3 Jɔn 1:8 - Vengo (Babungo)

⁸ Nɨniŋ, ŋkaŋ-nsiŋ lùu laa nsiŋ kɨ nuŋ kəŋ vɨɨ vɔ́ taa ndɔꞌ nsiŋ, laa nsiŋ luu vaŋ-nshwi vəŋ fɨ taa faꞌ ŋgwə faŋ lùu nu Nwi yinsəŋ.

3 Jɔn 1:8 ပူးပေါင်းရင်းမြစ်များ

Matiu 10:14

Kɨ luu vɨɨ kee biŋ nu kiŋ me, kee kɨ zɔ yigisə yiŋ me, viŋ fuu fɨ taa ŋii yɔ́, tɨꞌnə me fɨ taa ntɨꞌ yɔ́, tɔ̀ŋsə ghuu ghiŋ nsi maa shwenə tɨ́ vəŋ.

Matiu 10:40

Wə ntɨə faŋ ŋwə jìa viŋ jəə, jìa luu mə nɨniŋ. Wə ntɨə faŋ ŋwə jìa mə jəə, jìa luu nshɨ-tɔ Nwi faŋ ŋwə nə tɔ̀ŋ mə nə.

Lukas 11:7

Maa kaꞌ wuumba wə kee bəŋsə fɨ taa ŋii, gì laa, «Kɨ ghɔ ghaysə mə me. Vɨ duꞌtə vɨ fay shuufɔ, yia vɨ vaŋ vaŋ nɔŋ mɔ́ꞌ. Kaꞌ mə kee baa ndɔ, kɔ̀ fa tɨ́ ghɔ me.»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

2 Kɔrintian 8:23

Gə fɨ maa Titɔs, ŋwə lùu wuu yitoꞌ ŋwaa, baa gaŋtə mə nə faꞌ faŋ mə fàꞌ buꞌ viŋ nə. Gə fɨ maa vaŋ-nshwi vaŋ-nsiŋ vɔ́, tɔŋ vəməshəŋtə və vɨɨ Nwi tɔŋ vəŋ, vɨɨ bəŋsə yizii Kristo buꞌ vəŋ.

Filipi 4:3

Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Kɔlɔsii 4:11

Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

Filemon 1:2

Yia tɔŋ ŋwaꞌlə ŋwə̀ tɨ́ ghɔ, nə tɨ́ Afia, weenshu ŋwaa-nsiŋ, nə tɨ́ Arkipɔs faŋ ŋwə twèꞌ maa nu Kristo yuu nsiŋ, nə tɨ́ vɨɨ Kristo mbɨə faŋ vəŋ baytə taa ŋii ghɔ.

Filemon 1:24

Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.

3 Jɔn 1:10

Yighee njyə faŋ mə ndɔ jwi yɨ viŋ, mə taa naysə vənu mbɨə faŋ ŋwə yɨsə ntee, laa ŋwə sɨ̀ɨ təba tɔ yia. Nshɨ-tɔ wi kee bìŋ vɨɨ Kristo faŋ lùu vəndɔ ŋii taa ŋii ŋwə me. Nu kɔ́ kee ta yikuꞌnə tɨ́ ŋwə me, ŋwə baa twey tɨ́ vaŋ-nshwi fɨ taa nshəŋtə vɨɨ Kristo laa, kɨ vəŋ kɨ biŋ vɨɨ Kristo vɔ́ ŋii taa ndɔꞌ vəŋ me, bee kɨ nii jɔŋ vaŋ-nshwi vɔ́ fɨ taa nshəŋtə vɨɨ Kristo.

3 Jɔn 1:7

buꞌ laa vɨɨ vɔ́ nə fùu maa nu Yeso Kristo, kee kaw fi fa fɨ ghɔ wə faŋ kee lùu wuu Kristo me.

3 Jɔn 1:9

Mə yaa nyɔꞌ ŋwaꞌlə mɔ́ꞌ, tɔ̀ŋ tɨ́ nshəŋtə yiŋ. Luu nə, Diotrefes, faŋ ŋwə kəə tɨŋ tɔ fɨ taa nshəŋtə vɨɨ Kristo, kee biŋ maa məzɔnə yia me.