2 Tesalonika 1:3 - Vengo (Babungo)

³ Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

2 Tesalonika 1:3 ပူးပေါင်းရင်းမြစ်များ

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Lukas 17:5

Vɨɨ ntɔŋ tɨta Yeso gi tɨ́ ŋwə laa ŋwə kuꞌsə wutə maa vəŋ, tɨ́ kaꞌ vəŋ nùŋ fwisə vəŋ maa Nwi, wèꞌ shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:2

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Roma 1:8

Mfɔŋ nu lùu laa mə bwaŋ Nwi buꞌ viŋ vənshə maa yizii Yeso Kristo, buꞌ laa vɨ gisə kɔ̀ŋ viŋ taa mbi yinshə, faŋ viŋ nùŋ fwi siŋ maa Yeso Kristo, weꞌ shɔ.

1 Kɔrintian 1:4

Mə kɨ bwaŋ Nwi ghee nshə buꞌ viŋ, buꞌ laa Nwi tù mənɔŋ-bwaŋnə tɔ viŋ, viŋ vɨ Yeso Kristo faynə gù fa kəmuꞌ.

2 Kɔrintian 10:15

Yia kee bəŋsə ŋwaa wia maa faꞌ faŋ vɨɨ day nə sàŋ yiŋwaa vəŋ shɔ, shɔ̀ɔ ki wia me. Yia nuŋsə fwi sia laa viŋ kɨ luu kɨ gə vɨsɨ vɨsɨ nə nu Kristo, buu yia ndɔ yɨ nu kwalə mɔ́ꞌ tɨ́ viŋ, shɔ̀ɔ yighee vɨsɨ maa shəŋ faꞌ kia,

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Filipi 1:9

Nɨniŋ, mə shɔꞌtə Nwi tɔ viŋ laa viŋ kɨ kaw yiŋwaa yiŋ, viŋ viŋ, gə vɨsɨ vɨsɨ, kɨɨ nə Nwi nə nu jəə.

1 Tesalonika 3:12

Bàw tɨta Kristo yɨsə ŋkawnə yiŋ yaŋ, viŋ kɨ kawnə yiŋwaa yiŋ, baa luu kaw vɨɨ vənshə, gə vɨsɨ vɨsɨ, ŋkə lwaŋ taa fwisə viŋ bə̀, sheꞌ faŋ yia kàw viŋ nə.

1 Tesalonika 3:6

Lùu ndwə, Timoti bə̀ŋ jwì fɨ yɨ viŋ, jwì yɨ yia, nàysə ntɔŋ yijəə tɨ́ yia, laa viŋ gòꞌsə viŋ vɨ Kristo, kawnə viŋ viŋ, ndɔ lumə yia jəə ghee nshə, baa nə laa jɨŋ məye yia zasə viŋ nɨzi, sheꞌ faŋ jɨŋ yiŋ zasə yia nɨzi.

1 Tesalonika 3:9

Sii kaꞌ yia kɔ̀ kə tɨ́ Nwi, bwàŋ ŋwə buꞌ laa viŋ nùŋ fwi siŋ maa Kristo nə, fɔnə yia kìi məŋaytə yaŋ vɨsɨ Nwi buꞌ viŋ.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

2 Tesalonika 2:1

Vaŋ-nshwi via, gə fɨ maa məjwi tɨta ŋwaa-nsiŋ Yeso Kristo, faŋ ŋwə ndɔ baa jwi, shə̀ŋtə nsiŋ yɨ ŋwə nə, yia bùꞌ ghɔ tɨ́ viŋ laa,

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

2 Pita 1:13

Mə ye laa ŋkə bàw laa mə taa kɔꞌ kɨ lɨlumə vənu vɔ́ tɨ́ viŋ, gə kɔ tɨ́ yighee njyə faŋ mə ndɔ bəə fɨ mbi.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.