3 Jɔn 1:6 - Vengo (Babungo)

⁶ Vəŋ nàysə tɨ́ nshəŋtə yia ntee laa a lùu wuu məkaw vɨɨ. A taa kɨ gaŋtə vəŋ maa nu yitoꞌ vəŋ, yuu ŋkə kuꞌnə tɨ́ Nwi, buu a yɨ̀ luu nu jəə,

3 Jɔn 1:6 ပူးပေါင်းရင်းမြစ်များ

Akts 15:29

Ŋkə lùu laa, kɨ viŋ zɨ fazɨ faŋ vɨ kɔ̀ tɨ́ vənwi vədayday, fèꞌ vənwi vədayday shɔ me. Kɨ viŋ zɨ fazɨ faŋ mənshi lùu taa tey yi me. Kɨ viŋ kwə mbasə nyaa faŋ vɨ tɨtwiŋ me nyaa, nyə ku me. Baa nə laa viŋ baꞌsə fwi siŋ fɨ maa nu vəki. Viŋ kwasə yiŋwaa yiŋ fɨ maa vənu vɔ́, buu viŋ taa dùꞌ jəə. Viŋ duꞌ jəə!»

Akts 15:3

Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 21:5

Faŋ vəshi via nə kùꞌnə maa məshi yifi, yia baa ndɔ̀ fɨ yifi. Vɨɨ vɔ́ vənshə ndi yia nə vəki vəvəŋ nə vaŋ vəŋ, tòꞌ fùu fɨ taa shɨ, yia vɨ vəŋ tuŋ vətɔ vəyəə via nsi shuu muu, shɔ̀ꞌtə Nwi,

Roma 15:24

Nɨniŋ, mə ndɔ jwi yɨ viŋ maa yighee njyə faŋ mə ndɔ kɨ gə shɨ Speyn, buꞌ laa mbɨꞌtə nyaa lùu laa mə ndɔ kɨ shɔɔ, jwi ye viŋ ŋkəə, zɔ̀ zwitə kiŋ tɨtiꞌ, buu viŋ gə twèy mə shɔ.

2 Kɔrintian 1:16

Mə nəə kəə ye viŋ, buu shɔ̀ɔ fɨ yɨ viŋ, gə ziꞌ shɨ Makedonia, baa ndɔ̀ fɨ Makedonia, bə̀ŋ jwì yè viŋ, buu viŋ gaŋtə mə, gə̀ twèy mə shɨ Judia.

Filipi 4:14

Luu nə, viŋ yɨ̀ jəə faŋ viŋ gaŋtə mə maa yighee njyə faŋ mə lùu taa ŋɨꞌ nə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

Taytəs 3:13

Yɨ jəə maa məkɔ vətɔ və yitoꞌ tɨ́ Zenas, wuu məkɨɨ nə ntɨsə wì, nə Apɔlɔs, laa tuu wee-fa kee bə̀ə fɨ ghɔ vəŋ me.

1 Pita 2:20

Kɨ luu laa viŋ jia fwi yiŋ maa ŋɨꞌ faŋ vɨ sàŋ viŋ buꞌ nu bwə faŋ viŋ nə yɨ̀sə, buu nu kɔ́ kee lùu nu jəə me. Luu nə, vɨ kɨ luu kwaŋ viŋ taa ŋɨꞌ faŋ viŋ yɨsə sheꞌ vənu vəjəəvə, viŋ kɨ jia fwi siŋ maa yighee yɔ́, bìŋ nə fwi yijəə, buu Nwi kaw viŋ.

3 Jɔn 1:12

Gə fɨ maa Dimitriɔs, vɨɨ vənshə biŋ ŋwə ntee laa ŋwə lùu wuu jəə. Vənu vəjəəvə vi baa də̀ laa ŋwə lùu wuu jəə maa vənu mbɨə faŋ ŋwə yɨsə. Nshɨ-tɔ wia bìŋ ŋwə nɨzi. A kɔꞌ kɨɨ laa yigisə yia lùu yinsəŋ.