baa nə laa ŋkə ndɔ jwi kɨkə?

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

2 Pita 2:21

Ŋkə nə bàw tɨ́ vəŋ laa kɨ vəŋ fɔŋ bɨ kɨ̀ɨ nə jɨɨ faŋ lùu jɨɨ yiloomə me, fɨ ghɔ vəŋ kɨ̀ɨ nə jɨɨ yɔ́, baa bəŋ kìasə ŋwaa vəŋ, mèꞌtə ntɨsə Nwi, kee baa kɨ beꞌsə ntɨsə sɔ́ faŋ vɨ nə fɨ̀ꞌtə tɨ́ vəŋ nə me.