2 Timoti 3:2 - Vengo (Babungo)

² Vɨɨ ndɔ kɨ kaw sheꞌ yiŋwaa yivəŋ, nə ka, baa nə nu məboꞌ ŋwaa, nə məkoꞌsə ŋwaa, baa nə məndasə Nwi, nə məshii tɨ́ vətɨɨ vəvəŋ, kee bwaŋ wə me, kee tii Nwi nə nu me,

2 Timoti 3:2 ပူးပေါင်းရင်းမြစ်များ

Matiu 15:6

buu kaꞌ vɨ meꞌtə ŋwə, ŋwə kee baa bəŋsə tii wi nə nshu wi me. Nɨniŋ, viŋ shiasə ntɨsə Nwi buꞌ nuŋsə yiŋ.

Lukas 12:15

Ŋwə baa kɨ nii gì tɨ́ vɨɨ vɔ́ laa, «Viŋ kɨ ndɨɨnə, shiinə yiŋwaa yiŋ laa, kɨ fwi yiŋ kɨ ndɔ maa vətɔ me, fɔnə wə kee yaa kɨ bwey buꞌ laa vətɔ yàŋ ghɔ ŋwə bə̀ me.»

Lukas 16:14

Vɨɨ Farisii zɔ vənu vɔ́ vənshə, shìasə ŋwə, buꞌ laa vəŋ nə luu vɨɨ faŋ vəŋ kàw ka dɨdɨꞌ.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Akts 5:36

Nə luu maa yighee yimɔ́ꞌ, Tiudas nə ndɔ̀, gì laa yi lùu wuu wutə. Vɨɨ yaa yiwa yishwe beꞌsə ŋwə. Vɨ zwi ŋwə, vɨɨ vənshə faŋ vəŋ nəə beꞌsə ŋwə nə, saykə, nu ki kɔ́ baa me sheꞌ nɨniŋ.

Roma 11:18

Nɨniŋ, kɨ viŋ koꞌsə ŋwaa maa təntaŋ tə tɨ ntii-wə me. A kəə kɨ koꞌsə ŋwaa, a kɨ lumə laa, kee tweꞌ ntaŋ tɨ tweꞌ tɨ kɔ́ me, lùu ghay ghi faŋ ŋə tweꞌtə ghɔ.

2 Kɔrintian 5:15

Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

Filipi 2:21

Bətə vɨɨ bɨꞌtə sheꞌ vənu vəvəŋ; vəŋ kee bɨꞌtə vənu və Yeso Kristo me.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

2 Tesalonika 2:4

Wuu mbeenə ghɔ́ ndɔ tuŋ yighaw ghɔ Nwi, kòꞌsə ŋwaa wi yizɔ, kəə maa məshɔɔ vətɔ vənshə, faŋ vɨɨ tii nə Nwi, baa nə vətɔ faŋ vɨ bəŋsə laa lùu vətɔ və Nwi. Ŋwə ndɔ gə duꞌ ŋkee taa ŋii Nwi yikwalə, kɨ tii yizii yi laa yi lùu Nwi.

1 Timoti 1:20

Hayminiɔs nə Alesanda lùu taa ŋwaa vɨɨ vɔ́ faŋ vəŋ nə gù nɨniŋ nə. Mə kɔ vəŋ taa ghɔ Satan tɨ́ kaꞌ vəŋ zwetə maa məkee baa nda Nwi me.

1 Timoti 1:9

Nsiŋ baa kɨɨ laa ntɨsə sɔ́ kee lùu nu tɨ́ wə ntɨə faŋ nu ki lùu kəloomə me, luu sheꞌ tɨ́ vɨɨ məsuꞌtə ntɨsə nə vɨɨ məbuulə, nə tɨ́ vɨɨ faŋ vəŋ kee tìi Nwi nə nu me, baa yɨsə vənu vəbwəvə, nə tɨ́ vɨɨ faŋ vəŋ kee kàw nu jəə me, shɨshiasə Nwi, nə tɨ́ vɨɨ faŋ vəŋ zwilə vətɨɨ vəvəŋ ghɔ vənshwi vəvəŋ, nə tɨ́ vɨɨ məzwilə vɨɨ,

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

1 Timoti 6:10

Nu məkaw ka lùu nu faŋ vənu vəbwəvə fuu vəyaŋ fɨ fuŋ. Vɨɨ vəyaŋ faŋ vəŋ nə kàw ka, ndì jɨɨ, mèꞌ məbiŋ vəŋ, ndɨ́ə yiŋwaa yivəŋ ŋkee dɨdɨꞌ.

1 Timoti 6:4

buu wə ghɔ́ koꞌsə ŋwaa, kee kɨɨ tuu nə nu me, toꞌ mɔꞌlə yigi, bitə vəŋku vənu, faŋ mbə jwi nə mbeenə, baa nə ntaysə, nə məndasə Nwi, nə mbɨꞌtə yibwə.

2 Timoti 3:4

sɨɨ təba tɔ vɨɨ, kee fee nu me, məmwa, kaw maa məzɨ vətɔ, kee kaw Nwi me.

Jeyms 2:8

Bàw viŋ nuŋsə ntɨ njyə faŋ luu ntɨ yikwalə fɨ taa ŋwaꞌlə Nwi! Nyə lùu laa, «Kɨ kaw wənjɨɨ wə yaa nshɨ-tɔ wə!»

Jeyms 4:16

Luu nə, viŋ kɨ bii koꞌsə yiŋwaa yiŋ baa mwà. Məkoꞌsə ŋwaa ghɔ́ nə məmwa ghɔ́ lùu nu bwə.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

2 Pita 2:12

Vɨɨ vɔ́ gisə bwə kɔ̀ŋ vənu faŋ vəŋ kee kɨ̀ɨ nə mbə me, vəŋ yɨ vənu yaa nyaasə faŋ nsə kee kìi tɔ ley maa məbɨꞌtə nu me. Nyaasə kee kɨ̀ɨ nə nu me, kaꞌ wə jia zwi. Yinsəŋ vɨɨ vɔ́ ndɔ ndi yaa nyaasə sɔ́.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

Ŋwaꞌlə Jud 1:16

Vɨɨ vɔ́ lɨlulə ghee nshə, gisə laa vənu vənshə bɨ̀ tɨ́ vəŋ. Vəŋ lulə nɨniŋ, yɨsə sheꞌ vənu mbɨə faŋ yiŋwaa vəŋ kàw. Vəŋ koꞌsə yiŋwaa, baa gìsə yigi yisɨꞌsə maa məbweꞌsə vɨɨ laa vəŋ kɨ yɨsə nu ŋkɨə faŋ vəŋ kàw.

Reveleyshən 13:1

Mə kɨ ye, yè nyaa nə koꞌ fɨ taa mamuu nə ndaw si yighuŋ nə vətɔ vi kwatia, nə təsɔꞌ tə vəfwàŋ yighuŋ maa ndaw si, nə təzii məndasə Nwi maa vətɔ vi.

Reveleyshən 16:11

Nɨniŋ, vəŋ nda Nwi fɨ yizɔ, buꞌ məza vəŋ ghɔ́ nə vədɨꞌ vəvəŋ, kee kìasə fɨ maa jɨɨsə bwəsə vəŋ me.

Reveleyshən 16:21

Yiwey faŋ nyə dɨ̀ɨ yaa ŋkee vənshɨ-və-ŋoꞌsə kwalə, fiŋkə fɨ taa yizɔ, gùkə tɔ vɨɨ. Luu nə, vɨɨ ndasə Nwi, buꞌ wey ghɔ́ faŋ ŋə kɔ ŋɨꞌ tɨ́ vəŋ nə, buꞌ laa ŋɨꞌ yɔ́ shɔ̀ɔ ki.

Reveleyshən 16:9

Faŋ məndɔŋ nə kɔlə twàŋ vɨɨ nɨniŋ nə, vəŋ kɨ nɨndasə yizii Nwi faŋ ŋwə kìi wutə maa ŋɨꞌ yɔ́. Vəŋ kee bee kwìinə fwisə vəŋ me, kee kɨ bəŋsə Nwi me.