2 Timoti 1:2 - Vengo (Babungo)

² Mə tɔŋ ŋwaꞌlə ŋwə̀ tɨ́ ghɔ, ŋwiŋ ŋwaa Timoti, faŋ mə kàw ghɔ. Tɨta Nwi ghɔ tii ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ məduꞌ-nyɔŋ tɨ́ ghɔ!

2 Timoti 1:2 ပူးပေါင်းရင်းမြစ်များ

2 Timoti 2:1

Faŋ ŋkə lùu nɨniŋ, gə fɨ maa ghɔ, ŋwiŋ ŋwaa, kɨ weꞌ maa nu ŋkɨə faŋ Nwi gaŋtə ghɔ shɔ nə, fɨ yiba Yeso Kristo.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Roma 12:19

Vaŋ-nshwi vaŋ faŋ mə kàw, kɨ viŋ ndɔꞌ ntwi tɨ́ wə me! Bàw viŋ meꞌtə, naꞌ, nsɔꞌ Nwi ŋii wə ghɔ́, sheꞌ faŋ ŋkə lùu taa ŋwaꞌlə Nwi laa, Nwi gì laa, «Məndɔꞌ ntwi lùu nu kaŋ, mə taa kɨ ndɔꞌ ntwi maa vənu faŋ vɨɨ yɨsə tɨ́ viŋ.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

1 Kɔrintian 4:17

Lùu ŋiꞌ nu ŋkɨə faŋ mə tɔ̀ŋ Timoti yɨ viŋ, ŋwə taa baa lumə tɨ́ viŋ, faŋ nshinə nyaa dùꞌ taa jɨɨ Yeso Kristo, nə vənu mbɨə faŋ mə deesə tɨ́ vɨɨ Nwi maa vəshəŋ vənshə. Timoti lùu ŋwiŋ ŋwaa taa nu Nwi, faŋ mə kàw ŋwə. Yia ŋwə lùu fa kəmuꞌ yia vɨ Yeso Kristo. Ŋwə faꞌ faꞌ Yeso Kristo nə fwi yimuꞌ.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

3 Jɔn 1:4

Nu məŋaytə kee lùu shɔ faŋ ŋkə shɔ̀ɔ yiŋkii me, laa mə zɔ laa vaŋ vaŋ toꞌ yitoꞌ yivəŋ fɨ yiba nu ŋkɨə faŋ ŋkə lùu nu yinsəŋ.