2 Timoti 2:9 - Vengo (Babungo)

⁹ Mə ye ŋɨꞌ, ŋii ŋkee mfiŋ yaa ŋkee yɨ-kəbwə, luu buꞌ ntɔŋ yijəə yɔ́. Luu nə, faŋ vɨ kɔlə kwàŋ mə mfiŋ nə, kaꞌ vɨ kee fə̀ŋ nu Nwi me.

2 Timoti 2:9 ပူးပေါင်းရင်းမြစ်များ

Lukas 23:32

Vəŋ nə gə̀ nɨniŋ, vəyɨ-kəbwə vəbɔɔ nə luu shɔ nɨzi, faŋ vɨ taa zwilə ghɔ vɨ Yeso mɔ́ꞌ.

Akts 21:33

Tɨɨ vəsogeꞌ ghɔ́ shəŋtə jwì, jìa Pɔɔl, gì laa vɨ shuŋ ŋwə nə vəsumə vəbɔɔ. Ŋwə bitə laa Pɔɔl lùu ndə, baa nə laa ŋwə nə yɨ̀ kə bwə.

Akts 28:31

fɨꞌtə nu yifwàŋ Nwi tɨ́ vəŋ, baa deesə vəŋ nə vənu və tɨta Yeso Kristo, gi nə fwi yiweꞌ, wə kee fə̀ŋ ŋwə me.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Efesɔs 3:1

Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

Filipi 1:17

Luu nə, vɨɨ mbii-wə kəə sheꞌ laa vəŋ kwàlə shɔ̀ɔ mə, faŋ vəŋ fɨꞌtə nu Kristo nə. Vəŋ kee yɨ nə fwi yijəə me. Vəŋ kəə baa metə kwaŋ ŋɨꞌ maa mə, faŋ mə lùu feenə taa ŋii mfiŋ nə.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Kɔlɔsii 4:18

Maa məndwə, ye məshɔꞌtə ŋwaa faŋ nyɔ̀ꞌ mə Pɔɔl ŋkee nə ghɔ kaŋ. Viŋ kɨ lumə laa mə lùu taa ŋii mfiŋ feenə. Nwi tu mənɔŋ-bwaŋnə tɔ viŋ!

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

1 Tesalonika 1:8

fɔnə nu Nwi nə fùu fɨ ghɔ viŋ, saynə taa məshɨ mə Makedonia nə Akaya, baa kii shɔ̀ɔ fɨ fuŋ, vɨ kɨɨ nə məbiŋ wiŋ, faŋ viŋ nùŋ fwi maa Nwi nə, maa vəshəŋ vənshə. Nɨniŋ, yia kee baa kìi nu gì me,

2 Tesalonika 3:1

Vaŋ-nshwi via, maa məndwə vənu vɔ́, yia naysə tɨ́ viŋ laa viŋ kɨ buꞌ ghɔ tɨ́ Nwi tɔ yia, laa nu tɨta Kristo toꞌ sàynə, vɨɨ kɨ bəŋsə nu kɔ́, yuu ŋkə yaa gay taa ŋwaa viŋ nə.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 1:16

Bàw tɨta Nwi gaŋtə ŋiꞌ ŋii Onesifɔrɔs, buꞌ laa ŋwə nəə zwisə fwi nyaa ghee ghee, tɔ ki kee dɨ̀ɨ buꞌ mə, faŋ mə lùu mfiŋ nə me.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

2 Timoti 2:3

Biŋ ŋɨꞌ yaa sogeꞌ Yeso Kristo jəə.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:14

baa nə vəgoməna faŋ ŋwə shòꞌ maa məsɔꞌ məshɨ, buꞌ laa vɨ nə tɔŋ vəŋ laa vəŋ kwaŋ vəyɨ-kəbwə taa nsɔꞌ, kɨ bəŋsə vɨɨ faŋ vəŋ yɨ jəə.

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.

1 Pita 4:15

Ŋkə kee bàw laa wə fɨ viŋ ye ŋɨꞌ buꞌ laa ŋwə zwì wə me, tɨꞌnə me shàw fa me, tɨꞌnə me yɨ̀sə nu bwə mɔ́ꞌ, tɨꞌnə me kwàŋ kwiŋ wi taa nu wə.