Akts 1:13 - Vengo (Babungo)

¹³ Vəŋ ziꞌ ntɨꞌ Jerusalem, koꞌ gə̀ taa njɨɨ ŋii njyə faŋ vəŋ yaa kɨ baytə shɔ nə. Vɨɨ vɔ́ nə luu Pita nə Jɔn nə Jeyms nə Andru nə Filip nə Tɔmas nə Bartolomi nə Matiu, nə Jeyms wee Alfeɔs, nə Saymon ŋgwə faŋ vɨ tii ŋwə nə wuu məsɨŋsə maa nu, baa nə Judas wee Jeyms.

Akts 1:13 ပူးပေါင်းရင်းမြစ်များ

Matiu 9:9

Yeso fuu fɨ fuŋ, kii gə vɨsɨ, yè wə mɔ́ꞌ faŋ ŋwə dùꞌ shuu ŋii məsa vətɔ, yizii yi luu Matiu, gì tɨ́ ŋwə laa, «Beꞌsə mə!» Ŋwə ndɔ fɨ nsi, bèꞌsə Yeso.

Mark 14:15

Tɨɨ fu ghɔ́ taa də njɨɨ ŋii yikwalə tɨ́ viŋ, tɨ́ vɨ nuŋsə vətɔ vənshə taa tey yi. Yifi viŋ kɨ lootə fazɨ kɔ́ tɨ́ nsiŋ.»

Mark 14:33

Ŋwə gi nɨniŋ, ndì Pita nə Jeyms baa nə Jɔn, ghɔ vɨ vəŋ gə. Vəŋ gə nɨniŋ, fwi yi tey kɨ laꞌ, ŋwə fee,

Mark 2:14

shɔ̀ɔ kii gə, yè Levi, wee Alfeɔs, faŋ ŋwə nə dùꞌ shuu ŋii məsa vətɔ. Yeso gi tɨ́ ŋwə laa, «Beꞌsə mə!» Levi ndɔ fɨ nsi, bèꞌsə Yeso.

Mark 5:37

Yeso kɨ gə̀ shɔ, kee biŋ laa wə beꞌsə ŋwə me, tɨ̀ lɨꞌ sheꞌ Pita nə Jeyms baa nə Jɔn, weenshu Jeyms.

Mark 9:2

Vəshi kɨ shɔɔ ntɔfə, Yeso ndi Pita nə Jeyms baa nə Jɔn, ghɔ vɨ vəŋ koꞌ gə̀ ŋkee fuu baŋ yidə. Faŋ vəŋ nə zìꞌ yifi, sheꞌ vəŋ vəŋ, ŋwaa Yeso kwiinə fɨ yikəꞌ vəŋ.

Lukas 22:12

Tɨɨ fu ghɔ́ taa də njɨɨ ŋii yikwalə tɨ́ viŋ, faŋ vɨ nuŋsə vətɔ və duꞌnə shɔ. Viŋ naysə fazɨ yifi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:16

Tɔmas faŋ vɨ tii ŋwə nə Siꞌye nə, gi tɨ́ vəliŋ vi laa, «Viŋ kɨ nshɔ, nsiŋ vɨ vəŋ gə mɔ́ꞌ, tɨ́ la nsiŋ vɨ vəŋ kukə mɔ́ꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:22

Judas mɔ́ꞌ faŋ nə kee lùu Judas Iskariot me, bitə tɨ́ ŋwə laa, «Sii yɨ̀ kə a kəə də̀ ŋwaa wə sheꞌ tɨ́ yia, kee biŋ laa mbi ye ghɔ nɨzi me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:17

Wuu məshii shuu ŋkɔꞌ ghɔ́, faŋ nə luu wəzwi, gi tɨ́ Pita laa, «Maa a lùu fɨ maa vɨɨ məzwetə nu Yeso vì?» Pita twey.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Akts 12:17

Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 15:13

Faŋ Barnabas ghɔ Pɔɔl metə yigisə vəŋ yɔ́, Jeyms gi laa, «Vaŋ-nshwi vaŋ, viŋ zɔ nu ŋkɨə faŋ mə gisə!

Akts 2:14

Pita tɨŋnə yizɔ ghɔ vɨ vɨɨ ntɔŋ Yeso njɔ-yimuꞌ, gì nə gɨ yishaꞌsə laa, «Vɨɨ Jus, nə vɨɨ vənshə faŋ viŋ shì ntɨꞌ Jerusalem, viŋ ŋaꞌ tuulə ghiŋ, kɨ zɔ nu ŋkɨə faŋ mə taa naysə tɨ́ viŋ.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:8

Təkiꞌ nə luu təyaŋ taa njɨɨ ŋii njyə faŋ yia nə baytə shɔ nə, faŋ nə luu njɨɨ ŋii yizɔ.

Akts 4:13

Shuu vəŋ yɔŋ maa Pita ghɔ Jɔn buꞌ faŋ vəŋ nəə gisə nə wutə, kee fee wə me. Shuu vəŋ yɔŋ buꞌ laa vəŋ nə kɨɨ laa Pita ghɔ Jɔn nə kee lùu vɨɨ məkɨɨ nə ŋwaꞌlə yaŋ me. Vəŋ nə luu sheꞌ vɨɨ dayday. Luu nə, vəŋ kɨɨ nɨzi laa vəŋ nəə toꞌ ghɔ vɨ Yeso mɔ́ꞌ.

Akts 4:19

Pita ghɔ Jɔn kɔ bəŋsə tɨ́ vəŋ, gì laa, «Bàw viŋ sɔꞌ nu ŋkɨə faŋ ŋkə lùu kəloomə vɨsɨ Nwi, məzɔnə viŋ shɔ̀ɔ məzɔnə Nwi mu?

1 Kɔrintian 15:7

Baa lùu maa yighee mɔ́ꞌ, Yeso fuu yikəꞌ Jeyms, baa kɨ nii fùu yikəꞌ vɨɨ ntɔŋ vi vənshə.

Galatia 1:19

Mə nə kee yè wuu ntɔŋ Kristo mɔ́ꞌ me, tɨ̀ lɨꞌ sheꞌ Jeyms, weenshu tɨta Yeso.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.