2 Tesalonika 3:3 - Vengo (Babungo)

³ Luu nə, tɨta Kristo lùu wuu yinsəŋ, kwaŋ wutə maa viŋ, shìinə viŋ fɨ ghɔ tɨɨ vəzwitə vəbwəvə.

2 Tesalonika 3:3 ပူးပေါင်းရင်းမြစ်များ

Matiu 5:37

Viŋ kɨ gisə yigi yiŋ laa ɔŋ, tɨꞌnə me laa bey, maa yinsəŋ. Viŋ kɨ luu baa kwìinə kuꞌsə yigi yimɔ́ꞌ shɔ, buu nyə ndɔ̀ fɨ maa nu bwə.»

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Lukas 11:4

Ndenə vənu vəbwəvə faŋ yia nə yɨ̀sə nə, fɔnə yia ndenə vənu vənshə faŋ vɨɨ gù maa yia nɨzi. Kɨ ghɔ biŋ yia ŋii məmɔŋ maa məyɨ nu bwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:15

Mə kee buꞌ ghɔ tɨ́ ghɔ laa a baꞌsə vəŋ fɨ taa mbi me. Mə buꞌ ghɔ tɨ́ ghɔ laa a kɨ shiinə vəŋ fɨ ghɔ nu bwə, nə fɨ ghɔ tɨɨ vəzwitə vəbwəvə.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

1 Tesalonika 5:24

Nwi, faŋ ŋwə tìi viŋ nə, lùu wuu yinsəŋ. Ŋwə ndɔ baa yɨ nu kɔ́.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

2 Timoti 4:18

Tɨta Yeso Kristo ndɔ baa kɨ fuusə mə fɨ taa vənu vəbwəvə vənshə faŋ vɨ kəə yɨsə maa mə, bwèysə mə, nùŋ mə maa nu yifwàŋ ki yizɔ. Bàw nsiŋ kɨ bəŋsə ŋwə ghee nshə, kee shia ki me. Ŋkə goꞌsə nɨniŋ.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.