3 Jɔn 1:5 - Vengo (Babungo)

⁵ Wuumba ŋwaa, vənu mbɨə faŋ a yɨsə maa vaŋ-nshwi vaŋ-nsiŋ, baa nə ŋkee vaŋ-nshwi vaŋ-nsiŋ vəndɔ, lùu nu jəə yinsəŋ.

3 Jɔn 1:5 ပူးပေါင်းရင်းမြစ်များ

Matiu 24:45

Yeso baa kɨ tii yigisə tii yimɔ́ꞌ tɨ́ vəŋ, gì laa lee, «Bàw viŋ lùu yaa wuu faꞌ yinsəŋ, baa lùu yaa wuu yitɔfə, faŋ tɨɨ faꞌ wi nùŋsə ŋwə tɔ vɨɨ faꞌ vi, laa ŋwə kɨ kɔ fazɨ tɨ́ vəŋ maa yighee yijəənə.

Matiu 25:16

Wə ntɨə faŋ ŋwə nə fì vəmalia tee nə, ndɔ yighee muꞌ, ndɔ̀ gə̀ maa məbeꞌlə ka ghɔ́, sèy vəmalia tɔ yi tee.

Lukas 12:42

Tɨta Yeso gi laa, «Nshiiŋii faŋ vənu vi lùu vəbi, faŋ ŋwə baa lùu tɔfə, lùu ndə, faŋ tɨɨ fu nùŋsə vɨɨ vi vənshə taa ghɔ ŋwə, laa ŋwə kɨ kɔ mfɨꞌ fazɨ vəŋ tɨ́ vəŋ maa yighee njyə faŋ nyə kùꞌnə?

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Roma 12:13

Viŋ kɨ gaŋtə vɨɨ ley Nwi mbɨə faŋ vəŋ bəə fa, ndi vəndɔ taa ndɔꞌ viŋ nə fwi yijəə.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Hibru 13:2

Kɨ viŋ ndenə maa məkɨ tii vəndɔ faŋ vəŋ jwi yɨ viŋ me, tɨ́ kaꞌ viŋ vɨ vəŋ shì mɔ́ꞌ. Viŋ kɔꞌ kɨɨ laa vɨɨ mɔ́ꞌ faŋ vəŋ nə yɨ̀sə nɨniŋ, vəŋ nə jìa luu nshiisə-ŋiisə Nwi, faŋ vəŋ nə kɔlə kee yikɨɨ me.

3 Jɔn 1:10

Yighee njyə faŋ mə ndɔ jwi yɨ viŋ, mə taa naysə vənu mbɨə faŋ ŋwə yɨsə ntee, laa ŋwə sɨ̀ɨ təba tɔ yia. Nshɨ-tɔ wi kee bìŋ vɨɨ Kristo faŋ lùu vəndɔ ŋii taa ŋii ŋwə me. Nu kɔ́ kee ta yikuꞌnə tɨ́ ŋwə me, ŋwə baa twey tɨ́ vaŋ-nshwi fɨ taa nshəŋtə vɨɨ Kristo laa, kɨ vəŋ kɨ biŋ vɨɨ Kristo vɔ́ ŋii taa ndɔꞌ vəŋ me, bee kɨ nii jɔŋ vaŋ-nshwi vɔ́ fɨ taa nshəŋtə vɨɨ Kristo.

3 Jɔn 1:3

Mə yaa ŋaytə ŋkee dɨdɨꞌ faŋ vaŋ-nshwi vaŋ-nsiŋ vəmɔ́ꞌ nə jwì, gì laa a luu ŋkee wuu jəə, toꞌ yitoꞌ yə fɨ maa nu ŋkɨə faŋ lùu nu yinsəŋ.