Akts 1:15 - Vengo (Babungo)

¹⁵ Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 1:15 ပူးပေါင်းရင်းမြစ်များ

Matiu 13:31

Ŋwə baa kɨ fɨꞌtə yigisə tii yimɔ́ꞌ tɨ́ vəŋ laa, «Nu yifwàŋ yizɔ lùu yaa ŋɨꞌ fulɨsɨgaa faŋ wə ndì, gə̀ mɔ̀ꞌ taa biisə ŋwə.

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, taa kɨ yɨ vənu mbɨə faŋ mə yɨ nɨzi. Ŋwə taa kɨ yɨsə vənu faŋ mbə shɔ̀ɔ mbɨə faŋ mə yɨ̀, buꞌ faŋ mə gə yɨ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:23

Nɨniŋ, yigi yimɔ́ꞌ saynə taa ŋwaa vɨɨ Yeso, laa wuu məzwetə nu Yeso ghɔ́ kee ndɔ ku me. Luu nə, Yeso nə kee gì laa ŋwə ndɔ kee ku me. Ŋwə nə gì laa, taa kɨ ghaŋ laa fwi yi bàw laa ŋwə goꞌ mbi zìꞌ maa yighee njyə faŋ yi ndɔ baa bə̀ŋ jwì mbi, nsɔꞌ Pita shɔ lùu laa kə?

Akts 10:23

Pita zɔ nɨniŋ, ŋìisə vɨɨ vɔ́ taa ŋii, ndì vəŋ maa vəndɔ vi. Fu kɨ lee ŋwə ndɔ, fùu, ghɔ vɨ vəŋ gə. Vɨɨ məbiŋ nu Yeso vəmɔ́ꞌ fɨ Jɔpa beꞌsə ŋwə.

Akts 11:1

Vɨɨ ntɔŋ Yeso ghɔ vɨ vɨɨ məbiŋ nu Yeso fɨ shɨ Judia, zɔ laa vɨɨ tɔmə day bìŋ nu Nwi nɨzi.

Akts 11:12

Zwitə Ley Nwi naysə shee laa yia vɨ vəŋ gə mɔ́ꞌ, kɨ mə betə me. Vaŋ-nshwi vaŋ-nsiŋ və̀ ntɔfə, yia vəŋ gə mɔ́ꞌ, gə̀ ŋìi taa ŋii wə ghɔ́.

Akts 11:26

Ŋwə kəə Sɔɔl, yè ŋwə, ndì ŋwə, ghɔ ŋwə bəŋ gə Antiɔk. Vəŋ vəbɔɔ duꞌ tày ghɔ vɨ vɨɨ məbiŋ Kristo fɨ Antiɔk yaa ŋuꞌ ŋkwəŋ, deesə nu Nwi tɨ́ vɨɨ vəyaŋ. Nə luu ntɨꞌ Antiɔk faŋ vɨ nə fɔŋ tey kɨ tii vɨɨ məbiŋ nu Kristo laa vɨɨ Kristo.

Akts 11:29

Vɨɨ məbiŋ Kristo zɔ yigi Agabɔs yɔ́, gì laa, bàw vəŋ vənshə kɔ fa tɔ tɔ, wə kɔ ki fa faŋ ŋwə kìi, wə kɔ ki fa faŋ ŋwə kìi, tɨ́ kaꞌ vɨ tɔŋ gàŋtə vaŋ-nshwi shɔ fɨ shɨ Judia.

Akts 12:17

Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:3

Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 16:2

Vɨɨ məbiŋ nu Kristo fɨ Listra nə fɨ Ikoniɔn nə bìŋ Timoti ghɔ́, laa lùu wuu yinsəŋ.

Akts 16:40

Pɔɔl ghɔ Silas fùu fɨ taa ŋii mfiŋ yɔ́, gə̀ taa ŋii Lidia, yè vɨɨ məbiŋ nu Kristo, zwìsə fwisə vəŋ, kɨ nii yigə nə ŋwaa vəŋ.

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:14

Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 17:6

Faŋ vəŋ nə ziꞌ fu Jason, kee yè vɨ Pɔɔl me, kɨ nii jìa Jason nə vɨɨ məbiŋ nu Kristo vəmɔ́ꞌ, gə̀ nə vəŋ vɨsɨ vəshɨꞌ, gì nəŋay laa, «Vɨɨ mbɨə faŋ vəŋ buulə məshɨ mənshə, zìꞌ feenə taa shɨ nsiŋ ndwə nɨzi.

Akts 18:18

Nu kɔ́ kɨ me, Pɔɔl baa shi yifi tày, baa kɨ nii kɔ̀ bwey-jəə tɨ́ vɨɨ məbiŋ nu Kristo, siꞌ gə̀ ntɨꞌ Keŋkria, kɔ̀ŋ tɔ ki, buꞌ laa ŋwə nə kɔ̀ꞌnə nu tɨ́ Nwi, ghɔ vɨ Prisila nə Akwila, kɨ nii ŋìi taa bay kwalə, tɔŋ gə njɨɨ Siria.

Akts 18:27

Shi mɔ́ꞌ Apɔlɔs nə kəə gə shɨ Akaya. Vɨɨ məbiŋ nu Kristo fɨ shɨ Efesɔs nyɔꞌ ŋwaꞌlə tɨ́ vaŋ-nshwi vəŋ fɨ shɨ Akaya laa vəŋ jia Apɔlɔs ŋkee jəə. Nɨniŋ, ŋwə gə nə ŋwaꞌlə ghɔ́, gə̀ ziꞌ Akaya. Faŋ ŋwə nə luu yifi, gaŋtə vɨɨ məbiŋ nu Kristo ŋkee jəə nə wutə ki kɔ́, faŋ Nwi nə key ŋwə shɔ nə.

Akts 21:17

Faŋ yia nə zìꞌ Jerusalem nɨniŋ nə, vɨɨ məbiŋ nu Kristo faŋ vəŋ nə lùu yifi, ndi yia nə məŋaytə.

Akts 21:20

Faŋ vəŋ nə zɔ̀ nɨniŋ, bə̀ŋsə Nwi, kɨ nii gì tɨ́ Pɔɔl laa, «Weenshu wia, a kɔꞌ kɨɨ laa vɨɨ Jus shɔ ŋkaŋsə ŋkaŋsə, faŋ vəŋ biŋ nu Kristo. Vəŋ vənshə baa wèꞌ maa ntɨsə Nwi.

Akts 21:7

Nɨniŋ, yia nə metə yitoꞌ yia, ndɔ̀ fɨ Tayra, gə ziꞌ Tɔlemeɔs, yè vɨɨ məbiŋ nu Kristo faŋ vəŋ nə luu yifi, shɔ̀ꞌtə vəŋ, yia vɨ vəŋ shi sheꞌ shi kəmuꞌ.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 28:14

Faŋ yia nə zìꞌ yifi, yè vɨɨ məbiŋ nu Kristo vəmɔ́ꞌ. Vəŋ buꞌ ghɔ tɨ́ yia laa yia vɨ vəŋ shi vəshi kwatia. Nɨniŋ, yia shi shɔ, buu baa ndɔ̀ gə̀ shɨ Rom.

1 Kɔrintian 15:6

Yiŋkii kɨ shɔɔ, ŋwə fuu yikəꞌ vaŋ-nshwi vaŋ-nsiŋ vəmɔ́ꞌ faŋ vəŋ nə bàytə shəŋ muꞌ vəyaŋ, shɔ̀ɔ yiwa tee. Vəŋ vənshə nə yè ŋwə nə sɨ. Vɨɨ vəyaŋ kɨ bii fɨ taa ŋwaa vɨɨ vɔ́ faŋ vəŋ nə yè ŋwə nə. Nə kukə sheꞌ vaŋ-mbusə vɨɨ fɨ taa ŋwaa vəŋ.

Reveleyshən 11:13

Sheꞌ maa yighee yɔ́, nsi nəꞌnə ŋkee dɨdɨꞌ, waytə shɨ kɔ́ muꞌnə, gù nsi, goꞌ vəwaytə buumuꞌ. Faŋ nsi nə nə̀ꞌnə nə, vɨɨ kukə ŋkaŋsə kwatia, bətə vɨɨ faŋ vəŋ nə gòꞌ, fee, ndɔ bə̀ŋsə Nwi fɨ yizɔ.

Reveleyshən 3:4

Luu nə, mə kɨɨ nə vaŋ-mbusə vɨɨ fɨ taa ŋwaa viŋ, shɨ Sardis, faŋ vəŋ kee bɨsə fwisə vəŋ nə nu bwə me. Yia vɨ vɨɨ vɔ́ ndɔ kɨ toꞌ mɔ́ꞌ, mɔꞌ njwisə fusə, buꞌ laa vəŋ kùꞌnə tɨ́ Nwi.