2 Timoti 3:3 - Vengo (Babungo)

³ kee kaw vɨɨ me, kee mètə nsɔꞌsə ghɔ vɨɨ me, bɨsə yizii vɨɨ, kee jia fwi me, jia vənu taa njyoꞌ, bee nu jəə,

2 Timoti 3:3 ပူးပေါင်းရင်းမြစ်များ

Matiu 10:21

Ndɔ luu maa yighee yɔ́, wə ndɔ kɨ fiŋ weenshu wi tɨ́ yiku, tɨɨ wee kɨ fiŋ ŋwiŋ wi nɨzi, vaŋ kɨ ndɔ jiatə vətɨɨ vəvəŋ nə vənshu vəvəŋ, yɨsə vɨɨ kɨ zwilə vəŋ.

Matiu 4:1

Yiŋkii kɨ mè, Zwitə Ley Nwi suŋ Yeso, ŋwə gə tɔɔ waꞌsə, tɨɨ vəzwitə vəbwəvə mɔŋ ŋwə.

Lukas 10:16

Yeso nə gì nɨniŋ, baa gì tɨ́ vɨɨ ntɔŋ vi vɔ́ laa, «Wə ntɨə faŋ ŋwə zɔnə viŋ, zɔnə mə. Wə ntɨə faŋ ŋwə twèy viŋ, twèy luu mə. Wə ntɨə faŋ ŋwə twèy mə, twèy luu wə ntɨə faŋ ŋwə nə tɔ̀ŋ mə nə.»

Lukas 16:14

Vɨɨ Farisii zɔ vənu vɔ́ vənshə, shìasə ŋwə, buꞌ laa vəŋ nə luu vɨɨ faŋ vəŋ kàw ka dɨdɨꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 1:31

Yitɔ yivəŋ kee ley me. Vəŋ kee luu vɨɨ yinsəŋ me, kee kàw vɨɨ me, kee gaŋtə vɨɨ me.

1 Kɔrintian 7:5

Nɨniŋ ghɔ́, kɨ wəndɔŋ ghɔ wəzwi twey nu liŋ wi me, maa tɨ̀ lɨꞌ laa vəŋ vənshə biŋ laa vəŋ taa gaasə yiŋwaa maa wee-fɨ-yighee maa məshɔꞌtə Nwi me. Yighee yɔ́ taa shɔɔ, bàw vəŋ baa faynə, tɨ́ kaꞌ zwitə bwə Satan kee kìi wutə, ŋii taa ŋwaa vəŋ nə məmɔŋ, kɨ yɨ laa vəŋ gu, buꞌ laa vəŋ kee kɨɨ sɔꞌ yiŋwaa yivəŋ me.

1 Kɔrintian 7:9

Kɨ luu wə kee kɨɨ jiatə ŋwaa wi me, bàw ŋwə ndaa. Bàw laa wə ndaa, fɨ ghɔ ŋwə duꞌ nɨnɔŋ, kɨ kɨɨ fɨ taa fwi ŋwə yaa wisə, buꞌ faŋ ŋwə kee kɨɨ jiatə ŋwaa wi me.

1 Tesalonika 4:8

Nɨniŋ, wə ntɨə faŋ ŋwə shìa nu kɔ́, kee shìa luu wə me, ŋwə shìa luu Nwi, ŋkee ŋwə faŋ ŋwə kwaŋ Zwitə ki, faŋ ŋkə bàw shɨlə nə, taa fwisə viŋ.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:3

Gə fɨ maa vəki vətaavə, tɨ vəŋ sheꞌ nɨniŋ, laa vəŋ kɨ duꞌ nə nshinə vəŋ yiley vɨsɨ Nwi, kee kɨ bɨsə təzii tə vɨɨ me, kee lùu vəbuꞌ tɨ́ məluꞌ məyaŋmə me, deesə vənu vəjəəvə, faŋ mbə gaŋtə vɨɨ maa məkii fwi yijəə.

Jeyms 2:6

Luu nə, viŋ shiasə mbəəsə. Maa luu mfuꞌsə faŋ vəŋ yɨnə viŋ. Maa kwaŋ mfuꞌsə kwaŋ viŋ taa ndɔꞌ nsɔꞌsə.

2 Pita 2:14

Vəŋ bɨꞌtə sheꞌ vənu və vəki maa mətii vəŋ ghee nshə. Kaꞌ vəŋ kee bwà fɨ maa məyɨ vənu vəbwəvə me. Vəŋ bweꞌsə vɨɨ mbɨə faŋ vəŋ kee luu vəweꞌ maa nu Nwi me, laa vəŋ yɨ vənu vəbwəvə nɨzi. Vəŋ kəə sheꞌ sey ka nə vətɔ. Kəŋ vɨɨ vɔ́ lùu taa nsɔꞌ Nwi.

2 Pita 2:19

Vəŋ kɔꞌnə vɨɨ vɔ́ laa vəŋ ndɔ duꞌ tɔ vəŋ, luu nə, nshɨ-tɔ vəŋ faŋ vəŋ gisə yigi yɔ́ nə, lùu vəbuꞌ tɨ́ nu bwə, nu bwə kɨ bii ka vəŋ. Viŋ kɔꞌ kɨɨ laa fa tɨ̀ me fa faŋ ŋkə sɔꞌ wə, wə ghɔ́ lùu buꞌ tɨ́ fa kɔ́.

2 Pita 3:3

Viŋ kɔꞌ kɨɨ jəə jəə laa vɨɨ məshɨꞌ vɨɨ Nwi ndɔ fuu, kɨ shɨꞌ viŋ shɨshɨꞌ maa yighee shə. Vɨɨ vɔ́ ndɔ kɨ yɨsə sheꞌ vənu faŋ too vəŋ kàw, kɨ shɨꞌ viŋ shɨshɨꞌ,

Ŋwaꞌlə Jud 1:16

Vɨɨ vɔ́ lɨlulə ghee nshə, gisə laa vənu vənshə bɨ̀ tɨ́ vəŋ. Vəŋ lulə nɨniŋ, yɨsə sheꞌ vənu mbɨə faŋ yiŋwaa vəŋ kàw. Vəŋ koꞌsə yiŋwaa, baa gìsə yigi yisɨꞌsə maa məbweꞌsə vɨɨ laa vəŋ kɨ yɨsə nu ŋkɨə faŋ vəŋ kàw.

Ŋwaꞌlə Jud 1:18

Vəŋ nəə gisə laa, vɨɨ ndɔ fuu maa yighee shə, kɨ shɨꞌ nu Nwi. Lùu vɨɨ faŋ vəŋ kee kɨ̀ɨ nə Nwi me, yɨ sheꞌ vənu faŋ yiŋwaa vəŋ kàw.

Reveleyshən 13:15

Vɨ baa kɔ̀ wutə tɨ́ ŋwə maa məkɔ zwitə tɨ́ fənyia fɨ nyaa fɔ́, fənyia fɨ nyaa fɔ́ nə gisə. Ŋwə baa yɨsə laa vɨ zwilə vɨɨ vənshə faŋ vəŋ kee bə̀ŋsə fənyia fɨ nyaa fɔ́ me,

Reveleyshən 13:17

Nɨniŋ laa kaꞌ wə kee baa kɨ ywaŋ fa, tɨꞌnə me fiŋ fa me, maa laa ŋwə kìi shwenə kɔ́ me. Shwenə kɔ́ lùu yizii nyaa yɔ́, tɨꞌnə me kii sɨ ŋwaꞌlə yizii yi.

Reveleyshən 16:6

Vɨɨ nə zwìlə vɨɨ ley və, nə nshiisə-ŋii sɔghɔ sə, tùtə mənshi məvəŋ nɨniŋ. A baa luu kɔ̀ mənshi tɨ́ vəŋ laa vəŋ nu. Ŋkə kùꞌnə tɨ́ vəŋ nɨniŋ.»

Reveleyshən 17:6

Mə kɨ ye, yè wəzwi ghɔ́, tɨ́ ŋwə nu mənshi mə vɨɨ ley Nwi nə mənshi mə vɨɨ mbɨə faŋ vəŋ nəə biŋ Yeso ntee, vɨ zwìlə vəŋ nə. Mə ye nɨniŋ, shuu ŋwaa yɔŋ.