2 Pita 2:4 - Vengo (Babungo)

⁴ Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

2 Pita 2:4 ပူးပေါင်းရင်းမြစ်များ

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 8:29

Vəŋ yumə laa, «Nsiŋ sii kìi kə, Wee Nwi? A jwì feenə, jwi kɔ ŋɨꞌ tɨ́ yia, buu yighee taa kuꞌ mu?»

Mark 5:7

yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»

Lukas 10:18

Ŋwə gi tɨ́ vəŋ laa, «Mə yè faŋ tɨɨ vəzwitə vəbwəvə fìŋ fɨ taa yizɔ yaa yibay.

Lukas 8:31

Vəzwitə vəbwəvə vɔ́ buꞌ ghɔ tɨ́ Yeso laa, kɨ ŋwə tɔŋ mbə taa wee-nsi yibay me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Roma 11:21

Faŋ Nwi nə kee meꞌtə ŋkee təntaŋ me, kee taa meꞌtə ghɔ me.

Roma 8:32

Faŋ Nwi nə kee bee sɨ̀ŋtə maa ŋwiŋ wi binə me, kɔ ŋwə tɨ́ yiku tɔ nsiŋ vənshə nə, buu ŋkə lùu kəley laa ŋwə ndɔ kɨ key nsiŋ nə vənu vənshə fɨ yiba jɨŋ ŋwə nɨzi.

2 Pita 2:11

Ŋkee nshiisə-ŋiisə Nwi, faŋ vəŋ shɔɔ vɨɨ vɔ́ nə wutə, kee bee gi nu bwə kɔ̀ŋ vəŋ vɨsɨ Nwi me.

2 Pita 2:5

Gə fɨ maa vɨɨ vɨsɨ faŋ vəŋ nəə yɨ vənu vəbwəvə, Nwi nə kee mèꞌtə vəŋ me. Nwi nə yɨ̀sə laa muu fuu ndìsə vəŋ, faŋ vəŋ nəə kee zɔnə Nwi me. Nə luu sheꞌ Noa ghɔ vɨɨ vi kwatia nə, faŋ Nwi nə bwèysə vəŋ fɨ ghɔ muu mbɔ́, buꞌ laa Noa nəə naysə tɨ́ vɨɨ laa vəŋ kɨ yɨ vənu vəjəəvə.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 20:10

Vɨ mɔꞌ tɨɨ vəzwitə vəbwəvə, faŋ ŋwə nə bwèꞌsə vɨɨ vɔ́ nə, taa shəŋ wisə kwalə, faŋ ŋwə kɨɨ, lumə ki zwilə vɨɨ nə, maa shəŋ ŋkɨə faŋ nyaa yi ghɔ wuu məsɨɨ təba wi lùu shɔ nɨzi nə. Vəŋ ye ŋɨꞌ shɔ vətuꞌ nə shɨshwi maa vəshi və mbi vənshə, ki kee ndɔ luu shɔ me.