Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Tesalonika 2:3 - Vengo (Babungo)

3 Kɨ viŋ biŋ laa wə bweꞌsə viŋ nə tuu nu kəmuꞌ me! Kaꞌ shi kɔ́ kee ta kùꞌnə me. Viŋ kɔꞌ kɨɨ laa vənu vəmɔ́ꞌvə ndɔ ghaa gay ŋkəə, buu kaꞌ shi kɔ́ taa kuꞌ. Vənu vɔ́ lùu laa vɨɨ ndɔ meꞌ nu Nwi. Wuu mətwey ntɨsə Nwi, wee ndwaŋ, fuu taa mbi ntee.

အခန်းကိုကြည့်ပါ။ ကော်ပီ




2 Tesalonika 2:3
17 ပူးပေါင်းရင်းမြစ်များ  

Yighee njyə faŋ mə yaa luu yia vɨ vəŋ, mə nəə shiinə vəŋ, vəŋ goꞌsə maa yizii yə, faŋ a nə kɔ̀ shee nə. Mə nəə ndeynə vəŋ, tuu wə fɨ vəŋ muꞌ kee ndì me, tɨ̀ lɨꞌ sheꞌ wuu ndwaŋ wì, faŋ nə luu wuu ndi fɨ maa vənzi. Nɨniŋ laa nu ŋkɨə faŋ ŋkə lùu taa ŋwaꞌlə Nwi faynə.


Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,


Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.


Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.


Wə ntɨə faŋ ŋwə kee bìŋ Yeso nɨniŋ me, buu zwitə ki kee ndɔ̀ fɨ ghɔ Nwi me, buu zwitə yiŋkii ndɔ̀ fɨ ghɔ wuu mbeenə Kristo, faŋ viŋ nə zɔ laa ŋkə ndɔ jwi nə. Ŋkə duꞌtə ŋkə jwì, baa lùu taa mbi ndwə.


Gə̀ fɨ maa nyaa yɔ́ faŋ nyə nə luu shɔ, kee baa lùu shɔ nə me, lùu vəfwàŋ lwesə yifɔŋ. Luu nə, ŋwə nə luu sheꞌ fɨ maa nsə kwatia sɔ́ nə. Ŋwə ndɔ gə ziꞌ shəŋ yiku.


Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ