2 Pita 2:3 - Vengo (Babungo)

³ Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

2 Pita 2:3 ပူးပေါင်းရင်းမြစ်များ

Matiu 23:14

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fi ndɔꞌ fɨ ghɔ vəki ŋkusə, zɨ, ndɔ shɔ̀ꞌtə Nwi nə təgi təyaŋ, tay dɨdɨꞌ maa məboꞌ sɨ vɨɨ. Nɨniŋ, nsɔꞌ njyə faŋ Nwi ndɔ kwaŋ maa viŋ, ndɔ weꞌ shɔ̀ɔ ki.

Lukas 18:8

Mə naysə tɨ́ viŋ laa, ŋwə ndɔ gaŋtə vəŋ nə nsɔꞌsə vəŋ titi. Gə fɨ maa Wuu yinsəŋ Nwi, vɨɨ ndɔ luu shɔ faŋ vəŋ nùŋ fwisə vəŋ maa ŋwə maa yighee njyə faŋ ŋwə ndɔ bəŋ jwi taa mbi nə mu?»

Lukas 20:20

Nɨniŋ, vɨɨ kwalə məfeꞌ Nwi nə vɨɨ Farisii nyɔꞌ Yeso, tɔ̀ŋ ŋkisə maa ŋwə, faŋ vəŋ jwì kɨ boꞌ ŋwə laa vəŋ lùu vɨɨ yinsəŋ, jwi kɨ kɔꞌsə ŋwə maa yigisə yi, tɨ́ kaꞌ vəŋ kɔ ŋwə tɨ́ vɨɨ kwalə nə goməna, kwàŋ ŋwə taa nsɔꞌ.

Lukas 22:47

Faŋ Yeso nəə kɨ bii gisə, nwaa vɨɨ gwəkə jwi. Judas faŋ nə luu fɨ taa nwaa vɨɨ Yeso njɔsə-bɔɔ nə, nə toꞌ fɨ vɨsɨ taa ŋwaa vɨɨ vɔ́, shə̀ŋtə jwi yɨ Yeso, nyɔ̀ŋ fəə ghi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:16

Ŋwə gi tɨ́ vɨɨ məfiŋtə vəbɔŋsə laa, «Viŋ shaꞌsə vətɔ və̀, gə̀ nə mbə. Kɨ viŋ ndi ŋii Tii ŋwaa, nyə gu ŋii yiwiŋ me.»

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

1 Tesalonika 2:5

Viŋ kɔꞌ kɨɨ laa yia nə kee ta gì yigisə bəŋ tɨ́ viŋ tuu yighee muꞌ me, tɨꞌnə me gì yigi yimɔ́ꞌ maa məshitə viŋ shɔ, maa məkəə ka fɨ yiba me. Nwi kɔꞌ kɨɨ nɨniŋ nɨzi.

1 Tesalonika 5:3

Vɨɨ ndɔ kɨ gisə laa, mbi dùꞌ nə mənɔŋ-bwaŋnə, nu kee baa lùu shɔ tɨ́ kaꞌ ŋkə ghɔ̀ꞌ vɨɨ me. Sheꞌ yighee yɔ́ faŋ vəŋ gisə nɨniŋ nə, nsɔꞌ Nwi gwəkə ŋìi maa vəŋ, sheꞌ yaa nu wəzwi gɔsə faŋ yighee yi gwəkə kùꞌ maa məbi. Sheꞌ nɨniŋ, jɨɨ maa mənyɨŋ kee baa lùu shɔ maa yighee yɔ́ me.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

1 Timoti 6:5

Vɨɨ kɨ nii gàasə yiŋwaa, tay ntaysə ghee nshə, buꞌ faŋ tɔ ley vəŋ bùulə, nu bi ndi fɨ ghɔ vəŋ, vəŋ bɨꞌtə laa nu məbəŋsə Nwi lùu nu tɨ́ kaꞌ vɨ kɨ fuꞌ ka fɨ fuŋ.

Taytəs 1:11

Bàw vɨ kɨ fəŋ vəŋ, buꞌ laa vəŋ kiasə ŋkee yishuu yindɔꞌ yi vɨɨ, nyə gu, buꞌ faŋ vəŋ fɨꞌtə vənu faŋ mbə kee yikuꞌnə me. Vəŋ yɨ̀ nɨniŋ sheꞌ maa məkəə ka, faŋ lùu nu tɔ dɨɨ.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.

1 Pita 5:2

Viŋ luu nshii nwaa bisə Nwi nsɨə faŋ nsə lùu ghɔ viŋ nə. Kɨ viŋ kɨ yɨsə nɨniŋ yaa vɨ dɔɔ viŋ dɨdɔɔ me! Viŋ yɨsə nə njyoꞌ yijəə yiŋ, faŋ nyə kùꞌnə tɨ́ Nwi. Kɨ viŋ kɨ yɨsə laa vɨ ndɔꞌ viŋ nə ka me. Viŋ yɨsə sheꞌ nə fwi yijəə. Wə faŋ ŋwə yɨsə maa ka, tɔ ki dɨɨ.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

2 Pita 2:1

Luu nə, vɨɨ faŋ vəŋ nəə toꞌ, sɨ̀ɨ təba, gisə yigi laa lùu yigisə shuu Nwi, nə lùu taa ŋwaa vɨɨ Nwi nɨzi. Ŋkə ndɔ lùu taa ŋwaa viŋ sheꞌ nɨndɨŋ, vɨɨ ndɔ jwi faŋ vəŋ toꞌ deesə təba tɨ́ vɨɨ. Vəŋ taa kɨ toꞌ taa ŋwaa viŋ fɨ yiba, deesə mədeesə bwə, faŋ ŋwə taa bɨsə mbɨꞌtə vɨɨ. Vəŋ ndɔ twey tɨta Yeso, faŋ ŋwə nə bwèysə vəŋ fɨ maa vənu vəbwəvə vəŋ. Luu nə, sheꞌ fɨkɨꞌ nee, Nwi taa kwaŋ vəŋ ŋkee taa ŋɨꞌ.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

Ŋwaꞌlə Jud 1:11

Ŋkə ndɔ luu ŋkee kəbwə tɨ́ vəŋ. Vəŋ toꞌ ghuu yitoꞌ Kayin, yɨ vənu vəbwəvə maa məkii ka yaa Balaam nə yɨ̀sə yighee vɨsɨ. Vəŋ ndɔ kukə buꞌ məshii vəŋ, yuu vəŋ nywenə nu Nwi, yaa Kora nə yɨ̀ buu ku.

Ŋwaꞌlə Jud 1:15

jwi sɔꞌ nsɔꞌsə vɨɨ vənshə. Ŋwə ndɔ sɔꞌ vɨɨ bwənə vənshə buꞌ vənu vəbwəvə vəŋ faŋ vəŋ yɨsə, baa nə buꞌ yigisə yibwənə faŋ vəŋ gisə kɔ̀ŋ ŋwə.»

Ŋwaꞌlə Jud 1:16

Vɨɨ vɔ́ lɨlulə ghee nshə, gisə laa vənu vənshə bɨ̀ tɨ́ vəŋ. Vəŋ lulə nɨniŋ, yɨsə sheꞌ vənu mbɨə faŋ yiŋwaa vəŋ kàw. Vəŋ koꞌsə yiŋwaa, baa gìsə yigi yisɨꞌsə maa məbweꞌsə vɨɨ laa vəŋ kɨ yɨsə nu ŋkɨə faŋ vəŋ kàw.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Ŋwaꞌlə Jud 1:7

Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.