2 Timoti 2:3 - Vengo (Babungo)

³ Biŋ ŋɨꞌ yaa sogeꞌ Yeso Kristo jəə.

2 Timoti 2:3 ပူးပေါင်းရင်းမြစ်များ

Akts 23:31

Nɨniŋ vəsogeꞌ vɔ́ ndi Pɔɔl sheꞌ faŋ tɨɨ vəŋ nə nàysə tɨ́ vəŋ nə, gə̀ nə ŋwə, gə̀ zìꞌ ntɨꞌ Antipatris sheꞌ vətuꞌ ghɔ́.

1 Kɔrintian 13:7

Wə faŋ ŋwə kaw vɨɨ, kee yuu kɨ gisə kɔ̀ŋ bwə faŋ vɨɨ yɨsə me; ŋwə bee kii nuŋsə vənu vənshə sheꞌ ghɔ Nwi, bɨꞌtə laa Nwi taa yɨsə vənu vənshə fuu vəjəə. Fwi yi kee bwà maa nu tɨ̀ me nu me.

1 Kɔrintian 9:7

Maa vəsogeꞌ faŋ vəŋ tùŋ yighaw, vəŋ kee yaa kɨ ndɨ luu ka vəŋ, ywaŋ fazɨ shɔ me. Vɨɨ mbɨə faŋ vəŋ ndɨɨ məndɨɨ, kee zɨ fɨ taa biisə vəŋ yimu? Maa vɨɨ mbɨə faŋ vəŋ shii nyaasə, yaa kɨ nu məməŋ faŋ mbə ndɔ̀ fɨ maa nyaasə sɔ́.

2 Kɔrintian 1:6

Yighee njyə faŋ Nwi kwàŋ ŋɨꞌ tɔ yia nə, ŋwə yɨ̀ nɨniŋ laa ŋwə boolə viŋ, bwèysə viŋ shɔ. Yighee njyə faŋ Nwi boolə yia, buu ŋwə bòolə viŋ nɨzi, kɔ viŋ nə wutə, tɨ́ kaꞌ viŋ jìa fwi siŋ yighee njyə faŋ kəŋ ŋɨꞌ ghɔ́, faŋ nyə ŋìi maa yia nə, ŋìi maa viŋ nɨzi.

1 Timoti 1:18

Ŋwiŋ ŋwaa Timoti, mə kɔ ntɨ tɨ́ ghɔ ndwə laa a kuꞌsə maa vənu mbɨə faŋ nshiisə-ŋii sɔghɔ nə gì tɨ́ ghɔ maa yighee vɨsɨ, laa a tùŋ yighaw yijəənə buꞌ vənu vɔ́ faŋ vɨ nə gì nə.

2 Timoti 1:1

Lùu mə, Pɔɔl, wuu ntɔŋ Yeso Kristo, faŋ nshɨ-tɔ Nwi nə nùŋsə mə maa faꞌ ghɔ́, laa mə kɨ fɨꞌtə nu məbwey vəlwaŋ faŋ Nwi ndɔ kɔ tɨ́ vɨɨ buꞌ Yeso Kristo nə.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Timoti 2:9

Mə ye ŋɨꞌ, ŋii ŋkee mfiŋ yaa ŋkee yɨ-kəbwə, luu buꞌ ntɔŋ yijəə yɔ́. Luu nə, faŋ vɨ kɔlə kwàŋ mə mfiŋ nə, kaꞌ vɨ kee fə̀ŋ nu Nwi me.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

Filemon 1:2

Yia tɔŋ ŋwaꞌlə ŋwə̀ tɨ́ ghɔ, nə tɨ́ Afia, weenshu ŋwaa-nsiŋ, nə tɨ́ Arkipɔs faŋ ŋwə twèꞌ maa nu Kristo yuu nsiŋ, nə tɨ́ vɨɨ Kristo mbɨə faŋ vəŋ baytə taa ŋii ghɔ.

Hibru 10:32

Viŋ lumə yighee njyə faŋ viŋ nə fɔŋ bìŋ nu Kristo nə. Maa yighee yɔ́ viŋ nə ye ŋɨꞌ buꞌ nu Kristo dɨdɨꞌ. Luu nə, viŋ nə kà fwi yiŋ, tɨ̀ŋnə weꞌ.

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.

Hibru 6:15

Buꞌ ŋkɔꞌnə Nwi yɔ́, Abraham jia fwi yi, kɨ kɨꞌ, kee bwa me, buu kii fa ŋkɨə faŋ Nwi kɔꞌnə maa məkɔ tɨ́ ŋwə nə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.