2 Pita 2:2 - Vengo (Babungo)

² Vɨɨ vəyaŋ ndɔ beꞌsə vəŋ maa vənu vəbwəvə vəŋ faŋ vəŋ yɨsə, nɨniŋ laa vɨɨ kɨ gisə bwə kɔ̀ŋ nu Nwi yinsəŋ.

2 Pita 2:2 ပူးပေါင်းရင်းမြစ်များ

Matiu 22:16

Vəŋ tɔŋ vɨɨ məzwetə nu vəŋ ghɔ vɨ vɨɨ məbiŋ nu fwàŋ Herod tɨ́ Yeso. Vɨɨ vɔ́ gə yè Yeso, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ faŋ ŋwə deesə jɨɨ Nwi yinsəŋ, kee fee wə me, buꞌ laa a kee lùu wuu fəntɔ-fə-yisɨ me.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 7:14

Luu nə, shuu məŋii məbwey vəlwaŋ tiitə. Jɨɨ məgə ŋii shɔ baa lùu yitɨtiꞌ. Ye sheꞌ mbusə vɨɨ ye jɨɨ yitɨtiꞌ yɔ́.»

Mark 12:14

Vəŋ jwi, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ, kee shəŋ maa mbɨꞌtə wə me, kee bee fee yikwalə wə me. A deesə sheꞌ nu Nwi yinsəŋ. Nɨniŋ, yia kəə bitə nu tɨ́ ghɔ laa, ŋkə kùꞌnə laa vɨ kɨ mɔꞌ tasə tɨ́ fwàŋ Kaysa mu, mu bey?»

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 18:26

Ŋwə tey kɨ gisə taa ŋii məshɔꞌtə Nwi vɨɨ Jus nə fwi yiweꞌ. Prisila ghɔ Akwila zɔ yigisə yi, tii ŋwə taa ŋii vəŋ, baa twèlə nu tɨta Yeso tɨ́ ŋwə ŋkee jəə.

Akts 19:9

Luu nə, vɨɨ mɔ́ꞌ luu vəshii, kee kàw biŋ me, gì vənu vəbwəvə kɔ̀ŋ jɨɨ Kristo taa ŋwaa vɨɨ vəyaŋ. Nɨniŋ, Pɔɔl meꞌtə vəŋ, ndì vɨɨ məbiŋ nu Kristo, ghɔ vɨ vəŋ gə. Vəŋ kɨ nii kìi məshəŋtə vəŋ taa ŋii sɨkulə Tiranɔs. Vəŋ nəə shəŋtə yifi shi shi, Pɔɔl gisə tɨ́ vəŋ.

Akts 22:4

Mə nəə toꞌ shoꞌ ghuu vɨɨ mbɨə faŋ vəŋ nəə shɔɔ fɨ maa jɨɨ Kristo, zwìlə vəŋ, ka vəndɔŋ ghɔ vəki, kwaŋ vəŋ taa ŋii mfiŋ.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Roma 2:24

Nɨniŋ, ŋkə fàynə maa nu ŋkɨə faŋ ŋkə lùu taa ŋwaꞌlə Nwi laa, «Vɨɨ tɔmə day faŋ vəŋ kee kɨ̀ɨ nə Nwi me, gisə bwə kɔ̀ŋ yizii Nwi buꞌ viŋ, vɨɨ Nwi.»

1 Timoti 5:14

Nɨniŋ, mə kəə laa vəki ŋkusə faŋ vəŋ kɨ bii vaŋmbwaa, ndaa, bì vaŋ vəŋ, kɨ sɔꞌ ŋiinə vəŋ, tɨ́ kaꞌ vəŋ kee kɔ jɨɨ tɨ́ tɨɨ vəzwitə vəbwəvə maa məjia vəŋ, vɨ gisə bwə tɔ vəŋ me.

Taytəs 2:5

yɨsə vənu vənshə nə yitɔfə, kee toꞌ vəswaŋ me, faꞌ vəfaꞌ taa ndɔꞌ vəŋ nə fwi yijəə, yɨsə vənu vəjəəvə, zɔnə vəndəə vəvəŋ. Nɨniŋ laa kɨ vɨɨ kɨ ndasə nu Nwi buꞌ vəŋ me.

Taytəs 2:8

gisə nu faŋ ŋkə lùu kəweꞌ, baa lùu nu yinsəŋ, tɨ́ kaꞌ wə kee lùlə me, tɔ wuu mbeenə ŋwaa-nsiŋ dɨɨ, buꞌ faŋ ŋwə kee yè nu bwə maa məgi tɔ nsiŋ nə me.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

2 Pita 2:12

Vɨɨ vɔ́ gisə bwə kɔ̀ŋ vənu faŋ vəŋ kee kɨ̀ɨ nə mbə me, vəŋ yɨ vənu yaa nyaasə faŋ nsə kee kìi tɔ ley maa məbɨꞌtə nu me. Nyaasə kee kɨ̀ɨ nə nu me, kaꞌ wə jia zwi. Yinsəŋ vɨɨ vɔ́ ndɔ ndi yaa nyaasə sɔ́.

2 Pita 2:15

Vəŋ mèꞌtə jɨɨ yiloomə, kɨ beꞌsə jɨɨ nshiiŋii-sɔghɔ Balaam, wee Bio, faŋ ŋwə nə kàw maa məsey ka fɨ maa nu bwə.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

2 Pita 2:21

Ŋkə nə bàw tɨ́ vəŋ laa kɨ vəŋ fɔŋ bɨ kɨ̀ɨ nə jɨɨ faŋ lùu jɨɨ yiloomə me, fɨ ghɔ vəŋ kɨ̀ɨ nə jɨɨ yɔ́, baa bəŋ kìasə ŋwaa vəŋ, mèꞌtə ntɨsə Nwi, kee baa kɨ beꞌsə ntɨsə sɔ́ faŋ vɨ nə fɨ̀ꞌtə tɨ́ vəŋ nə me.

2 Pita 2:7

Nə luu maa yighee yɔ́, Nwi nə bwèysə Lɔt, faŋ nə luu wuu jəə. Fwi yi nəə ghaysə ŋwə dɨdɨꞌ buꞌ vənu vəbwəvə faŋ vɨɨ vɔ́ nəə yɨsə.

Ŋwaꞌlə Jud 1:10

Gə fɨ maa vɨɨ vɔ́, vəŋ ndasə vənu faŋ vəŋ kee kɨ̀ɨ nə mbə me. Vəŋ lùu yaa nyaasə taa gay faŋ nsə kee yaa kɨ bɨꞌtə nu me. Vəŋ yɨsə vənu sheꞌ yaa nyaasə, faŋ nsə yaa kɨ yɨsə vənu, kee bee bɨꞌtə nu shɔ me. Vəŋ yɨ nɨniŋ, buu ndìsə sheꞌ vənu vɔ́ ndìsə vəŋ.

Ŋwaꞌlə Jud 1:15

jwi sɔꞌ nsɔꞌsə vɨɨ vənshə. Ŋwə ndɔ sɔꞌ vɨɨ bwənə vənshə buꞌ vənu vəbwəvə vəŋ faŋ vəŋ yɨsə, baa nə buꞌ yigisə yibwənə faŋ vəŋ gisə kɔ̀ŋ ŋwə.»

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Ŋwaꞌlə Jud 1:7

Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.