3 Jɔn 1:9 - Vengo (Babungo)

⁹ Mə yaa nyɔꞌ ŋwaꞌlə mɔ́ꞌ, tɔ̀ŋ tɨ́ nshəŋtə yiŋ. Luu nə, Diotrefes, faŋ ŋwə kəə tɨŋ tɔ fɨ taa nshəŋtə vɨɨ Kristo, kee biŋ maa məzɔnə yia me.

3 Jɔn 1:9 ပူးပေါင်းရင်းမြစ်များ

Matiu 7:8

Lùu nɨniŋ buꞌ laa wə tɨ̀ me wə faŋ ŋwə bùꞌ ghɔ tɨ́ Nwi, yaa kɨ kii. Wə ntɨə faŋ ŋwə kəə jɨɨ yinsəŋ, yaa kɨ ye. Wə ntɨə faŋ ŋwə bùꞌtə shuufɔ yifwàŋ yizɔ, vɨ ŋaꞌsə tɨ́ ŋwə.

Mark 9:34

Vəŋ gay buꞌ laa vəŋ nəə toꞌ, gìsə jɨɨ laa, wuu kwalə fɨ taa ŋwaa vəŋ lùu ndə?

Mark 9:37

«Wə ntɨə faŋ ŋwə ndì wee yaa wee ŋwə̀, kɨ gaŋtə ŋwə maa yizii nyaa, buu ŋwə gaŋtə luu mə,» baa nə laa, «Wə ntɨə faŋ ŋwə gàŋtə mə, gàŋtə luu Nwi faŋ ŋwə nə tɔ̀ŋ mə.»

Lukas 9:48

gì tɨ́ vəŋ laa, «Wə ntɨə faŋ ŋwə ndì wee ŋwə̀, kɨ gaŋtə maa yizii nyaa, buu ŋwə gàŋtə luu mə. Wə ntɨə faŋ ŋwə gàŋtə mə, gàŋtə wə ntɨə faŋ ŋwə nə tɔ̀ŋ mə nə. Wə faŋ luu ŋkee wuu tɨtiꞌ fɨ taa ŋwaa viŋ, buu lùu wuu kwalə.»

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Kɔlɔsii 1:18

Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.

3 Jɔn 1:8

Nɨniŋ, ŋkaŋ-nsiŋ lùu laa nsiŋ kɨ nuŋ kəŋ vɨɨ vɔ́ taa ndɔꞌ nsiŋ, laa nsiŋ luu vaŋ-nshwi vəŋ fɨ taa faꞌ ŋgwə faŋ lùu nu Nwi yinsəŋ.