2 Pita 3:2 - Vengo (Babungo)

² Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

2 Pita 3:2 ပူးပေါင်းရင်းမြစ်များ

Lukas 1:70

Lùu nu ŋkɨə faŋ Nwi nə kɔ̀ꞌnə tɨ́ vɨɨ shù fɨ ywaŋ-vɨsɨ, faŋ ŋwə nə yɨ̀sə nshiisə-ŋii sɔghɔ naysə tɨ́ vɨɨ nə.

Lukas 24:27

Ŋwə gi tɨ́ vəŋ nɨniŋ, kɨ nii zì kɨ twelə ŋiꞌ təgi tənshə fɨ taa ŋwaꞌlə Nwi faŋ ntə kɔ̀ŋ wuu məbweysə vɨɨ ghɔ́, zì fɨ taa ŋwaꞌlə Mose, shɔ̀ɔ fɨ taa vəŋwaꞌlə və nshiisə-ŋii sɔghɔ vənshə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 3:18

Nɨniŋ, Nwi nə yɨ̀ nɨniŋ, laa nu ŋkɨə faŋ nshiisə-ŋii sɔghɔ vənshə nə fɨ̀ꞌtə, faynə, fɔnə faŋ vəŋ nə nàysə laa Kristo, wuu məbweysə ŋwaa-nsiŋ, ndɔ ye ŋɨꞌ.

Akts 3:21

Ŋwə lùu taa yizɔ ndwə, ziꞌ tɨ́ yighee njyə faŋ vənu vənshə ndɔ fuu ntee, faŋ Nwi nə kwàŋ taa shuu nshiisə-ŋii sɔghɔ shù fɨshi.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

1 Timoti 6:14

Nɨniŋ laa a jia nu Nwi jəə, tuu ŋkee wee-nu bwə, tɨꞌnə me wee-ndoꞌ kee lùu maa ghɔ me, gə ziꞌ maa shi ŋkɨə faŋ tɨta ŋwaa-nsiŋ Yeso Kristo ndɔ fuu mbi.

2 Pita 2:21

Ŋkə nə bàw tɨ́ vəŋ laa kɨ vəŋ fɔŋ bɨ kɨ̀ɨ nə jɨɨ faŋ lùu jɨɨ yiloomə me, fɨ ghɔ vəŋ kɨ̀ɨ nə jɨɨ yɔ́, baa bəŋ kìasə ŋwaa vəŋ, mèꞌtə ntɨsə Nwi, kee baa kɨ beꞌsə ntɨsə sɔ́ faŋ vɨ nə fɨ̀ꞌtə tɨ́ vəŋ nə me.

2 Pita 3:15

Viŋ lumə laa, nu ŋkɨə faŋ Yeso tày shɔ nə, lùu laa viŋ kii jɨɨ, tɨ́ kaꞌ viŋ ndɔ bwey. Weenshu ŋwaa-nsiŋ Pɔɔl, faŋ nsiŋ kàw ŋwə nə, nə nyɔ̀ꞌ tɨ́ viŋ sheꞌ nɨniŋ fɨ maa tɔ ley ki, faŋ ŋkə ndɔ̀ fɨ ghɔ Nwi.

2 Pita 3:16

Taa vəŋwaꞌlə vi vənshə faŋ ŋwə nə nyɔ̀ꞌ kɔ̀ŋ vənu vɔ́ tɨ́ viŋ, ŋwə nə nyɔ̀ꞌ sheꞌ nɨniŋ. Luu nə, vənu vəmɔ́ꞌ taa vəŋwaꞌlə vɔ́ lùu vəweꞌ. Vɨɨ mbɨə faŋ vəŋ kee kìi tɔ ley me, faŋ vəŋ kee tɨ̀ŋ vəweꞌ maa nu ŋkɨə faŋ vəŋ biŋ me, vəŋ ndì yigi yɔ́ kwiinə, sheꞌ faŋ vəŋ ndì yigi fɨ taa ŋwaꞌlə Nwi, kwìinə nɨzi. Faŋ vəŋ yɨ nɨniŋ, vəŋ suŋ nsɔꞌ Nwi, nùŋ tɔ vəŋ.

1 Jɔn 4:6

Gə fɨ maa nsiŋ, nsiŋ lùu fɨ ghɔ Nwi. Wə ntɨə faŋ ŋwə kɨ̀ɨ nə Nwi, zɔ yigisə nyaa-nsiŋ. Wə ntɨə faŋ ŋwə kee ndɔ̀ fɨ ghɔ Nwi me, kee zɔ yigisə nyaa-nsiŋ me. Lùu nu ŋkɨə faŋ kɨ kaꞌ nsiŋ kɨ̀ɨ nə nu Zwitə Ley yinsəŋ, nə nu zwitə məbweꞌsə vɨɨ.

Ŋwaꞌlə Jud 1:17

Gə fɨ maa viŋ, vɨɨmba vaŋ faŋ mə kàw, viŋ lumə vənu mbɨə faŋ vɨɨ ntɔŋ Yeso nə fɨꞌtə laa mbə ndɔ gay.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.