2 Pita 3:1 - Vengo (Babungo)

¹ Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.

2 Pita 3:1 ပူးပေါင်းရင်းမြစ်များ

Matiu 5:8

Mənɔŋ-bwaŋnə tɨ́ vɨɨ mbɨə faŋ fwisə vəŋ lùu səley, fɔnə vəŋ ndɔ gə ye Nwi.

2 Kɔrintian 13:2

Maa yighee njyə faŋ nsiŋ nə luu mɔ́ꞌ maa ghuu yitoꞌ kaŋ lwesə ghee bɔɔ, mə yaa duꞌtə mə gi tɨ́ vɨɨ mbɨə faŋ vəŋ nəə yɨsə vənu vəbwəvə yighee vɨsɨ nə, nə tɨ́ vɨɨ vənshə, laa mə ndɔ baa bəŋ jwi, kee baa kɨ gay buꞌ nu bwə wə mɔ́ꞌ me. Mə baa bəŋsə gì ndwə, faŋ mə kɨ bii ntaŋ nə, laa ŋkə ndɔ luu nɨniŋ.

1 Timoti 5:22

Kɨ mɔꞌ ghɔ ghə tɔ wə titi me, kɨ shiinə ŋwaa wə laa a kee jɔmə vɨɨ taa vənu vəbwəvə vəŋ me. Bàw a kɨ shiŋnə ŋwaa wə laa vənu və ley.

2 Timoti 1:6

Nɨniŋ, mə kəə lumə tɨ́ ghɔ laa, a kɨ ndeynə laa vəkɔ mbɨə faŋ Nwi nə kɔ̀ tɨ́ ghɔ maa yighee njyə faŋ mə nə mɔ̀ꞌ ghɔ ŋaa tɔ ghɔ nə, kɨ faꞌ taa ŋwaa ghɔ,

Hibru 6:9

Vaŋ-nshwi vaŋ, faŋ yia kɔlə gì nee, yia kɔꞌ kɨɨ yinsəŋ laa viŋ taa beꞌsə jɨɨ yiloomə tɨ́ kaꞌ viŋ kìi məbwey vəlwaŋ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

2 Pita 3:17

Gə fɨ maa viŋ, vaŋ-nshwi vaŋ faŋ mə kàw, viŋ duꞌtə viŋ kɨɨ nə vənu vɔ́ ndwə. Nɨniŋ, mə naysə tɨ́ viŋ laa, viŋ ndi yighee, laa vɨɨ mbɨə faŋ vəŋ kee zɔnə Nwi me, kee yɨ laa viŋ fiŋ taa ghuu yitoꞌ vəŋ me. Kɨ viŋ kɔ jɨɨ tɨ́ vəŋ laa vəŋ yɨ viŋ meꞌtə shəŋ jəə ŋkɨə faŋ viŋ tɨ̀ŋnə shɔ nə me.

2 Pita 3:8

Vɨɨmba vaŋ faŋ mə kàw, kɨ viŋ manə nu kwalə mɔ́ꞌ me, laa vɨsɨ Nwi, shi kəmuꞌ kee lùu nɨŋkwiŋ fɨ ghɔ ŋuꞌ ŋkaŋ me, ŋuꞌ ŋkaŋ kee lùu nɨŋkwiŋ fɨ ghɔ shi kəmuꞌ me. Nwi ndi sheꞌ yaa fa kəmuꞌ.

Ŋwaꞌlə Jud 1:5

Bàw mə lumə vənu vəmɔ́ꞌ tɨ́ viŋ faŋ viŋ duꞌtə viŋ kɨ̀ɨ nə mbə. Ŋkee fɨshi, maa yighee njyə faŋ Nwi nə gàŋtə vɨɨ Isirayl laa vəŋ fuu fɨ shɨ Ijip, ŋwə kɨ nii zwìlə vɨɨ mbɨə faŋ vəŋ nə kee bìŋ Nwi me.