2 Pita 3:10 - Vengo (Babungo)

¹⁰ Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

2 Pita 3:10 ပူးပေါင်းရင်းမြစ်များ

Matiu 24:35

Yizɔ ghɔ nsi ndɔ me, luu nə, yigisə nyaa kee mè me.

Mark 13:31

Yizɔ ghɔ nsi ndɔ mè, luu nə, yigisə nyaa kee ndɔ mè me.»

Lukas 12:39

Maa ŋkə lùu kəley tɨ́ viŋ laa tɨɨ fu nəə toꞌ kɨɨ nə yighee njyə faŋ ndɔꞌ taa jwi, buu kaꞌ ŋwə kee bìŋ laa ndɔꞌ bɨꞌ ŋii yi, ŋìi me.

Roma 8:20

Mbə kɨꞌ yighee yɔ́ ŋkee dɨdɨꞌ, buꞌ laa vətɔ vənshə faŋ Nwi nə bɔ̀ŋ, gù vətɔ vədayday faŋ mbə ndɔ ndi. Mbə nə kee ŋìi taa ghɔ yiku maa tɔ vəŋ me. Nə kɔ Nwi kɔ vəŋ tɨ́ yiku, luu nə, yɨsə laa vəŋ kɨ kɨꞌ nu jəə.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

2 Kɔrintian 1:14

sheꞌ faŋ viŋ duꞌtə viŋ jia way nu kia nə, laa viŋ ndɔ kɨ ŋaytə, bəŋsə Nwi buꞌ yia, yia kɨ ŋaytə, bəŋsə Nwi buꞌ viŋ, maa shi ŋkɨə faŋ tɨta Yeso ndɔ bəŋ jwi.

1 Tesalonika 5:2

Nshɨ-tɔ wiŋ kɔꞌ kɨɨ ŋkee jəə laa, shi məjwi tɨta Kristo ndɔ luu yaa ndɔꞌ, faŋ ŋwə yaa kɨ jwi nɨntəŋ vətuꞌ, faŋ wə kee yikɨɨ me.

1 Tesalonika 5:4

Gə fɨ maa viŋ, vaŋ-nshwi via, viŋ kee lùu taa mfiŋsə me; shi kɔ́ kee ndɔ gwəkə jɨjwi tɨ́ viŋ yaa ndɔꞌ me.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

2 Pita 3:12

Viŋ tə sɨ ghiŋ maa shi ŋkɨə faŋ Nwi ndɔ jwi sɔꞌ mbi, kɨ yɨ laa kaꞌ shi kɔ́ yasə jwì. Lùu shi ŋkɨə faŋ yizɔ ndɔ kɨɨ shɔ ndì. Vətɔ vənshə fɨ yizɔ nə fɨ nsi ndɔ yey taa wi. Tuu kee fa kee ndɔ goꞌ me.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 16:15

Viŋ kɨ lumə yigi Kristo faŋ ŋwə nə gì laa lee, «Viŋ zɔ! Mə ndɔ jwi maa yighee faŋ wə kee yikɨɨ me, sheꞌ yaa ndɔꞌ. Mənɔŋ-bwaŋnə tɨ́ wə ntɨə faŋ ŋwə shi nə yikɨꞌ, shìŋnə njwi si laa kɨ ŋwə ndɔ toꞌ nə ntɨŋ, tɔ ki dɨɨ taa ŋwaa vɨɨ me.»

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.

Reveleyshən 21:1

Mə kɨ nii yè yizɔ yifinə nə nsi yifi fuu, tɨ́ yizɔ njyə vɨsɨ nə nsi njyə vɨsɨ yaa shɔ̀ɔ nə, mamuu nɨzi kee baa lùu shɔ me.

Reveleyshən 3:3

Lumə faŋ nu Kristo nə jwì zìꞌ ghɔ ghɔ, faŋ a nə zɔ̀ nu kɔ́ nə. Nɨniŋ, kwiinə fwi yə, baa jia nu kɔ́. A kee kaw kɨ shi nə yikɨꞌ me, buu mə taa nyɔꞌtə jwi yaa ndɔꞌ maa yighee faŋ a kee yikɨɨ laa mə taa jwi yɨ ghɔ me.

Reveleyshən 6:14

Yizɔ shɨshɔɔ yaa vɨ yaa kɨ kelə yighaŋ nə, baŋsə sənshə nə vəshəŋ və nsi ndɔ fɨ maa vəshəŋ vəvəŋ, shə̀ŋtə gə̀.